Wi Kownoekondredienst seti trafasi

Foe sensi a september uitgave, dan Wi Kownoekondredienst kisi wan njoen fasi fa a seti. A fasi fa den seti en kon moro boen, èn a sa meki a fasi foe wroko foe meki na alamoen poeblikâsi disi di e kon ini difrenti tongo, kon moro makriki èn meki en gi den leisiman moro koemakriki foe feni son tori.

Nanga a njoen fasi disi fa a seti, dan a computer kan meki ala titel nanga den wortoe, so taki a no sa de fanowdoe moro foe meki den titel nanga anoe. Disi e makriki a wroko, foe meki Wi Kownoekondredienst, troetroe.

A leisiman abi difrenti wini nanga disi. Den hori na srefi bigi foe den letter èn a sortoe letter di den gebroiki gi den wortoe makriki srefisrefi foe leisi, srefi te den letter pikin. A velddienstbericht sa de moro makriki foe leisi. So srefi den prenspari artikel someni leki a kan sa de foe feni na a srefi bladzijde, ma soso den toe fosi artikel tapoe bladzijde 1 no de so. A programa gi na dienstkonmakandra, a schema foe na gemeenteboekoestudie, a dienstbericht, Wan toe sani, a Theokrasia njoensoe, a Velddienstkonmakandra, a Tori foe takimakandra nanga na Aksi boksoe, wi sa feni na tapoe den bladzijde moro na inisei.

Wi e howpoe taki oenoe sa feni a wrokosani disi di abi troetroe foeroe waarde, leki wan sani di loekoe moro moi èn dati a de wan boen jepi ini a wroko foe preiki na boen njoensoe foe a kownoekondre èn a meki foe disipel.