Moro prékiman kan opo wan bijbelstudie?
1 Joe e hori na a momenti disi wan osobijbelstudie? Efoe dati de so, joe ben sa wani abi sote wan bijbelstudie? Jezus ben poti krakti a tapoe dati wi no moe libi a tori na wan fosi kotoigi, ma moe jepi sma di abi belangstelling foe gro na jejefasi (Johannes 4:39-42). Ma den velddienstbericht e meki oen si dati foeroe prékiman noiti ben tesi na grani foe hori wan bijbelstudie. Sonwan di fosten ben hori wan bijbelstudie, no abi nowan now.
2 Efoe wi e sreka wisrefi geregeld tapoe wan bijbelstudie èn e hori dati, dan Jehovah sa blesi den moeiti foe wi. Aksi den sma ini a gemeente di e hori bijbelstudie di e meki froktoe, dan esesi den sa ferteri joe foe na bigi prisiri di den ondrofeni foe dati.
3 Na „Loekoe!”-brochure di wi ben kisi tapoe na kongres di psa de wan toemsi moi jepi foe opo osobijbelstudie. Aladi na Tego libi-boekoe de wi moro prenspari boekoe foe hori studi, dan tokoe wi kan poti wan boen fundamenti foedi wi e studeri a brochure disi. Dan wi kan wiki na belangstelling, foe a ososma gi wan moro fini-fini-studi foe na boekoe.
FA WI KAN OPO WAN BIJBELSTUDIE
4 Efoe belangstelling de nofo, dan a no de fanowdoe dati wantewante baka na prati foe boekoe joe gwe. Wantewante joe kan opo wan bijbelstudie. Disi kan psa foedi makandra joe e lési aparti paragraaf èn e loekoe den moro prenspari tekst èn e taki foe den.
5 Aladi na ososma ini son geval kande kan wégri a pristeri foe den boekoe, tokoe kan kon a krin dati a abi respeki nanga warderi gi na bijbel. Ala presi pe joe si sowan belangstelling, dan a kan de wan sani di fiti foe go doro nanga takmakandra. Kande sani kan seti foe drai go baka èn foe go doro nanga a fosi takmakandra ofoe foe bigin nanga wan tra bijbeltori. No wawan dati spesroetoe kapitel foe den boekoe foe a Genootschap ma ooktoe pisi foe na Tak-go-tak-kon-boekoe e gi wan maksin foe bodoi gi den sortoe bijbel takmakandra disi. Tapoe wan ten bakaten kande a kan psa foe tjari wan boekoe foe a Genootschap kon ini a tori èn foe aksi a sma foe abi officieel wan bijbelstudie.
6 Na sé okasi ini a velddienst wi doe moeiti ooktoe foe opo bijbelstudie na birtisma, sma di e wroko na a srefi presi ofoe famiriman? Aladi wi ben doe disi kande na ini a ten di psa, ma disi ben doe ooktoe ete no so langa psa kaba? Aksi nanga problema foe sma tapoe asrefi wrokope, mati foe skoro, onderwijzer safrisafri kan tjari kon ini bijbeltakmakandra nanga studie. Nanga wan piki di de krin, sjatoe èn di e gi dekati èn di komoto foe a bijbel na waarde foe na bijbel kan tjari kon a fesi. Na studie kan hori na ini skafte ten, baka wrokoten, baka skoroten ofoe oten dati fiti foe jepi na sma foe go na fesi na jejefasi.
7 Sreka a fesi de toemsi prenspari. Te joe e tjari wan gobaka, sorgoe dan dati na materiaal di joe o go taki foe en de krin ini joe ferstan. Leki wan sreka a fesi na tapoe na fisiti a ben sa boen foe go prakseri fa na takmakandra disi ben sa kan meki dati joe opo wan njoen osobijbelstudie.
8 Tori foe den Apostel 20:35 e jepi wi foe ferstan dati foeroe prisiri èn kolokoe e kon te wi e prati san wi abi nanga trawan. A hori foe wan bijbelstudie e gi wi wan toemsi moi okasi foe ondrofeni na prisiri dati. Meki wi poti leki marki a wi fesi foe abi wan prati na a pisi foe na dienst disi.