Go abra foe den traktaat na den tra lektuur
1 Foe ala den tijdschrift di e kon na doro ini a ten disi, soso A Waktitoren nanga Ontwaakt! kan jepi opregti leisiman foe feni a pasi foe têgo libi. Te joe e taki nanga sma ini april nanga mei, son sma sa sori belangstelling di de krin foe si gi a Kownoekondre boskopoe èn joe kan hari den prakseri wantewante tapoe den moro njoen tijdschrift noso tapoe wan brochure foe a genootschap nanga foeroe kloroe. Kande trawan na a bigin e sori pikinso belangstelling. Ini den sortoe kefal dati joe kan taki fosi foe wan noso toe penti ini wan traktaat; dan efoe a ososma e sori moro belangstelling, go dan abra foe a traktaat na a tijdschrift noso wan brochure di joe wani pristeri.
2 Joe ben sa kan taki:
◼ „Moro foeroe sma sa agri taki ini a grontapoe foe now, moro problema leki fasi foe loesoe den de. Joe ben sabi taki foeroe foe den moro hebi problema nanga san wi abi foe doe, ben taki a fesi ini bijbel?” Baka dati joe kan naki bladzijde 4 nanga 5 opo foe a traktaat A grontapoe disi sa tan? èn taki foe wan toe foe den problema.
3 Efoe joe e pristeri A Waktitoren foe 1 april èn na ososma e sori belangstelling gi san joe leisi foe a traktaat gi en, dan joe kan sori tapoe na artikel „Waka na baka a leti foe grontapoe” èn tjari kon na krin fa Jesus te foe kaba sa tjari wan loesoe kon ini ala problema foe a libisma famiri. Aksi dan foe go baka foe taki go moro fara foe a tori disi na wan ten di fiti.
4 Efoe joe e sori a sma na „Ontwaakt!” foe 8 april, dan joe ben sa kan gebroiki na inleiding di tjari kon na krin ini paragraaf 2 foe na artikel disi èn moro fara joe ben kan taki:
◼ „Foeroe sma e tweifri foe a man di relisi nanga politiek man foe tjari loesoe kon ini den problema foe wi, ma den e aksi densrefi efoe a sabidensi abi a piki.” Leisi dan wan penti di fiti foe na artikel „A sabidensi kan kaka foetoe gi a tjalensi foe a twenti-na-wan jarihondro?” So leki fa a sori, na artikel disi sa taki nanga foeroe jongoesma, spesroetoe nanga studenti.
5 Te joe e pristeri a „Loekoe!” brochure, joe ben sa kan gebroiki wan tra fasi foe bigin wan takimakandra:
◼ „Foeroe sma e aksi densrefi san e pasa nanga wi te wi dede. Son sma e taki dati wi e go na hemel noso hel; trawan no sabi disi soifri. Bijbel e gi wan onfroewakti èn korostoe piki.” Dan joe ben kan pristeri èn taki foe wan toe pisi foe a traktaat Sortoe howpoe de gi lobiwan foe wi di dede? Baka dati efoe a ososma abi belangstelling gi a traktaat, sori en go na bladzijde 16 nanga 17 foe a brochure.
6 Gebroiki foe gi kotoigi na djoe sma a traktaat Wan vrede njoen grontapoe—Dati sa kon wanten?, di e pristeri wortoe di ben taki ini den Hebrew Boekoe. Joe ben sa poti gi na ososma den toe aksi di de na ini a fosi paragraaf foe a traktaat. Baka te a piki, sori en a fosi paragraaf tapoe bladzijde 3. Disi e sori go na a Mesias nanga jepi foe soema a njoen grontapoe foe vrede sa kon. Efoe na ososma sori moro belangstelling, gebroiki dan A Waktitoren foe 1 april tapoe a fasi fa joe kisi bodoi ini paragraaf 3 foe na artikel disi.
7 Efoe joe de wan njoen preikiman, sondro degedege joe sa warderi wan makriki fasi foe bigin wan takimakandra. Foe san ede joe no e teki wan ipi foe a traktaat A grontapoe disi sa tan? èn waka dan baka den rai foe san skrifi ini paragraaf 2?
8 Wi abi na grani foe tjari a boskopoe foe froeloesoe na den oso foe den sma. Meki wi meki wan boen gebroiki foe den traktaat ini a soekoe di wi e soekoe sma di de warti, èn go abra tapoe tra lektuur te sma sori belangstelling—Mat. 10:13.