Aksi boksoe

● Foe san ede a de prenspari foe kaba studeri toe boekoe dorodoro nanga njoen disipel, srefi efoe den e kisi dopoe bifo na di foe toe boekoe kaba?

Jehovah e blesi en organisâsi nanga wan froedoe foe njoenwan di e lon kon na den gemeente. Wi e prisiri foe si na bigi tjari kon na ini disi. Ma wi e froestan taki den sma disi di joe kan teki gersi nanga skapoe abi moro fara jepi nanga tiri fanowdoe foe leri foe dini Jehovah.

Njoenwan abi jepi fanowdoe foe kon kisi wan soifri sabi foe na waarheid (Kol. 1:9, 10). Wi abi na grani foe jepi den foe kisi wan boen froestan foe den fondamenti bijbel leri èn foe san na bijbel e leri foe den moreel markitiki, wan kresten libifasi èn afersi di abi foe doe nanga dati. Disi sa jepi den foe de steifi na ini a waarheid sotaki den kan kakafoetoe gi ibri tesi di kande e wakti den.

Den studenti moesoe kon bigisma toe ini froestan fasi foe den (1 Kor. 14:20). Na ondrofeni leri taki wan persoonlijk bijbelstudie nanga wan meester de boen foe doro na heimarki foe wan bigiman na jejefasi. Soboen aladi wan sma e teki dopoe kande bifo a studeri foe den toe boekoe kaba, dan na koni e sori taki na osobijbelstudie foe en moesoe go doro te leki a kaba na studie foe ala den toe boekoe.

BAKA NA DOPOE

Jesus ben taki taki wi moesoe meki disipel — taki wi moesoe dopoe den èn leri den (mat. 28:19, 20). Den disipel e kisi foeroe foe den rai baka na dopoe foe den. Na sabi di wan sma kan kisi foe soso wán boekoe, leki fa a gwenti e sori no de nofo foe kaba na skoro foe den na jeje fasi. Moro rai de fanowdoe foe meki en bekwaam gi na wroko foe na diniwroko èn foe sreka en foe kakafoetoe gi den kwinsi di e kon na tapoe den wan di e dini Jehovah na ini den lasti dei. Efoe na skoro no de nofo, dan na studenti kande no sa man foe tanapoe tapoe en eigi foetoe. Te wan njoen sma dopoe, wi e tan jepi en foe go na fesi moro fara, efoe a kaba now foe studeri den toe boekoe ofoe no. Na fosi publikâsi di den e studeri, e gi froestan foe fondamenti waarheid. Na di foe toe e behandel kresten eigifasi. Den toe publikâsi di kan kobroiki na a Têgo libi-boekoe èn baka dati kande na Tjari den kon na wan ini na anbegi — boekoe ofoe na Troe vrede — boekoe. Efoe den boekoe disi no de foe kisi, dan trawan kan kobroiki di abi den sortoe bodoi dati. Foe di joe e go doro nanga a bijbelstudie te leki na di foe toe boekoe kaba, na studenti e kisi heriboen leri ini den prakseri foe Jehovah, so srefi ini den hei kresten markitiki èn sani di den e aksi. Na a fasi disi na njoen sma e kisi jepi foe froestan san den kresten gronprakseri wani taki èn foe kon roetoe steifi ini na bribi (Kol. 2:7). Loekoe foe kisi moro bodoi foe na meki raport foe den sortoe studie disi na Aksi Boksi na ini Wi Kownoekondredienst foe september 1987.

A no de foe taki taki den kan froewakti foe wan njoen sma taki den go na fesi na jeje fasi baka na dopoe foe den (Hebr. 6:1-3). Ini moro foeroe kofal a no sa teki langa bifo na di foe toe boekoe kaba. Den gi na njoen sma soboen wan steifi fondamenti.