Den inleiding prenspari srefisrefi
1 Joe meki gebroiki kaba foe wan toe foe den inleiding di den e rikomanderi ini a Taki-go-taki-kon-boekoe noso di de ini a lasti nomroe foe Wi Kownoekondre Dienst? Foeroe preikiman e froeteri taki den abi moro boen bakapisi ini a oso foe oso diniwroko foe den foe di den e gebroiki den wortoe di skrifi leki inleiding so leki fa den skrifi ini a boekoe. Trawan ben si taki, foe di den ben teki pikinso moro ten foe sreka gi a velddienst, den ben man meki inleiding nanga den eigi wortoe, ma leki fondamenti den ben gebroiki den wortoe foe den rai di den ben gi ini den boekoe.
2 Wan sani de seiker, efoe joe abi boen na ini joe prakseri san joe wani taki ini joe inleiding bifo joe go taki nanga wan sma foe a Kownoekondre boskopoe, dan joe sa firi joesrefi moro switi èn joe sa abi moro froetrow ini joesrefi. Den wortoe foe joe sa sori na opregti angri foe joe foe prati a boen njoensoe. Te joe sreka boen, dan dati e meki joe diniwroko moro switi foe di joe sa abi moro boen bakapisi. A de foe a moro bigi belang taki a slakti ofrandi foe dienst di wi e tjari, de a moro boen wan di wi kan pristeri. — Hebrew. 13:15; 1 Petr. 2:5.
3 Soboen teki ten foe sreka joesrefi. Loekoe sortoe sma joe sa miti kande ini joe gebied. San na den sorgoe foe den èn san e hori den bezig? Sortoe sani di e pasa noja sa abi krakti tapoe den libi? Loekoe, baka te joe prakseri boen foe den piki tapoe den aksi disi, den wortoe di joe kan gebroiki leki inleiding, di den e rikomanderi na bladzijde 9-15 foe a Taki-go-taki-kon-boekoe, noso piki na mindri trawan wan noso moro foe den inleiding na ini Wi Kownoekondre Dienst. Firi joesrefi fri foe kenki a fasi fa den wortoe gebroiki noso foe fiti den, so dati joe sa firi joesrefi switi nanga den. A tra stap na foe go loekoe den wortoe foe joe inleiding makandra nanga tra preikiman te joe e hori oefenperiode. Kande nanga disi, den trawan sa kan kisi deki-ati toe foe meki den inleiding foe den kon moro boen. A no de foe taki dati seiker oenoe sa gi makandra deki-ati èn gi makandra faja foe doe toemoesi boen wroko.
4 A ten nanga a moeiti di joe e gebroiki foe sreka den velddienstpristeri foe joe, sa feni boen pai. Kande joe sa kisi a blesi foe abi wan prati, di abi moro boen bakapisi, na a span wroko di e doe now foe tjari sani kon na ini.