Yu e gebroiki wan inleiding di fiti?
1 Te wan ososma e opo na doro, dan na preikiman fu na bun nyunsu e si ensrefi a fesi fu na tyalansi fu bigin na Kownukondre boskopu na wan fasi di fiti. Na ini den 10 seconde di e kon na baka, a ososma sa teki na bosroiti furutron fu arki na pristeri ofu seni na Kotoigi gwe. Leki Kownukondrepreikiman wi sabi dati den bodoi di wi e tyari, de fu na belang fu sma libi, èn den sma nanga suma wi e taki wani yepi trutru (Rom. 10:14). Ma wi sa abi nomo na okasi fu prati den bijbel waarheid di wi e tyari nanga den, efu na inleiding fu wi kan hori na prakseri fu na sma. — Kol 4:6; teki gersi nanga Odo 25:11.
2 Te wi e luku efu na inleiding fu wi fiti, dan a ben sa bun fu aksi wisrefi efu wi fadon na ini fu gebroiki ibriyuru baka nasrefi inleiding, fudi dati de makriki fu hori na ede ofu fudi wi e firi wisrefi switi nanga en. Wortu de na ini wi inleiding di ini bepaalde gebied ben sa kan meki a firi kari kon na sma fu krutu sani a fesi? A de specifiek nofo fu wiki na belangstelling fu sensi na bigin, ofu ai gi na ososma pasi fu stop a takmakandra srefi bifo wi doro na tapu a tori fu wi? Fa wi kan wiki na belangstelling fu na ososma fu sensi na bigin fu wi takmakandra? Inleiding di bun srefsrefi dati ai doro na marki no e kon fu ensrefi. A e aksi tranga wroko, na sreka fu yusrefi finifini èn doronomo oefen.
SUKU NA YOISTI INLEIDING
3 Fu bigin nanga bladzijde 9 fu na Tak-go-tak-kon-buku dan wan tumsi bun pisi de di abi a nen „Inleiding fu gebroiki ini na velddienst”. A luku fu den bodoi na a bigin fu na pisi disi sondro degedege sa de heri bun. Ma a bigin kaba den e memre wi dati difrenti fasi fu bigin de fanowdu gi difrenti sortu gebied, libisma nanga omstandigheden. Na teki fu na yoisti inleiding e aksi wan finifini luku.
4 Efu yu e bigin na Kownukondreboskopu, yu kan sori fa disi kan abi wini gi na ososma persoonlek? Luku leki eksempre na fosi inleiding ondro na ede „Ogridu/Veiligheid” tapu bladzijde 13 fu na Tak-go-tak-kon-buku. Ini den fosi wortu, dan wan pisteri fu tumsi prenspari belang gi na ososma e tyari kon na fesi. Ma tori di e kon bakadati sa meki sma si na rol fu na Kownukondre na ini na puru fu ogridu.
5 Fa wi kan puru den skotu a pasi sodati na ososma kan de klarklari fu poti prakseri na tapu na boskopu fu wi? Den ede tapu bladzijde 14 nanga 15 ini na Tak-go-tak-kon-buku e gi tumsi bun bodoi. Prakseri pikinso fa yu ben kan gebroiki na inleiding ondro na ede „Efu furu sma e taki: ’Mi abi mi eigi bribi.’” Den fosi wortu kan wiki na belangstelling fu na ososma. Yu kan gebroiki na fasi disi fu bigin na ini unu gebied?
6 Fa wi kan sori wi trutru belangstelling gi na tanbun fu na ososma (Mark. 6:34). Wan opregti, switi lafu tapu yu fesi, kan yepi. Switifasi e hari trasma èn de na ini akruderi nanga wi marki fu yepi sma. A belangstelling fu wi gi na ososma wi kan sori tu fudi wi e gi en dek’ati fu gi en piki. Wan eerlek aksi fu a meine fu en kan du furu fu yepi en fu arki na boskopu fu wi. Wan eksempre fu disi wi e feni na ini di fu tu inleiding na ondro „Kownukondre” tapu bladzijde 11. Yu gebroiki disi? Morofuru sma e feni en moi fu gi a meine fu den èn den sa angri fu sabi san yu o aksi. Ma efu wi wani hori na belangstelling fu den, dan wi mu arki san den e du a tapu dati èn fiti na pristeri fu wi bakadati.
POTI FURU PRAKSERI TAPU DEN OMSTANDIGHEDEN
7 Te yu e kon na wan doro, dan luku na kontren lontu yu, Wan preisani didon lontu na oso, krosi e anga na a draad, kerki sani de na ini na ha, èn so morofara? Efu na ososma e kon na a doro, dan a sma di e taigi wi odi na wan man ofu uma, wan sma di yongu ofu owru, wan mama, wan papa ofu wan pikin? Ibriwan fu den sani disi kan yepi wi fu suku wan inleiding di fiti èn di fiti na den fanowdu nanga belangstelling fu den wan di e kon miti wi na a doro.
8 Den bodoi fu inleiding ini na Tak-go-tak-kon-buku, den tesi den alamala èn den sori taki den bun. Fu san-ede yu no ben sa span yusrefi fu gebroiki den ini yu gebied? Luku sortu wan de den moro bun wan. Kande yu sa si dati te yu sreka yusrefi bun, den inleiding fu yu sa kon moro bun èn dati yu sa abi moro winimarki na a prati fu na wortu fu libi. — Matt. 13:18-23.