Pristeri a boen njoensoe — Opo studie nanga a wantewante fasi
1 Jesus ben gi wi na gebod ’foe meki disipel’ (Mat. 28:19). Foe kan doe disi, a de foeroetron fanowdoe taki wi e bigin wan bijbelstudie nanga sma di abi belangstelling. Foe di wi e gebroiki a wantewante fasi foe opo bijbelstudie ini na oso-foe-oso diniwroko, dan disi kan jepi wi foe kan feni den esi-esi. Nanga disi wi kan doro a marki toe foe e meki sma kon sabi krin san na wan foe den moro prenspari reide foe wi fisiti.
2 San wi ben sa kan taki te wi e gebroiki na wantewante fasi te wi e opo bijbelstudie? Wan toemoesi makriki fasi foe bigin wan tori, de a moro boen wan. Wi ben sa kan taki: „Mi abi belangstelling foe jepi sma foe kon froestan a bijbel èn nanga prisiri mi ben sa wani studeri en nanga joe èn joe osofamiri na ini joe oso sondro joe sa abi wan kostoe ofoe froeplekti. Wi kan gebroiki joe bijbel. Efoe joe no abi wan, dan mi kan sorgoe taki joe kisi wan.”
3 Wan tra fasi foe taki nanga a sma kan de: „A marki foe san-ede mi e naki na joe doro tide de foe wiki joe belangstelling gi wan bijbelstudie, di sa jepi joe foe froestan san e go miti a grontapoe disi èn san Gado abi na prakseri gi wi ini a ten di e kon. Mi ben sa feni en switi foe meki joe si fa joe kan abi foeroe moro wini foe joe bijbel. A de foe soso èn joe no abi nowan enkri froeplekti.” Efoe na ososma e agri, joe kan gebroiki na traktaat Libi na ini wan vrede njoen grontapoe ofoe na Mekisani-boekoe, foe di kande joe kan bigin a tapoe blz. 234, par. 6. Den fosi bladzijde foe na kapitel disi e poti prakseri tapoe Jehovah pramisi foe meki a Paradijs kon boen baka.
4 Gebroiki Bijbeltraktaat: Foeroe foe wi ben feni a traktaat boen te wi e gebroiki na wantewante fasi. Te na ososma e opo na doro, joe e langa na traktaat, di fow opo gi en, Libi ini wan vrede njoen grontapoe, so taki a kan si a heri prenki. Sorgoe taki joesrefi toe abi wan traktaat na ini joe anoe èn leisi noso taki nanga tra wortoe sortoe aksi skrifi na ini den fosi toe paragraaf. Takimakandra foe den piki èn leisi wan ofoe toe tekst di e taki foe dati. Dan taki dati joe ben feni en wan moi takimakandra èn meki mofo foe gobaka. Gi, efoe dati fiti, wan sjatoe froeklari foe wi osobijbelstudieprograma di de foe soso, noso meki mofo taki joe sa kon baka foe taki foe ete wan penti foe a traktaat.
5 Te joe e meki mofo foe gobaka, a boen foe taki foe wan sani di a ososma leki fa joe denki sa abi belangstelling foe en. Disi kan doe nanga wan aksi. Nanga disi na ososma sa loekoe foe joe kon baka na wan tra fisiti, te joe piki na aksi.
6 Na foeroe fasi na Mekisani-boekoe de toemoesi boen. A abi boen boeweisi taki Gado de. A e sori foe san-ede evolutie no kan de troe. A e meki wi si foe san-ede wi kan froetrow a bijbel leki a Wortoe foe Gado. Den prenki na ini kapitel 18 nanga 19 sa hari a prakseri foe opregti sma èn a sa wiki belangstelling gi na bijbel èn gi san Jehovah prakseri a fesi foe doe. Meki wi alamala meki boen gebroiki foe ala okasi foe opo studie èn foe abi wan prati na a komando ’foe meki disipel’. — Mat. 24:14; 28:19, 20; Mark. 13:10.