Inleiding foe meki den ososma kan arki
1 San na a moro prenspari pisi foe joe oso-foe-oso pristeri? Moro foeroe foe wi sa agri taki disi na a inleiding. Efoe joe no man foe hori na wan boen fasi na belangstelling foe na ososma ini wan afoe miniti, dan a kan taki a o tapoe a takimakandra.
2 Sortoe sani joe moesoe loekoe finifini te joe e sreka wan boen inleiding gi joesrefi? Loekoe san na den gwenti nanga den fanowdoe foe den sma di kande joe o miti. A de a gwenti foe bigin nanga wan lafoetori, noso sma e froewakti taki joe e bigin wantron nanga a penti? Foeroe jongoe trowpaar e libi ini joe kontren? San na den sani di den e broko-ede nanga? Den sma na ini joe birti sabi troetroe den problema san a libisma famiri na ini algemeen e tanapoe na fesi?
Joe kan kisi den foe arki foe di joe e taki wan sani leki disi:
◼ „Morgoe. Mi nen na ————. Mi e broko mi ede te mi e leisi foe sma di abi angri èn di den e kiri na ini feti. Joe toe?” Tra aksi di kan jepi foe bigin wan takimakandra na: „San de na loesoe gi den grontapoe problema?”, Joe denki taki wan sma de di kan fri grontapoe foe den problema di a abi now?”, Kon wi taki dati wan tiriman ben abi den eigifasi di kari na ini Jesaja 9:6, 7? [Leisi èn gi kommentaar tapoe tekst]”
3 Ini son gebied sma kan sori moro foeroe belangstelling na den osolibi èn famiri, dan gi grontapoe sani so leki grontapoe vrede.
Joe kan wiki na belangstelling foe di joe kan aksi:
◼ „Sortoe libi joe e si gi joesrefi nanga joe famiri ini den tin jari di e kon? Na fasi fa bijbel e si a ten di e kon e gi deki-ati srefisrefi foe di a e froeteri foe na kon foe wan tiriman di sa tiri nanga volmaakti markitiki. Loekoe san Jesaja 9:6, 7 e taki foe en.”
4 Joe e libi ini wan birti pe tranga ogridoe nanga foe de sondro kefar na a tori foe a dei? Sonwan e arki efoe joe e gebroiki na fosi inleiding ondro „Tranga ogridoe/De sondro kefar” tapoe bladzijde 13 foe na Taki-go-taki-kon-boekoe (Bakratongo).
Joe ben kan taki:
◼ „Fa joe de. Wi e taki nanga sma foe a tori fa den kan kibri densrefi. Foeroe tranga ogridoe de lontoe wi èn a abi krakti tapoe wi libi.” Dan wan aksi leki „San de na loesoe?” noso „Joe denki taki wan sma de di kan fri grontapoe foe den problema disi?”, noso „Fa a ben o de efoe wan tiriman ben abi den sortoe eigifasi disi?” kan jepi foe bigin wan takimakandra. Dan joe kan leisi Jesaja 9:6, 7.
5 Wi alamala, so toe jongoe sma di e go na skoro ete, kan gebroiki den makriki wan-tekst prisenteri disi. Efoe joe loekoe en boen, kande joe sa wani foe proeberi wan foe den te joe e pristeri tijdschrift. Wi de seiker taki foeroe foe wi sa prisiri foe gebroiki den prisenteri disi ini februari, no wawan te den e pristeri tijdschrift ma so srefi te den e prisenteri san na a gewoon pristeri foe na moen.
6 Efoe joe e meki boen gebroiki foe den fosi 30 seconde (wan afoe miniti) foe joe fisiti, no wawan ini a fasi fa joe e doe ma so srefi ini joe inleiding, dan seiker joe sa doro a prenspari marki foe kisi a ososma foe arki.