Pristeri a bun nyunsu — Gebroiki bun inleiding
1 Furu bun kan du ini na preikiwroko te wi sreka bun inleiding. Efu ini na bigin wi no abi na prakseri fu na ososma fu bigin wan takmakandra ofu fu libi buku na en, dan seiker wi no e wiki nofo belangstelling fu meki wan gobaka nanga prakseri fu opo wan bijbelstudie. Fu dat’ede furu e anga fu obun den fosi wortu fu wi de. Fa wi kan meki den inleiding fu wi kon moro bun?
NA DOEL FU INLEIDING
2 Fu bigin dan wi mu abi krin na doel fu inleiding na prakseri. Na Handleiding-buku e taki: „Na inleiding mu wiki belangstelling gi na tori. A musu grabu na prakseri fu den sma di e arki yu èn sreka den fu arki nanga wan opo yesi na san e kon.” A buku e taki morofara: „Wan fu den moro bun fasi fu wiki belangstelling de fu sorgu dati a publiki fu yu kon ini A tori.” (Luku bladzijde 13, par 1, 2.) Fa wi kan du disi ini na velddienst?
3 Den inleiding di wi kan feni ini bladzijde 9-15 ini na Tak-go-tak-kon-buku ben sreka nanga san ben taki a fesi ini prakseri. Go ondrosuku den. Luku fa den ben meki den fu wiki èn hori belangstelling èn fu poti na prakseri fu na ososma tapu den tori di den sa taki fu en. Furu sma ben gebroiki den inleiding ini na Tak-go-tak-kon-buku nanga bun bakapisi. Wán sisa ben taki dati fudi a ben gebroiki difrenti sortu fu inleiding en velddienst ben kon moro switi èn dati a e pruberi moro fu tyari sma kon na ini na takmakandra. Fu den rai ini a Tak-go-tak-kon-buku, a ben taki: „Den e wroko trutru.”
4 Sortu inleiding fu Tori fu takmakandra di e wroko now nanga en yu ben feni bun? Yu ben pruberi na wan di de ondro na edeprakseri „Bijbel/Gado” tapu bladzijde 10 fu na Tak-go-tak-kon-buku? Wan fu den yu kan gebroiki na a fasi disi ini na Tori fu takmakandra di wi e hori now: „Mi breiti fu miti yu na oso. Mi wani sote fu meki tra sma si wan prakseri ini n bijbel di e gi wi dekati. Yu ben aksi yusrefi wan dei kaba san e meki dati a fasi fu anbegi Gado abi trutru waarde gi Gado?” Wan tra inleiding ben sa kan de: „Wi e gi sma dekati fu leisi den bijbel. Na bijbel e gi nofotron furu ferwondru piki tapu prenspari aksi. Luku fu eksempre fa 2 Timoteus 3:1, 2, 5 e meki wi si fu san-ede Gado no e teki bepaalde anbegi.”
5 Kande yu e feni en wan sani di fiti fu gebroiki tra inleiding leki den di tanapu ini Tak-go-tak-kon-buku. Furu sa anga fu na sortu fu sma di yu e miti ini yu gebied. Ma yu sa feni en bun fu waka na baka na patron fu den inleiding di e gi ini na Tak-go-tak-kon-buku. Den e tyari na ososma kon ini a takmakandra. Den syatu èn e go leti tapu a tori. A abi furu wini fu ondrosuku finifini den inleiding di de ini a Tak-go-tak-kon-buku, srefi tapu momenti dati yu gebied kande aksi inleiding di no de ini a buku.
6 Na a tra sei na wortu-fu-wortu gebroiki fu den inleiding ini na Tak-go-tak-kon-buku de heri bun. Son sma ben leisi inleiding di ben fiti, komoto wantewante fu den Tak-go-tak-kon-buku te den ben taki ini na intercom fu flatoso di ben tapu. Disi ben gi den na okasi fu taki sondro aka-aka èn go leti tapu na tori èn fu hori na prakseri fu na ososma. Den ben kari den kon na inisei èn fu taki go moro fara. Ini wán bigi foto na methode disi de a moro bun wan fu miti nanga sma ini flatoso di tapu.
7 Wi wani hori ini prakseri o prenspari den fosi wortu fu wi ini na velddienst de. Someni e anga fu na doeltreffendheid fu den. Netleki Salomo na so ooktu wi mu ondrosuku sani finifini fu feni switi wortu, te wi e sreka wisrefi fu gebroiki bun inleiding ini wi oso-fu-osowroko. Na tak-go-tak-kon-buku sa yepi wi ini na ondrosuku disi. — Preik. 12:9, 10.