Pristeri Na Waktitoren ini mei
1 Na bladzijde 2 na tapoesei foe ibri nomroe foe Na Waktitoren den e taki sjatoe èn krakti foe a marki foe en. San wi kan doe, ini kroederi nanga a marki dati di den ben bariwroko foe en, foe kan jepi someni sma leki a kan? Ini a moen mei wi sa doe spesroetoe tranga moeiti foe gi deki-ati na ala sma, di e sori belangstelling gi a Kownoekondreboskopoe, foe leisi Na Waktitoren doronomo.
2 Wi kan taigi wan sma di taki dati en na wan kresten taki:
◼ „Wi e aksi wi kompe sma wan sani èn wi ben sa wani jere so srefi toe joe kommentaar na tapoe. Joe denki taki, foe di Jesus leri wi begi foe Gado Kownoekondre èn taki Gado wani moesoe pasa djaso so srefi na grontapoe so leki na hemel, taki Gado wani sa pasa troetroe djaso na grontapoe?” Gi okasi foe piki, dan opo Jesaja 55:10, 11 èn gi na ososma wan kari foe si taki ala den pramisi foe Gado sa kon troe. — rs bladzijde 11, a di foe toe inleiding ondro „Kownoekondre”.
3 Te na ososma e arki joe, joe ben sa kan go doro foe taki:
◼ „Wan foe den marki foe a tijdschrift Na Waktitoren na foe poti a prakseri foe sma tapoe a kon troe foe bijbel profeititaki. Loekoe na artikel disi pikinso.” Dan poti a prakseri tapoe a fosi artikel ini Na Waktitoren foe 1 mei: „1914 — A jari di ben seki grontapoe” èn taki: „Kande joe e aksi joesrefi: ’Foe san ede mi ben sa abi belangstelling gi 1914?’ Loekoe pikinso san den e taki, ini paragraaf 2, foe a jari 1914 èn Na Waktitoren.” Dan leisi a paragraaf.
4 Proeberi foe pristeri na abonnement tapoe Na Waktitoren. Spesroetoe te wan sma sabi wi lektuur kaba èn te a abi warderi gi disi, dan dati sa go moro makriki. Efoe sma e weigri na abonnement, dan pristeri den lasti nomroe foe den loesoe tijdschrift.
5 Efoe joe wani abi wan moro langa taki, joe sa kan gebroiki na srefi inleiding, di joe e meki moro langa nanga a tekst foe Openbaring 21:3-5, so leki fa den e sori ini a Taki-go-taki-kon-boekoe.
Efoe dati de so dan joe ben sa kan taki baka te joe leisi Jesaja 55:10, 11:
◼ „Heri esi wan toemoesi moi profeititaki, ini a tori foe Gado wani di abi foe doe nanga grontapoe, sa kon troe. Disi sa abi krakti tapoe joe libi èn so srefi di foe mi. Arki pikinso san skrifi na Openbaring 21:3-5.” Dan joe ben sa kan leisi den vers èn taki foe den blesi di Gado Kownoekondretiri sa tjari kon. Tjari krin kon na fesi taki Na Waktitoren e bariwroko foe Gado Kownoekondretiri.
Joe ben sa kan taki:
◼ „Na tijdschrift foe 1 mei e taki foe na artikel „Soema sa eskeip ini a ten foe banawtoe?” A sa jepi joe foe si fa joe kan libi ondro Gado kownoekondre ini a regtfardiki njoen grontapoe, foe san wi leisi ini Openbaring 21.
6 Gebroiki Na Waktitoren leki wan planga foe djompo go na wan bijbelstudie: Wi marki na foe jepi trawan foe leri sabi waarheid so dati den toe kan tron kompe-wrokoman foe Jehovah èn kan abi wan prati na a meki bekènti foe Jehovah kownoekondre. So boen te wi miti sma di abi belangstelling, dan wi sa skrifi disi èn go esi foe fisiti den baka.
7 Meki wi, ala di wi e prati na waarheid nanga trawan nanga jepi foe Na Waktitoren, soekoe a tiri foe Jehovah ala ten tapoe a wroko foe wi so dati wi man foe feni sma di joe kan teki gersi nanga skapoe èn foe gi den njanjan. — Joh. 21:15-17.