Opo bijbelstudi — Now di a de na yoisti ten
1 Na ini 1987 na gemiddeld nomru fu bijbelstudi di ben hori, ben de moro leki ala preikiman na ini Sranankondre. Fa wan bigi mogelijkheid de fu gro na ini Kownukondrepreikiman. Yu abi wan prati na ini na pisi disi fu na meki fu disipel di e gi satisfaksi? Now di furu sma drai kon baka fu fakansi, dan a de na yoisti ten fu poti wisrefi na tapu na opo fu studi. — Teki gersi nanga 2 Korinte 6:2.
2 Na Diniwroko-buku, bladzijde 92, 93, e meki wi frustan krin fa a de wan grani fu yepi trawan na yeye fasi nanga yepi fu osobijbelstudi. Bladzijde 93 e taki tranga srefi: „Poti leki marki, efu a kan nomo tu, fu abi moro pikinso wan geregelde osobijbelstudi na sei na studi di yu kande abi nanga yu pikin na ini yu osofamiri.” Disi na wan tumsi moi marki, di wi ala kan feti na en baka te wi e pristeri sma wan bijbelstudi na ibri okasi.
NANGA YEPI FU NA TAK-GO-TAK-KON-BUKU
3 Yu ben pruberi fu pristeri wan bijbelstudi na a fosi fisiti? Tapu bladzijde 11, ondro na ede „osobijbelstudi”, na Tak-go-tak-kon-buku e gi tu inleiding fu na wantewante methode disi. Den disi e meki na ososma sabi taki na marki fu wi fisiti de fu pristeri wan gratis osobijbelstudi. Awansi sortu pristeri wi e gebroiki, wi kan aksi fu demonstreer fa wi e lei wan studi. Furu ososma abi wan buku fu wi kaba di wi kan gebroiki. Ofu wan traktaat kan gebroiki leki fondamenti fu na opo fu wan studi. Efu a fiti èn na ososma e agri, dan disi kan du srefi efu na ososma ben weigri fu teki buku. Te wi fu eksempre e pristeri na Gado mekisani-buku, dan na sma ben sa kan taki taki a no habi belangstelling na ini a meki fu sani nanga evolutie. Wi ben sa kan pristeri fu sori fa wi e lei wan bijbelstudie, èn gebroiki gi dati kapitel 19 fu a Gado meki sani-buku, „Wan grontapu paradijs de krosbei”. A o anga fa na belangstelling fu na sma sa de, meki wi ben sa kan teki materiaal di fiti fu den kapitel 16 te nanga 20.
4 Ete wan fasi fu na opo fu bijbelstudi abi fu du nanga na gebroiki fu na Tak-go-tak-kon-buku tapu gobaka. Te yu seti sani fu kon baka na wan sma di abi belangstelling, poti na aksi dan: „Na grontapu sa kon pori na ini wan kernoorlog?” Na presi fu yu taigi en taki na piki sa gi te yu kon baka, meki na ososma skrifi dri ofu fo tekst fu na Tak-go-tak-kon-buku tapu bladzijde 29 nanga 30. Aksi na ososma fu leisi den tekst disi leki wan sreka tapu na tra fisiti. Go so esi leki a kan baka na srefi wiki dati ete èn suku makandra den tekst. Ferteri fa ibri tekst abi fu du nanga na aksi di kon na fesi. Tyari wan tra aksi kon na fesi di na piki fu en sa gi na a tra fisiti. Gi na ososma baka difrenti tekst fu suku, bifo yu konbaka.
5 A bun fu meki na sma di abi belangstelling si taki yu e kisi yu bodoi fu na Tak-go-tak-kon-buku. Baka wan pisi ten en prakseri kan poti na tapu na Teigo-libi-buku fu wan geregelde studi. Soleki yu si dan na methode disi de tumsi bun, srefi te na ososma biginbigin no e teki buku, ma e broko en ede fu den grontaputoestand èn wani sabi san na ten di e kon wani taki.
6 Hori Yesus wortu.na ini Matteus 28:19 gi en disipel na ini prakseri: „Go fu dat’ede èn meki disipel.” Yu ben sa wani abi sote wan prati na a wroko disi fu yepi sma kisi libi fudi yu e lei wan osobijbelstudi? Ma srefi efu yu e lei wán kaba, yu abi pasi ete na ini yu schema gi ete wán ofu tu? Meki na opo fu studi de wan sani fu begi èn no frigiti fu „bai na ten”. — Ef. 5:15, 16.