Overzicht gi na theokrasia diniwroko-skoro
Overzicht nanga tapoe boekoe, di abi en fondamenti tapoe na stòf foe na theokrasia diniwrokoskoro foe den wiki foe 6 mei te nanga 19 augustus 1991. Gebroiki wan aparti pisi papira èn piki na tapoe dati so meni aksi leki joe kan ini a ten di den gi joe pasi foe gebroiki.
[Opmerking: Na a ten foe na schriftelijk overzicht soso na bijbel mag gebroiki foe gi piki tapoe ibri aksi. Den bodoi di tanapoe na baka den aksi, de foe joe ondrosoekoe sani joe srefi. Den bodoi di e sori sortoe Waktitoren joe moesoe go, no e kari kande ala ten den bladzijde nanga den paragraaf.]
Gi piki tapoe ibriwan foe den froeklari di o kon now efoe den boen ofoe fowtoe:
1. Den sani di Jesus ben teki e taki èn di den skrifiman di ben skrifi den Kresten Griki Boekoe nanga jepi foe santa jeje, ben teki e skrifi, e gi wan wantewante fasi foe boeweisi na troefasi foe iniwan èn ibriwan foe den boekoe foe den Hebrew Boekoe. [si bladzijde 299 paragraaf 9]
2. Den fosiwan foe den sani di skrifi foe den Hebrew Boekoe ben meki foe bigin 1513 bifo G.T. te go miti sjatoe na baka 443 bifo G.T., ma foe so fara sma sabi, dan no wan foe den fosiwan disi de te now ete. [si bladzijde 304 paragraaf 2]
3. Ala di na ini a ten disi so wan 1700 pisi foe den Hebrew Boekoe di skrifi nanga anoe de, dan no wan foe den moro owroe leki na di foe tin jarihondro G.T. [si bladzijde 305 paragraaf 5]
4. Fosi na nen foe Gado ben de ini difrenti presi na ini a Septuaginta. [si bladzijde 306 paragraaf 13]
5. A ben de na Fransi bijbel foe Stephanus foe na di foe 16 jarihondro di foe na fosi leisi ben sori na prati foe na heri bijbel ini kapitel nanga vers, leki fa a de now. [si bladzijde 317 paragraaf 19]
6. Te den fo winti foe na banawtoe e loesoe, dan leki fa e sori na heri jeje Israèl ben sa kisi den lakstampoe sondro foe dati kan kenki. Srefi ala di son wan kande de na libi ete ini skin, dan tokoe den sa doro na heri nomroe foe memre krinkrin (Openb. 7:3). [Alawiki bijbel leisiprograma; loekoe re bladzijde 116 paragraaf 9 (Bakratongo).]
7. Openbaring 20:5a e sori tapoe na opobaka ini algemeen. [Alawiki bijbel leisiprograma; loekoe re bladzijde 290 paragraaf 15 (Bakratongo).]
8. Akroederi Genesis 6:5, 6, dan foeroe jari pasa kaba Gado ben sari taki a ben meki libisma. [Alawiki bijbel leisiprograma; loekoe g77 22/7 bladzijde 27, 28 (Bakratongo).]
9. Di Abraham (èn baka ten Sara) ben lafoe na a prakseri taki a ben sa kisi wan manpikin tapoe en owroe dei, disi no ben de wan lafoe, foe di a no ben bribi (Gen. 17:17). [Alawiki bijbel leisiprograma; loekoe w89 1/7 bladzijde 23 paragraaf 15.]
10. Abraham ben hori nomo taki en manpikin no ben moesoe trow nanga wan Kanan oema foe di den Kanan sma no ben de anbegiman foe Jehovah (Gen. 24:1-4). [Alawiki bijbel leisiprograma; loekoe w89 1/7 bladzijde 30 paragraaf 6.]
Gi piki tapoe den aksi di e kon:
11. Wan studie foe na bijbel èn foe prakseri dipi foe den wroko foe Jehovah, na Gran Sma di e hori ten, moesoe abi sortoe krakti tapoe wi? [si bladzijde 285 paragraaf 15]
12. Soema den sabiman foe Boekoe ofoe soferim ben de? [si bladzijde 307 paragraaf 17]
13. San na wan kodex? [si bladzijde 314 paragraaf 5]
14. San ben jepi srefisrefi taki na panja foe bijbel ben kon moro foeroe sensi na bigin foe na di foe 19 jarihondro? [si bladzijde 319 paragraaf 3]
15. Soema den e prenki nanga den myriademyriade asitjariman di den ben taki foe den na ini Openbaring 9:16-19? [Alawiki bijbel leisiprograma; loekoe re bladzijde 152 paragraaf 14, 15
16. San den wortoe „abi wán prakseri” na ini Openbaring 17:13 wani taki? [Alawiki bijbel leisiprograma; loekoe re bladzijde 255 paragraaf 13 (Bakratongo).]
17. Fa na sneki, na ini a djari foe Eden, ben taki nanga Efa so taki a ben kan jere na kori? (Gen. 3:1) [8, Alawiki bijbel leisiprograma; loekoe w84 9/1 bladzijde 31 (Ingrisitongo).]
18. Fa wi moesoe froestan Genesis 9:5, pe Gado ben taki, taki a ben sa ’aksi na broedoe baka’ foe wan meti di ben kiri wan libisma? [Alawiki bijbel leisiprograma; loekoe w76 bladzijde 351 (Bakratongo).]
19. Foe san-ede Isak ben presenteri Rebeka leki en sisa? (Gen. 26:9) [Alawiki bijbel leisiprograma; loekoe w88 15/11 bladzijde 29 paragraaf 8 (Bakratongo).]
Gi na wortoe ofoe a pisi foe a prakserilin di de fanowdoe foe klari ibriwan foe den froeklari di e kon now:
20. „Na di foe twenti jari foe Artaxerxes” ben de na jari ․․․․․․․ (Neh. 2:1-8). [si bladzijde 290 paragraaf 18, 19]
21. Na lastiwan foe den apostel, di ben dede kande 100 G.T., ben de ․․․․․․․ [si bladzijde 292 paragraaf 29]
22. Den boekoe di tjari kon makandra, ofoe na lijst foe boekoe di sma e teki leki troe èn Boekoe di skrifi nanga jepi foe santa jeje, foeroetron sma e sori tapoe den leki na bijbel ․․․․․․․ [si bladzijde 298 paragraaf 5]
23. Na pisiten foe bigin foe pikinmoro na di foe fo jarihondro bifo G.T. te go miti pikinmoro na di foe siksi jarihondro G.T. sma ben sabi leki na jarihondro foe ․․․․․․․, ofoe gewoon Griki. [si bladzijde 314 paragraaf 6]
24. Na moro owroewan foe den doesoendoesoen papira, di skrifi abra nanga anoe foe den Kresten Griki Boekoe, di de foe feni, na a papirus pisi foe ․․․․․․․ na ini a John Rylands Bibliotheek na ini Manchester, Ingrisikondre, èn a de leki fa a sori foe na jari 150 G.T. [si bladzijde 315 paragraaf 11]
25. Na Kresten Griki Boekoe, di de wan pisi foe na Njoen Grontapoe Vertaling, abi en fondamenti tapoe na Griki tekst, di den meki kon moro soifri, foe na anoe foe ․․․․․․․ [si bladzijde 317 paragraaf 22]
Teki na joisti piki ini ibriwan foe den froeklari di e kon now:
26. Na canon foe den Hebrew Boekoe ben kon de fasti na a kaba foe na (di foe tin; di foe feifi; di foe toe) jarihondro bifo G.T. [si bladzijde 299 paragraaf 10]
27. Na fosi lijst foe den boekoe di sma sabi leki na Pisi foe Muratori de foe na (di foe toe; di foe feifi; di foe aiti) jarihondro G.T. [si bladzijde 301 paragraaf 19]
28. San skrifi na ini na Hebrew pisi foe na Njoen Grontapoe vertaling abi leki fondamenti san skrifi na ini (na Di foe Toe Rabijn Bijbel; na fosi uitgave di kon foe na anoe foe C. D. Ginsburg; Kittel’s „Biblia Hebraica”). [si bladzijde 311 paragraaf 28]
29. Ini 1902 na Wachttorengenootschap ben tron na eiginari di abi na reti foe druk baka, den sma di den wawan kan meki kon a doro èn panja („The Emphatic Diaglott”; na Berean Bijbel; na American Standard Version). [si bladzijde 322 paragraaf 10]
30. Na „tranga engel”, leki fa a sori, e sori tapoe (Gabriel; Satan; Jesus Krestes di kisi glori) (Openb. 10:1). [Alawiki bijbel leisiprograma; loekoe re bladzijde 155 paragraaf 3 (Bakratongo).]
Soekoe na joisti tekst gi ibriwan foe den froeklari dja na ondro:
Gen. 15:1-4; Gen. 21:8-14; Gen. 22:17, 18; Openb. 1:10; Openb. 14:16
31. Archeoloogman ben feni ston di meki foe klei di e boeweisi na troefasi foe den sortoe gwenti disi taki srafoe ben kon de den erfgenaam foe trowpaar di no ben abi pikin. [Alawiki bijbel leisiprograma; loekoe w81 1/1 bladzijde 7 (Bakratongo).]
32. Foe bigin foe 1919 dan Krestes Jesus nanga den engel foe en ben tjari na koti foe na fikapisi kon na wan kaba, èn sensi na pisiten 1931-35, den ben koti na bigi ipi. [Alawiki bijbel leisiprograma; loekoe re bladzijde 212 paragraaf 23 (Bakratongo).]
33. Disi e prenki fa na Moro Bigi Abraham ben sa tjari en matifasi kon a wan kaba nanga Israèl na skinfasi foe di Israèl ben trowe Jesus Krestes, na troe Siri foe Abraham. [Alawiki bijbel leisiprograma; loekoe w89 1/7 bladzijde 24 paragraaf 16 (Bakratongo).]
34. Na pisiten disi ben bigin di Jesus ben kisi en kownoe-ati leki hemel Kownoe èn sa kaba te Jesus te foe kaba e gi na Kownoekondre abra na en Gado èn Tata. [Alawiki bijbel leisiprograma; loekoe reSR bladzijde 39 paragraaf 2.]
35. Disi na wan unilateraal froebontoe (wán sei froebontoe). [Alawiki bijbel leisiprograma; loekoe w89 1/2 bladzijde 5 paragraaf 8, 9.]