Wan praktis fasi fa foe sreka gi na velddienst
1 Joe e sjen son leisi foe teki prati na son spesroetoe pisi foe a velddienst foe di joe no sabi san foe taki? Efoe joe e firi so, dan wi de seiker taki joe sa warderi na praktis fasi fa Wi Kownoekondredienst e sori fa sani moesoe doe.
2 Bigin nanga a uitgave disi, Wi Kownoekondredienst sa gi so srefi foeroe moro difrenti idea foe pristeri na Kownoekondre boskopoe, efoe a de now oso-foe-oso, na wan gobaka, noso na wan bijbelstudie. Disi sa moesoe poesoe joe prakseri foe loekoe sortoe wortoe joe sa gebroiki ini a diniwroko. Te joe e sreka gi a velddienst, teki dan wan fasi foe pristeri di e fiti boen ini joe gebied. Moro fara, bosroiti efoe joe wani gebroiki den wortoe di den ben gi leki idea na ini na artikel noso efoe joe sa fiti den na a situwâsi foe a gebied na joe eigi fasi foe taki. Joe pristeri sa gersi moro leki wan taki-go-taki-kon efoe joe na wan natuurlijk fasi e taki na a fasi fa joesrefi e taki. Joe wani doe moro foeroe na ini joe diniwroko na a wan ofoe tra fasi, kande foe teki prati na son pisi foe a diniwroko foe a fosi tron? Den spesroetoe idea di den e gi, kande de joisti san joe abi fanowdoe foe kan bigin.
3 Efoe joe e teki fesi ini wan foe den gemeente konmakandra gi na velddienst, joe moesoe abi boen sabi foe a materiaal di kon na doro ini Wi Kownoekondredienst. Studeri a di foe joe boen èn poti prakseri tapoe den rai di e sori taki moro foeroe den sa abi boen bakapisi tapoe a gebied.
4 Wi alamala nanga prisiri e doe den sani di wi sabi boen na ini den. A de wi howpoe taki a praktis fasi disi foe doe, sa jepi so boen den njoen preikiman leki den wan di abi moro ondrofeni, foe de nanga moro boen bakapisi èn foe de nanga moro prisiri ini den Kownoekondre diniwroko.