Fa fu du wi diniwroko moro bun​—Sreka san yu o taki na a bigin

Fu san ede a prenspari: Efu den fosi sani di wi e taigi na ososma no e hari en prakseri, dan a kan taki a o tapu a takimakandra fosi wi man taki go doro. Dati meki furu preikiman feni taki den sani di den e taki na a bigin fu a takimakandra, na den moro prenspariwan. Aladi Wi Kownukondre diniwroko nanga a brochure Fa foe bigin èn go doro nanga bijbel takimakandra abi eksempre di wi kan gebroiki, toku den no e taigi wi ala sani di wi musu taki na a bigin fu wan takimakandra. Dati meki a preikiman kan fiti a takimakandra na den ososma. Srefi efu wan fu den eksempre abi ala sani di wi wani taki, toku den preikiman kan kenki wan tu sani noso den kan sreka wan tra sani. Wi o abi moro bun bakapisi te wi sreka san wi o taki na a bigin, na presi fu taki iniwan sani di kon na ini wi ede te na ososma opo a doro.​—Odo 15:28.