Aksiboksoe
◼ Fa wi kan abi wini someni leki a kan foe a fisiti foe a kringopziener?
Neleki ini a fosi jarihondro den opziener di e rèis e ’tranga’ ’den sili foe den disipel, ala di den e gi den deki-ati foe tan ini a bribi’ (Tori. 14:21, 22). Foe bigin foe Toedewroko-bakadina 1.00 joeroe a kringopziener de ini a gemeente èn a e bigin nanga a loekoe foe a gemeenteadministratie. Moro fara ini a dienstwiki a e gi ten na a preikiwroko makandra nanga den preikiman, a e hori lezing, e hori takimakandra, e tjari herder fisiti, èn so moro fara. So srefi sonde a e go nanga a gemeente ini a velddienst. Efoe a trow, dan spesroetoe den sisa kan abi wini foe na demakandra nanga en wefi èn a eksempel di e gi ini a velddienst.—om blz. 48-52; w 15 mei 1979, blz 16-28.
Foe di den e bariwroko foe den fisiti disi froekoefroekoe, meki wi kan sorgoe taki wi de presenti a wiki dati. Difrenti preikiman e go ini a jepipionierdienst ini a moen foe a fisiti; wan toemoesi boen fasi foe abi wini foe en dorodoro. Wan lo brada di den ben poti, e teki wan dei fri foe den grontapoe wroko foe man wroko nanga a kringopziener. Sma di sori belangstelling, e kisi jepi foe go na fesi moro esi te preikiman e teki a kringopziener noso en wefi go na den gobaka nanga bijbelstudie foe den. A poebliki taki morofoeroe e sori wan heimarki foe fisitiman. Fa disi na blesi gi na gemeente!—Odo 27:17; Rom. 1:11, 12.
A e fiti foe sori den opziener di e rèis èn e wroko tranga, nanga den wefi foe den, lobi foe teki den na oso. Wi de grantangi efoe wan foe den owroeman e teki en na en tapoe foe loekoe efoe den afersi foe sribipresi di den e pristeri a kringopziener, boen nofo. Wan boen bedi de? Fa disi na wan moi sori foe lobi efoe den e sorgoe boen gi ala sani èn fa disi sa jepi dati na opziener di e rèis kan gi ala en krakti na a gemeente, foe bow den alamala èn gi den prisiri!—Hebr. 13:2; 3 Joh. 8.