Gebroiki Traktaat fu Bigin Nanga Takimakandra
1 ¿Yu no e feni taki a gi di yu e gi wan bun kotoigi e anga moro furu fu a bigin di yu e bigin fosi nanga wan takimakandra? A tyalensi na fu taki wan sani di e hari a prakseri fu a sma èn e meki taki a sma dati e moksi ensrefi na ini a takimakandra. Ma fa yu kan du disi na wan bun fasi?
2 Furu preikiman kon si taki nanga wan tu wortu di fiti, yu kan bigin wan takimakandra te yu e pristeri wan sma wan fu den traktaat fu wi di abi en gron tapu Bijbel. Den titel e hari a prakseri fu sma èn den prenki abi moi kloru di sma lobi. Wan traktaat no e gi wan sma wan fruferi firi fu di a sma e denki taki a sa musu leisi bun furu sani. Ma toku a de so, taki den krakti èn syatu boskopu na ini den traktaat kan hari a belangstelling fu sma èn yu kan gebroiki den fu opo wan bijbelstudie.
3 Disi na fa wan Kotoigi di de wan brada ben si a tori: „Nofotron, na ini a grontapu disi pe sma abi so furu sani fu du, sma no wani teki furu ten fu leisi, ma den traktaat langa yoisti nofo fu gi wan prenspari boskopu èn toku den no de so langa taki den e pusu sma gowe bifo den luku den traktaat srefi. Mi leisi furu fu den traktaat èn te fu kaba mi ben leri sabi a waarheid.” Noiti no denki lekti fu a krakti di a Wortu fu Gado abi soleki fa den fruklari dati na ini den syatu boskopu disi di den druk.—Hebr. 4:12.
4 Fo Makriki Sani Di Yu Kan Du: Furu preikiman ben abi bun bakapisi fu di den gebroiki wan makriki fasi fu bigin. (1) Sori a sma wan tu fu den traktaat èn aksi en sortu wan a lobi. (2) Baka te a sma teki wan fu den, dan poti wan aksi di yu sreka bun èn di e tyari wan prenspari penti fu a traktaat kon na fesi gi a sma. (3) Fu gi a piki tapu na aksi, dan leisi wan paragraaf noso wan bijbeltekst di fiti na ini a traktaat. (4) Efu a sma e teki a tori na wan bun fasi, dan go doro fu taki nanga a sma fu den sani di skrifi na ini a traktaat noso sori go na wan les na ini a San Gado e aksi-brochure noso wan kapitel fu a Sabi-buku di e taki moro fu a tori. Na a fasi disi yu sa man bigin langalanga nanga wan bijbelstudie. Den rai di e kon now sa yepi yu fu sreka san yu musu taki te yu e gebroiki fo fu den traktaat.
5 Fu a traktaat „Soema na troetroe a tiriman foe grontapoe?, yu ben sa kan poti a nen fu a traktaat disi leki wan aksi gi a sma:
Efu a sma nanga di yu e taki nanga en e gi leki piki „Gado” noso „mi no sabi”, dan leisi den fosi tu prakserilin na tapu bladzijde 2 nanga a fosi paragraaf na tapu bladzijde 3. Taki fu 1 Yohanes 5:19 nanga Openbaring 12:9. Awansi a sma e tweifri efu Satan Didibri de, noso a sma e erken taki Satan abi krakti na tapu grontapu, toku yu kan go doro nanga a takimakandra fu di yu e gebroiki a fasi fu rideneri di yu kan feni na ondro na ondro-edeprakseri „A situwâsi na grontapoe e gi wi boeweisi”. Efu a sma e sori belangstelling, dan aksi en fu fruklari fu pe Didibri komoto ala di yu e gebroiki den penti na tapu bladzijde 3 nanga 4 fu a traktaat.
6 A traktaat „Welke hoop is er voor gestorven geliefden? (Sortu Howpu De gi den Lobiwan Di Dede?) kan wiki a belangstelling wantewante. Yu ben sa kan bigin nanga wan takimakandra fu di yu e aksi:
◼ „¿Yu e prakseri taki oiti wi sa si den dede lobiwan fu wi baka?” Baka te a sma gi wan piki, dan sori go na a di fu tu paragraaf na tapu bladzijde 4 fu a traktaat èn leisi Yohanes 5:28, 29. Fruklari dan taki a traktaat e yepi sma fu frustan den sani di skrifi na ondro a fosi ondro-edeprakseri na ini a traktaat. Aksi a sma efu yu kan taki makandra nanga en fu a traktaat.
7 A „Nyan Bun fu na Osofamiri Libi”-traktaat e hari a prakseri fu den osofamiri na heri grontapu. Te yu e gebroiki en, dan yu ben sa kan taki:
◼ „Kande yu ben sa agri taki na osofamiri abi furu problema na ini a ten disi. San yu denki sma kan du fu meki na osofamiri banti kon moro tranga?” Baka te a sma gi wan piki, poti en prakseri na den penti na ini a fosi paragraaf na tapu bladzijde 6. Teki wan fu den tekst di den ben skrifi na tapu bladzijde 4 nanga 5 fu a traktaat, èn fruklari san a wani taki. Baka dati, pristeri en wan oso-bijbelstudie sondro fu a pai gi dati.
8 Makandra nanga a traktaat „Foe san ede joe kan bribi na ini bijbel” yu ben sa kan gebroiki a pristeri disi:
◼ „Moro furu sma yere a tori fu Kain nanga Abel, san de fu feni na ini a fosi buku fu Bijbel. A tori na ini Genesis e taki tu fu a wefi fu Kain. ¿Yu aksi yusrefi oiti fu pe a wefi ben komoto?” Gebroiki a lasti paragraaf na tapu bladzijde 2 fu a traktaat fu gi a piki. Fruklari taki a traktaat e taki tu fu prenspari sani di Bijbel e taki fu san a tamara fu wi o tyari kon. Go moro fara nanga a takimakandra fu di yu e bigin nanga a di fu dri paragraaf na tapu bladzijde 5, ala di yu e gebroiki den tekst di e horibaka gi dati.
9 Bun langa kaba, a sori taki a wroko fu prati Bijbel traktaat gi sma na wan bun fasi fu fruteri sma a bun nyunsu. Fu di a makriki fu tyari den nanga yu awansi pe yu e go, meki yu kan gebroiki den na wan bun fasi te yu e du na oso-fu-oso preikiwroko èn te yu e gi okasi preiki. Den traktaat de prenspari gi a diniwroko di wi e du. Sorgu taki yu abi difrenti traktaat na yu èn gebroiki den furu fu bigin takimakandra.—Kol. 4:17.