Bigin wan bijbelstudie ini a Moro bigi libisma-boekoe
1 Na abi foe wan oso-bijbelstudie ben sa de wan moro prisiri èn warti sani gi joe so boen leki gi na ososma. A prisiri foe prati bijbel sabi nanga trawan no de foe teki gersi nanga no wan sani.—Odo 11:25.
2 Marki foe den lasti dei: Efoe joe ben gebroiki a rai di gi ini na artikel na tapoesei èn ben bigin joe takimakandra nanga a traktaat A grontapoe disi sa tan?, fa joe kan bigin wan bijbelstudie now te joe e gebroiki kapitel 111 foe a Moro bigi libisma-boekoe? Opo a boekoe na kapitel 111, èn leisi den fosi dri paragraaf. Baka dati joe kan poti a fosi aksi di skrifi na a kaba foe a kapitel: „San e boeweigi den apostel foe poti na aksi, ma leki fa a sori sortoe tra sani den ben abi na prakseri?” Jepi na ososma foe taki-go-taki-kon foe a piki èn gebroiki a prenki foe gi leri. Baka joe kaba leisi paragraaf fo te nanga siksi, poti a di foe toe aksi: „Sortoe pisi foe a profeititori foe Jesus ben kon troe ini 70 G.T., ma san no ben feni presi a ten dati?” Efoe a sori leki na ososma abi belangstelling èn a abi ten, go doro nanga a takimakandra.
3 Te a e sori taki wan tra ten kande moro boen gi na ososma, joe ben kan aksi: „Joe ben sa wani sabi moro, oten a kaba foe a seti foe sani sa kon?” Kande joe kan meki mofo foe kon baka foe gi piki tapoe na aksi.
4 A man taki wan grontapoe foe vrede kan de?: Efoe joe ben gebroiki a traktaat Libi ini wan vrede njoen grontapoe foe go abra na a Moro bigi libisma-boekoe, kapitel 133 kan de wan jepi gi joe foe bigin wan bijbelstudie?
Baka te joe leisi 2 Petrus 3:13, joe kan leisi noso taki sjatoe san tanapoe na ini a di foe toe paragraaf na bladzijde 3 foe a traktaat èn taki dan:
◼ „Jesus Krestes, a Manpikin foe Gado, sa de a kownoe foe a Kownoekondre foe Jehovah. Loekoe fa a boekoe A Moro bigi libisma foe ala ten e skrifi foe Jesus èn e gi wi bodoi foe san a sa doe ini a ten di e kon.” Baka dati leisi a heri kapitel. Poti a fosi aksi gi na ososma na a kaba foe a kapitel: „San sa de a kolokoe grani gi den sma nanga den pikin foe den di pasa Armagedon?’” [Gi na okasi foe piki. Den tra aksi kan taki nanga den na a srefi fasi.] Joe ben sa wani foe de wan pisi foe a njoen grontapoe di Jesus sa tiri leki kownoe? Mi ben sa wani abi na okasi ibri wiki foe jepi joe foe si nanga jepi foe bijbel fa joe kan ondrofeni disi.”
5 Na a fisiti disi son sma kan abi belangstelling toe foe taki moro fara foe Jesus Krestes.
Joe kan taki:
◼ „Ini a boekoe disi den doe tranga moeiti foe pristeri a libi foe Jesus na grontapoe so leki fa a skrifi na ini den fo evangelie tori. Joe ben sa wani leri moro foe a libi foe Jesus na grontapoe?” Efoe na ososma e agri nanga dati, joe ben sa wani taki nanga en foe na fosi wondroe foe Jesus ini kapitel 15.
6 Tokoe foeroe sma nanga wan eerlijk ati de di abi lobi gi regtfardikifasi èn di e soekoe loesoe foe den problema di den e kisi. Foe troe, a pristeri di wan sma e pristeri ensrefi foe prati den leri foe Jesus Krestes nanga trawan nanga jepi foe wan bijbelstudie, na wan moeiti di e pai moro.