Kenki di kon na ini na theocratis diniwroko skoro
1 Ini na schema foe na theocratis diniwroko skoro foe 1984 di oenoe kisi kaba, sondro degedege oen ben si wan toe kenki a ini di e meki na skoro de moro boen foe sreka wi na wi dienst.
2 Now di someni njoen sma e kon na ini na gemeente, a gersi taki a de wan koni sani foe tan gebroiki na boekoe Handleiding gi na theocratis diniwrokoskoro. Srefi den sma di foeroe jari kaba ben skrifi den nen na tapoe na skoro kan njan boen foe en foe loekoe a stof disi njoen baka. Artikel di e kon na ini Na Wachttoren foe den boekoe foe den Hebrew Boekoe foe na bijbel e gi wi moi bodoi foe na achtergrond foe na lési-programma foe na theocratis diniwrokoskoro. Den brada di o gi na fosi lezing nanga a di e meki di foe toe kan teki na sowan fasi wan thema dati na materiaal e behandel so boen leki a kan.
3 Kande oenoe ben si taki na di foe dri nanga fo lezing disi no alaten abi leki fundamenti a Bijbeltori foe takmakandra. Foe na sé foe den studenti dati sa aksi moro foe den foe sreka densrefi a fesi, ma a sa gi den wan moro betre okasi foe poti na ini wroko san den ben leri foe na Handleiding foe na diniwroko skoro. Den sma di abi Bijbeltori foe takmakandra leki fundamenti foe na lezing foe den, sa gebroiki den thema di de na ini a Schema foe na Theocratis diniwrokoskoro foe 1984. Den sa abi na okasi foe bow den égi redenatie nanga argumentatie, net soleki den ben sa doe disi na ini na velddienst.
4 Nanga den kenki disi na prakseri dan na joisti fasi foe gi rai e kon moro krin na fesi toe, san e de na boen foe na skoro opziener nanga den studenti. Soleki ben tjari kon na fesi na ini na schema foe na Theocratis diniwrokoskoro foe 1983, na skoro-opziener no a foe hori ensrefi na a volgorde foe den punt tapoe na brifi foe rai. Na marki foe na rai de foe jepi na studenti foe go na fesi na ini na dienst. Na ondro na edeprakseri „Rai nanga wantoe sani” tapoe na njoen skoroschema den e go moro dipi fa disi kan doe.
5 Efoe joe no doe disi ete, teki a ten dan now foe stoeka finfini den pisi disi foe den rai, sodati joe kan njan boen dorodoro foe na leri di de foe joe kisi na tapoe na theocratis diniwrokoskoro. Joe kan abi na djaranti taki Jehovah sa blesi bigi a moeiti di joe e doe foe meki na diniwroko foe joe go na fesi nanga jepi foe den seti disi foe na gemeente.