Aksiboksoe

◼ Soema kan go na a afdeling Ati-oso informâsi na a bijkantoro?

Na afdeling disi no de nanga a marki foe gi rai foe datra tori, so srefi no foe rikomanderi datra. Ala krestensma aparti, spesroetoe osofamiri-edeman, e tjari den eigi frantiwortoe te den e teki bosroiti ini a tori foe gesontoesorgoe (Gal. 6:5). Na Waktitoren [Bakratongo] foe 15 september 1982 (blz. 22-30) ben gi boen rai foe a soekoe foe bekwaam jepi. Owroeman nanga trawan kan fisiti sikiwan, gi den deki-ati èn horibaka gi den. Ala sma moesoe sabi boenboen san tanapoe na ini na inlegvel foe Wi Kownoekondredienst foe december 1990 ini a tori foe na broedoe afersi.

Te a broedoe afersi e kon tron wan kesekese, dan jepi kan aksi foe den owroeman foe a gemeente. Efoe den feni disi fanowdoe, den sa bèl go na a Ati-oso kontaktikomte di de moro krosibei. Efoe a komte disi no kan gi jepi, èn so srefi wan tra komte foe a birti no kan gi jepi, dan wan memre foe a Ati-oso kontaktikomte sa bèl na afdeling Ati-oso informâsi. Nanga prisiri a bijkantoro sa gi bodoi di den abi foe kan jepi tjari wan loesoe kon foe a problema. Ala den seti disi e foeroe wi nanga warderi gi na lobi sorgoe foe Jehovah organisâsi. — Tori. 15:28, 29; Joh. 13:34, 35.