Njan boen moro foe na Theokratis diniwroko-skoro
1 Ini den 39 jari di na theokratis diniwroko-skoro de now kaba ini wi kondre, a ben bewijsi taki a e tjari winimarki kon. A ben jepi wi foe kon de moro boen te wi e doe wan publiki bekendmaking te wi de na komakandra èn ini na veld dienst. Doesoendoesoen brada nanga sisa ben kisi leri na a heri grontapoe foe de bekwaam publiki takiman.
2 Fa a de nanga joe persoonlijk? Joe e njan boen dorodoro foe na skoro? ’Na go na fesi foe joe na publiki kon de krin foe si’ na ini na velddienst èn na ini joe wroko di joe kisi gi na komakandra? (1 Tim. 4:15) Joe abi na lostoe alaten foe go na fesi ini joe bekwaamheid foe taki „switi” èn „moi” wortoe? — Prék. 12:10; Luk. 4:22.
RICHTLIJN DI WI MOE HORI NA PRAKSERI
3 Leki fa na Schema foe na theokratis diniwrokoskoro gi 1987 sori dan lezing nomroe 1 sa abi en fundamenti tapoe materiaal foe na boekoe „Ala den boekoe Gado ben skrifi nanga en jeje èn den de boen”. Den takiman di kisi na lezing disi moe hori densrefi spesroetoe na a materiaal foe di den e behandel den edepunt. Son aksi foe na schriftelijk overzicht abi den fundamenti tapoe a materiaal disi. Na instructielezing moe hori na ini soso 10 minuut sodati a no de wan sani di kan foe tjari punt ofoe bodoi di no abi foe doe langalanga nanga a tori kon a fesi.
4 Na pistori „Edepunt foe na bijbellésiprogramma” no moe de soso wan samenvatting. Baka te na takiman gi wan algemeen overzicht foe den kapitel di a ben kisi, dan a moe jepi en arkiman foe ferstan foe san-ede èn fa den bodoi de warti gi wi. Efoe a de fanowdoe dan na skoro-opziener sa memre den takiman na disi. Tapoe a skoro wi wani gebroiki Njoen-Grontapoe-vertaling (uitg. 1986).
PROGRESSIEVE OPLEIDING
5 Kande joe e denki dati joe no de so wan boen takiman leki trawan. Srefi efoe dati de so, dan a moro bigi pisi foe wi abi na koni di Gado gi oenoe foe taki èn nanga jepi foe Jehovah wi alamala kan go na fesi foe taki moro boen na waarheid. Te wi loekoe a tori foe a sé foe na skoro-opziener, dan moro foeroe foe wi, net soleki den apostel, de „sma di no kisi leri èn kewon sma” (Tori. 4:13). Efoe wi wani go na fesi, dan tokoe ete wi kan kisi leri foe tjari na waarheid soifri èn nanga fertrow kon ondro wortoe. Hori na ini prakseri taki na waarheid-leti e kon moro krin dé foe dé. Wi e go ferstan na waarheid moro betre dé foe dé. Na theokratis diniwrokoskoro kan jepi wi foe hori asrefi foetoe nanga na waarheid di e go nomo a fesi, èn e sreka wi foe taki „na wortoe foe Gado fri èn sondro frede”. — Tori. 4:31.
6 Wi abi wan faste studieschema di e jepi wi foe sreka wisrefi ibri wiki. Wi moe doe moeiti foe hori wisrefi na a schema disi, foedi a no ala materiaal den kan behandel ini den lezing di sma kisi. Wi e njan boen foe en te wi de ini a zaal e poti jesi arki den ferklari foe den studenti èn foe loekoe na rai di gi. Wi kan njan boen moro foe en efoe wi gebroiki na materiaal ini na velddienst èn ini den wroko foe wi di wi kisi tapoe den komakandra.
7 Sensi 1971 wi abi na toemsi moi naslag boekoe Anoeboekoe gi na Theokratis diniwroko-skoro. Joe sabi en boenboen? Na Anoe-boekoe e gi wan fundamenti foe gi den studenti rai. A kan de wan jepi gi joe ooktoe foe sreka joe toewijzing tapoe a skoro èn foe hori den. Te joe moe sreka wan toewijzing, joe e gebroiki dan na Anoe-boekoe foe studeri den punt tapoe na Gi-rai-brifi pe joe moe wroko na den, èn joe e hori disi na prakseri te joe e sreka joe toewijzing? A de wan sani di de foe si na joe èn na tra wan dati joe e njan boen foe na skoro?
8 Te joe abi wan aktief prati na a theokratis diniwrokoskoro, dan joe sa gi Jehovah dan na okasi ’foe joe leri en pasi’ (Ps. 25:4, 9). Te morofara wi e taki a waarheid nanga dekati, dan sa kon na krin dati „wi abi na tongo foe den sma di kisi leri” foedi wi e njan boen dorodoro foe na theokratis diniwrokoskoro — wan lobi seti foe Jehovah. — Jes. 50:4.