Gebroiki den tijdschrift foe wi na oso-foe-oso
1 A marki foe Ontwaakt! skrifi krin na tapoe bladzijde 4 foe ibri uitgave: „A tijdschrift disi e bow a froetrow ini a pramisi foe a Mekiman taki a sa tjari wan njoen grontapoe foe vrede èn seikerfasi kon bifosi a geslakti di ben ondrofeni den sani foe 1914 pasa gowe.” Seiker, so wan tijdschrift moesoe panja so foeroe leki a kan ini wi oso-foe-oso diniwroko!
2 Ontwaakt! na wan toemoesi moi wrokosani foe wiki a belangstelling foe sma di kande no abi firi gi sani na jeje sei. Te joe leisi ibri uitgave, soekoe penti di fiti foe prati disi nanga trawan. Son preikiman e meki aantekening ini den eigi tijdschrift èn den e loekoe disi, bifo den go ini a velddienst nanga a tijdschrift dati, so taki den kan abi spesroetoe penti ini prakseri foe kan prati nanga den ososma.
3 Efoe wi wani, dan wi kan bigin wi pristeri nanga wan sjatoe wortoe foe wan tori di e taki ini na Ontwaakt! di wi e gebroiki.
Efoe na ososma abi belangstelling, wi kan poti en prakseri na tapoe a tijdschrift, foe di wi e taki kande:
◼ „Na Ontwaakt! artikel disi e go pikinso moro dipi ini a tori disi.” Leisi dan wán noso toe lin di joe ben soekoe na fesi èn go moro fara nanga: „Foe di a gersi taki joe abi belangstelling gi a tori disi, joe ben sa wan leisi na artikel disi nanga tra artikel ini na Ontwaakt! disi, di e taki foe sani foe a ten disi? Dan mi ben sa prisiri foe libi a tijdschrift disi nanga a sisa tijdschrift A Waktitoren gi joe na baka, gi wan bijdrage foe Sƒ 4,-.”
4 Efoe na ososma e sori foe abi troetroe belangstelling gi jeje afersi, dan wi ben sa kan poti a prakseri na tapoe wan tekst, so leki 2 Timoteus 3:1-5, di e taki foe den lasti dei. Baka dati, foe kan wiki a belangstelling foe a sma gi den tijdschrift foe wi, wi kan leisi langalanga foe bladzijde 2 foe a njoen tijdschrift foe A Waktitoren, a pisi pe skrifi: „A marki foe A Waktitoren”. Pristeri en baka dati den njoen uitgave foe A Waktitoren nanga Ontwaakt!
5 Ini son gebied pe a gersi taki den sma abi belangstelling gi wan spesroetoe fasi foe anbegi, na presi foe pristeri den tijdschrift, joe ben sa kan taki:
◼ „Ini a birti disi, wi e miti sma foe difrenti fasi foe anbegi di de heri tra fasi leki a di foe wi. Ini a soekoe di libisma e soekoe Gado, den ben teki foeroe difrenti pasi. [Leisi Tori foe den Apostel 17:26, 27.] Joe e agri taki, leki fa a gwenti de, sma e waka na baka a fasi foe anbegi foe den papa nanga mama foe den, na presi foe den srefi e go soekoe Gado? (Gi okasi foe a sma gi komentaar.) Dati e kon na krin ini a fosi kapitel foe a boekoe disi, A soekoe di libisma e soekoe Gado. [Poti krakti na tapoe den bodoi ini paragraaf 12 tapoe bladzijde 8.] Foe kon sabi moro foe tra fasi foe anbegi, e tjari moro sani kon na krin gi joe èn joe e leri foeroe. A boekoe disi e froeklari a bigin, den gwenti, nanga den leri foe den moro prenspari fasi foe anbegi foe grontapoe.” Meki, so langa a ten de foe dati, na ososma si a lijst foe den kapitel foe a boekoe disi nanga wan noso toe prenki foe a boekoe.
6 Te wi e go oso foe oso, meki wi hori na prakseri taki wi abi toe foe den moro boen wrokosani di de na grontapoe foe jepi sma go na fesi na jeje fasi, dati wani taki A Waktitoren nanga Ontwaakt! Meki a de so taki wi e wroko na en, foe wiki a belangstelling foe ososma gi den tijdschrift disi èn foe pristeri den na ibri okasi.