Diniwroko konmakandra gi februari
Wiki di e bigin 27 januari
Singi 201
5 min: Wan toe sani foe a gemeente nanga Wan toe sani di fiti foe Wi Kownoekondredienst.
18 min: „’Tjariman foe leti’ distriktkongres foe Jehovah Kotoigi 1992.” Aksi nanga piki takimakandra foe na artikel di na sekretarsi sa hori. Kari datum nanga presi foe a kongres foe a gemeente. Poti krakti a tapoe den bijbel prakseri èn tjari sjatoe kon na prakseri baka den penti san abi foe doe nanga a tanpresi situwâsi foe a gemeente. Gafa den brada nanga sisa foe a wroko di den wroko makandra na ini a tori foe den difrenti sani di sreka gi a kongres.
10 min: Fajafaja takimakandra foe na artikel pe zaal e teki prati na ini toe. Meki wan bekwaam preikiman ofoe pionier demo na pristeri, nanga a boekoe Troe vrede nanga seikerfasi — Fa joe kan feni dati?
12 min: „’Meki wi poeroe ala hebi poti a wan sei’”. Lezing foe owroeman foe na artikel ini Na Waktitoren foe 15 oktober 1991, blz. 21-24 (Bakratongo). Meki kon na krin fa iniwan kan ’tjari en lai’ tapoe wan balansi fasi.
Singi 30 nanga lasti begi.
Wiki di e bigin 3 februari
Singi 126
5 min: Wan toe sani foe a gemeente.
10 min: „Wan praktis fasi fa foe sreka gi na velddienst.” Hori takimakandra foe na artikel nanga den arkiman, èn meki dan dri noso fo preikiman, di mofo ben meki a fesi nanga den, froeteri foe a fasi foe doe sani na a fasi disi, san kan tjari winimarki gi den. Foe eksempel, den kan taki foe difrenti fasi foe doe pristeri, fasi fa joe kan meki a materiaal fiti na ini a gebied foe joe, a fasi foe fiti joesrefi na situwâsi, ofoe taki a fasi foe doe so e gi den preikiman na okasi foe teki materiaal di den feni moro makriki foe pristeri. Gi den preikiman deki-ati foe tjari den Kownoekondredienst kon nanga den te den e kon na a velddienst konmakandra.
18 min: „Inleiding foe meki den ososma kan arki”. Loekoe sjatoe fa a gebied de. Sortoe tori de prenspari gi den ososma? Sori go na a inleiding nanga pristeri di moro foeroe sa abi winimarki na ini a gebied. Meki wan preikiman di sreka heri boen, demo na pristeri disi èn gi na boekoe Troe Vrede èn Seikerfasi — Fa joe kan feni dati? Na preikiman sa pristeri a boekoe leki fa na artikel ben sori. Dan wan jongoe pikin di e go na skoro ete kan demo a srefi pristeri èn bosroiti nanga a pristeri foe tijdschrift na wan sma di abi belangstelling. Gi deki-ati na ala sma foe proeberi na fasi disi ini velddienst.
12 min: Wan Moro betre Datra Document. Sekretarsi e meki den prati den njoen, moro betre Bodoi di abi foe doe nanga Datrawroko gi dopoe memre foe a gemeente èn e loekoe boenboen na a brifi foe oktober 1991, di ben go foe a datra document gi dopoe preikiman nanga Identiteit Karta gi pikin-nengre di no dopoe ete èn di den papa nanga mama de Kotoigi. Te joe e sreka, loekoe baka na a brifi foe 1 januari 1990, foe penti di abi foe doe nanga wi fanowdoe ini a gemeente. Poti krakti na tapoe taki den toe di o poti den nen leki kotoigi sa tanapoe loekoe taki a sma poti en nen tapoe a document èn baka dati skrifi den nen. Taki-go-taki-kon nanga den arkiman foe san ede wi moesoe waka boen na baka den rai foe meki den karta dini moro boen gi wi leki wan kibri.
Singi 130 nanga lasti begi.
Wiki di e bigin 10 februari
Singi 176
10 min: Wan toe sani foe a gemeente nanga Theokrasia njoensoe. Taki foe rapport foe moni afersi, so srefi taki a de seiker taki a Genootschap ben kisi den bijdrage di ben seni go.
15 min: Na pionierdienst de wan sani gi mi? Ini a kondre disi pikin moro 12 prosent foe den preikiman de gewoon pionier. Teki cijfer foe a gemeente gersi nanga disi. Moro foe wi, so srefi toe den jongoewan di heri esi sa komoto na hei skoro, kan meki presi foe go na ini a foeroe ten diniwroko? Hori wan aksi takimakandra nanga dri gewoon pionier, efoe a kan wan jongoewan, wan oso-wefi, nanga wan sma di de nanga pensioen. (Efoe gewoon pionier no de foe doe en, jepi-pionier noso preikiman di ben pionier kan gebroiki.) Loekoe joe moni situwâsi, sortoe afoe-dei wroko de foe doe ini joe birti? Fa iniwan foe den kan teri pasa a libi? Sortoe kenki den tjari kon ini den gwenti foe den foe gebroiki moni? Loekoe sortoe schema den meki foe kan doro den joeroe di den moesoe abi. Wan sma abi problema nanga en gesontoe? Fa den e doe nanga a situwâsi? Sortoe tra tjalensi den ben miti nanga boen bakapisi? Den aksi takimakandra moesoe de positief èn gi sma deki-ati. Doe wan waran kari na a poebliki foe loekoe den eigi situwâsi foe si efoe moro sma kan teki na foeroe ten diniwroko na den tapoe.
20 min: Fa papa noso mama di de den wawan kan jepi den pikin. Baka wan sjatoe inleiding wan demonstrâsi e kon foe wan mama nanga toe pikin di e sreka gi a velddienst. Moro leki oiti na fesi wi abi now osofamiri nanga papa wawan noso mama wawan ini na organisâsi. Na fasi fa Timoteus mama nanga granmama ben e gi en na waarheid pikinso pikinso foe dringi, de wan moi eksempel gi ala papa nanga mama foe waka na en baka (2 Tim. 1:5; 3:14, 15). Demonstrâsi: Mama, tini oemapikin nanga wan moro jongoe oemapikin e sidon na a tafra ini a koekroe, èn djonsrode den ben klari foe njan. Mama e taki dati fosi den o wasi den doti sani, den sa oefen den pristeri gi a dienst èn taki en sa prei ososma. A moro jongoe oemapikin e teki wan inleiding foe bladzijde 6 foe Wi Kownoekondredienst èn e pristeri disi na en mama. Mama e prèise en èn e aksi a moro bigi oemapikin fa en ben sa pristeri wan boekoe. Na oemapikin e memre wan demonstrâsi foe toe diniwrokomakandra pasa kaba èn a e doe a pristeri na en mama tapoe pikinmoro a srefi fasi. Mama e prèise en so srefi èn a e gi den toe oemapikin deki-ati foe go oefen na inleiding èn foe go abra tapoe a boekoe, so taki te foe kaba den kan pristeri a boekoe ini a velddienst. A mama e taigi den oemapikin meki den oefen pikinso moro langa èn dan den moesoe wasi den doti sani. Owroeman e tapoe a pisi disi nanga na deki-ati, di a e gi na ala famiri foe a gemeente taki den moesoe sorgoe foe gi den pikin jepi na wan lobi fasi.
Singi 183 nanga lasti begi.
Wiki di e bigin 17 februari
Singi 192
15 min: Wan owroeman di e taki foe wan toe sani foe a gemeente èn e loekoe den fanowdoe foe en. Efoe a ten de, taki dan foe difrenti penti foe takimakandra foe den lasti tijdschrift. Teki wan di e kroederi moi nanga wan foe den inleiding foe san den gi rai na ini Wi Kownoekondredienst disi. Meki dan wan preikiman di sreka boen sori wan heri pristeri pe a e gebroiki na inleiding èn dan priesteri den tijdschrift na wan sma di abi belangstelling.
18 min: „Teki na frantiwortoe foe tjari gobaka”. Aksi nanga piki takimakandra. Gi na wan waran fasi deki-ati na ala sma foe abi wan dorodoro prati na a tjari foe gobaka. Gi deki-ati na ala sma foe kon baka tra wiki te na Diniwroko konmakandra sa taki foe san joe moesoe taki na wan gobaka.
12 min: Takimakandra foe „Poeroe bere” komoto foe na Taki-go-taki-kon-boekoe, bladzijde 33 te 35. (Bakratongo). Baka wan sjatoe inleiding tapoe na tori, di e sori fa a de ini a njoensoe ini a ten disi èn e sori fa a de foe bigi belang gi miljoenmiljoen sma, sori wan setting foe wan sisa di e hori wan bijbelstudie. Na njoen bijbelstudie e taigi na sisa foe sorgoe, di a abi foe di a abi bere. A e froeklari fa a e broko en ede, foe di na moni situwâsi foe a famiri no boen. En grontapoe famiri e gi en deki-ati foe poeroe a bere esi-esi. A sisa e gi na rai foe den teki na Taki-go-taki-kon-boekoe èn go loekoe den tekst foe si fa Jehovah e si a libi foe wan pikin di no gebore ete èn efoe a e feni poeroe bere wan joisti sani. Fosi den e loekoe san a wani taki foe poeroe bere. Dan den e taki foe den aksi, den tekst, èn tra kommentaar tapoe bladzijde 33 te 35. Na sisa moesoe jepi na studenti foe taki-go-taki-kon èn foe abi warderi gi na santafasi foe libi.
Singi 164 nanga lasti begi.
Wiki di e bigin 24 februari
Singi 92
10 min: Wan toe sani foe na gemeente. Gi den preikiman deki-ati foe meki plan now foe go ini a jepi-pionierwroko ini april nanga mei. Gi deki-ati na famiri, so srefi toe na jongoe preikiman di sa abi fakansi ini april nanga mei, foe si sortoe sani den kan seti foe den man abi wan moro bigi prati na a velddienst.
20 min: „San joe sa taki te joe go baka?” Abi takimakandra nanga den arkiman èn aksi preikiman foe sreka foe demo a rai ini den paragraaf di den e loekoe. Den sjatoe demonstrâsi disi sa oefen na fesi.
15 min: „Leni moni na kresten kompe”. Taki foe owroeman foe na artikel na ini Na Waktitoren foe 15 oktober 1991 bladzijde 25 te 28 (Bakratongo).
Singi 147 nanga lasti begi.