Kisi leri foe Jehovah
1 Na profeiti Jesaja ben froeklari: „Na Soeverein Masra Jehovah srefi gi mi wan tongo foe den wani di kisi leri, sotaki mi sabi foe piki den wan di weri nanga wan wortoe” (Jes. 50:4). Wán fasi fa Jehovah e doe disi de nanga jepi foe na leri di na tejokrasia skoro e gi. Ma moeiti foe joe srefi de te now ete fanowdoe. Na Handleiding gi na Tejokrasia Diniwrokoskoro (Bakratongo) e taki na tapoe bladzijde 39: „Awasi omeni tron joe ben doe wan spesroetoe sortoe wroko, sreka joe srefi de alaten wan warti sani.” Disi de so toe gi ibriwan foe wi, efoe wi skrifi now soso wantoe moen kaba na a skoro ofoe foe sensi na ten di den ben bigin na skoro ini 1943.
2 Ala den studenti moesoe sreka den srefi dorodoro, srefi ini na tori foe na ten. Den bodoi na ini a Schema gi na tejokrasia diniwrokoskoro e taki: „No wan enkri lezing mag pasa na ten.” Efoe wan brada di e doe na lezing nomroe 1 e pasa na ten doronomo, dan den moesoe gi en persoonlijk rai. Na skoro opziener moesoe meki na konmakandra bigin soifri biten èn poti prakseri na tapoe den lin ini na tori foe na ten foe san den gi pasi foe na rai foe en èn den sani di a e taki.
3 Ala sma kan feni foeroe wini foe na pisi foe pe den ede-penti di e kobroiki foe na bijbelleisiprograma e behandel. Den e memre wi taki disi no moesoe de eenvoudig wan samenvatting foe na materiaal di den e gi. Na takiman moesoe jepi den arkiman foe froestan foe san-ede èn fa den bodoi de warti gi wi.
4 Na a lezing nomroe 3 den kobroiki foeroe setting, nanga difrenti boen bakapisi. Ma efoe wi abi wan foe den edemarki foe na skoro na prakseri — foe jepi wi foe pristeri na waarheid soifri èn krin — dan a fiti na a fosi presi foe meki kobroiki foe setting di abi foe doe nanga na velddienst ofoe na preiki tra fasi leki fa a gwenti de.
5 Lezing nomroe 4, te den teki dati foe na boekoe San jongoe sma e aksi — Praktis piki (Bakratongo), sa gi na den njoen ofoe moro jongoe studenti. A no de foe taki taki na studenti di den e gi na lezing moesoe man foe leisi. Den lezing disi sa kenki alawiki nanga wan tori foe na Taki-go-taki-kon-boekoe (Bakratongo). Na lezing nomroe 3 èn lezing nomroe 4 na studenti moesoe hori en srefi na a thema di den gi en.
6 A de fanowdoe foe loekoe boen te wi wani teki ekstra materiaal na ini wi lezing. Sontron na materiaal di den gi wi abi soso wan ofoe toe paragraaf. Ma na ini a ten di den gi foe na materiaal kan tjari te now ete nanga boen bakapisi kon a fesi foedi bijbel tekst e leisi èn e froeklari, agersitori e kobroiki, en so moro fara. Ini algemeen, a no de fanowdoe foe wi pristeri materiaal na dorosei foe san den gi wi. Den arkiman moesoe man foe loekoe na ini a publikâsi di de na gron foe na lezing.
7 Na Gado di wi e anbegi e gi wan fonten foe koni nanga sabi di no man kaba (Rom. 11:33). Srefi baka doesoendoesoen jari wi sa moesoe leri foeroe ete. Na koni foe wi foe prèise wi hemel Tata èn foe kan loesoe den problema foe na libi, so srefi wi tevredefasi èn prisiri, alamala sa kon moro foeroe o moro wi e meki moeiti foe kisi na koni foe Gado. Teki foe dati-ede na fasti bosroiti foe njanboen dorodoro foe den sani di wi Gran Leriman seti gi wi foedi doronomo wi e fisiti na tejokrasia diniwroko skoro. Meki a de sotaki na faja foe joe na ini na sreka èn teki prati na a tejokrasia diniwroko skoro ini 1991 jepi joe foe doro disi.