Gebroiki traktaat foe go abra tapoe a Moro bigi libisma-boekoe
1 Ini a moen juni, foeroe preikiman sa gebroiki traktaat foe wiki belangstelling gi a boekoe A moro bigi libisma foe ala ten. A fasi disi foe bigin, e jepi den preikiman foe man si omeni belangstelling a sma abi èn foe bosroiti efoe a fiti foe pristeri a boekoe na wan spesroetoe ososma na a fosi fisiti.
2 A grontapoe disi sa tan? Traktaat de wan bigi jepisani foe bigin wan takimakandra. Den e jepi foe hari a belangstelling foe den ososma, foe di den traktaat e taki foe tori di wani taki wan sani èn di abi krakti tapoe den persoonlijk.
Foe eksempre, joe kan taki disi:
◼ „Ini a taki di wi e taki nanga sma wi ben si taki foeroe foe den e broko ede nanga . . . [teki wan sani di feni nownow de èn foe san den e taki ini a njoensoe]. A gersi taki a fasi fa a grontapoe de, e kon dei foe dei moro ogri. Son sma e aksi densrefi efoe a grontapoe disi kan tan. Fa joe e denki foe a tori dati? [Gi na ososma okasi foe piki. Foeroe sma de positief.] Mi ben leisi wan sani di e gi deki-ati èn mi ben wani prati en nanga joe. A de ini a traktaat disi. [Gi na ososma a traktaat A grontapoe disi sa tan? ala di joe e hori wan ini joe anoe toe.] Loekoe fa Jesus ben taki na fesi taki . . . ” Leisi wan paragraaf na bladzijde 4 noso 5, di e kroederi nanga a sani di no so langa ben pasa èn di joe ben kari ini joe inleiding. Efoe a sma e sori opregti belangstelling, joe kan bosroiti foe sori en A moro bigi libisma-boekoe. Efoe joe si taki a fiti, taki foe moro bodoi foe a profeititori foe Jesus di tjari kon na krin ini kapitel 111. No frigiti toe foe poti wan aksi gi wan tori foe takimakandra te joe e go baka.
3 Libi ini wan njoen grontapoe foe vrede: San a wani taki gi joe foe libi ini wan njoen grontapoe foe vrede? Sma moro foeroe e prakseri foe moi presi nanga toemoesi moi liba nanga lagi presi pe vrede de, nanga toemoesi moi meti di e libi ini vrede nanga makandra. Den sma di e firi banawtoe foe den sani di de now na grontapoe kan feni a froewakti foe wan njoen grontapoe foe vrede wan sani di e gi moro foeroe kowroe ati.
4 Joe de srekasreka foe gi wan sani di e gi kowroe ati nanga prisiri na den birtisma foe joe, joe kompe wrokoman nanga den sma di joe e miti oso-foe-oso?
Te joe e gebroiki a traktaat „Libi ini wan vrede njoen grontapoe”, joe ben kan taki disi:
◼ „Joe denki taki wan ten sma sa libi ini vrede so leki fa a kafti foe a traktaat disi e prenki? [Gi na ososma okasi foe piki.] Grantangi loekoe a lasti lin ini a fosi paragraaf na bladzijde 2. A e aksi: ’Ma, a de soso wan dren, noso fantasie, foe bribi taki den situwâsi disi sa de na grontapoe wan ten? [Baka dati leisi a tra paragraaf ini a traktaat.] Den wortoe di teki èn di e taki foe wan njoen hemel nanga wan njoen grontapoe e komoto foe bijbel, ini 2 Petrus 3:13. Efoe a de makriki gi joe foe teki joe bijbel dan wi kan leisi Psalm 104:5 foe leri moro foe a tamara foe grontapoe.” Noso joe kan leisi a vers gewoon komoto foe joe bijbel. Efoe a sma e sori belangstelling, tjari a takimakandra tapoe a Moro bigi libisma-boekoe, kapitel 133.
5 A tjari foe tra gobaka sa de fanowdoe foe ’gi watra’ na a siri di ben prani (1 Kor. 3:6, 7). Na artikel na ondrosei e gi idea fa wi ben kan bigin wan studie ini a Moro bigi libisma-boekoe, na joe fosi fisiti noso te joe e go baka.