Diniwroko-konmakandra foe september
Wiki di e bigin 6 september
Singi 164
10 min: Wan toe sani foe a gemeente nanga Wan toe sani di e teki poeroe foe Wi Kownoekondre Dienst.
20 min: Meki joe pikin kon krakti gi skoro. Lezing nanga aksi-takimakandra èn demonstrâsi. Kresten jongoewan ini a ten disi e tanapoe na fesi problema, di foeroe sma ini a gemeente no man foe prakseri srefi foe den. Spesroetoe papa nanga mama moesoe sabi boen san na den problema disi, so taki den kan meki den pikin foe den kon krakti, so taki den kan kakafoetoe gi den tesi na tapoe a soifri retifasi foe den. Abi wan aksi-takimakandra nanga dri jongoewan di abi difrenti jari. San na wan toe spesroetoe fasi foe druk na skoro di den e abi foe doe nanga dati ala dei? San e jepi den foe tan abi wan boenmatifasi nanga Jehovah? Seti sani foe wan demonstrâsi foe wan osofamiri di e loekoe makandra paragraaf 2 nanga 3 tapoe bladzijde 13 foe a Skoro-brochure. Den pikin e tjari kon na krin taki trawan e spotoe nanga den èn taki den e firi taki trawan no wani boemoei nanga den, foe di den e hori densrefi na den hei moreel bijbel markitiki. Na osofamiri edeman e gi den pikin deki-ati, foe di a e taki dati a breiti nanga na eksempre foe den èn a e memre den taki Jehovah e prisiri srefisrefi nanga a fasi fa den e tjari densrefi (Odo 27:11). A brada di e doe a pisi dati, e tapoe nanga a prèise di a e prèise den jongoewan ini a gemeente foe den boen wroko foe den èn a e gi den deki-ati foe abi wan boen komunikâsi nanga a papa nanga mama foe den, so taki a heri skoro jari disi den kan kisi krakti na jejefasi.
15 min: „Jepi trawan foe kon sabi wan bigi goedoe”. Aksi-nanga-piki-takimakandra. Te joe e taki foe paragraaf 4, meki wan preikiman hori wan demonstrâsi foe a pristeri foe a Libi foe têgo-boekoe na wan papa noso mama.
Singi 108 nanga lasti begi.
Wiki di e bigin 13 september
Singi 112
10 min: Wan toe sani foe a gemeente. Leisi a raport foe moni afersi èn piki taki a Genootschap ben kisi den bijdrage di ben gi. Prèise a gemeente fa den e horibaka nanga den heri ati gi den fanowdoe foe a gemeente nanga so srefi a wroko foe a Genootschap na a heri grontapoe.
10 min: „Jepi trawan nanga jepi foe den tijdschrift”. Lezing nanga demonstrâsi. Poti krakti tapoe a waarde foe gebroiki njoen nanga owroe tijdschrift dorodoro. Meki den hori toe demonstrâsi, wán pe den poti prakseri tapoe wan njoen tijdschrift èn wán pe den e sori fa wan moro owroe nomroe kan gebroiki foe gi piki tapoe a spesroetoe fanowdoe foe na ososma.
15 min: „San wi a doe ini a dienstjari disi?” Lezing nanga takimakandra nanga zaal. A fesiman opziener moesoe doe a pisi disi. Go loekoe a diniwroko foe a gemeente baka, ini a dienstjari di pasa èn gi ala sma a deki-ati foe meki plan gi moro aktiviteit ini a dienstjari 1994.
10 min: „Studeri a Libi foe têgo-boekoe nanga na Anbegi-boekoe”. Baka te na artikel loekoe sjatoe baka, makandra nanga a zaal, meki wan preikiman di sreka ensrefi boen, gi wan demonstrâsi fa foe go abra foe a studie foe a Moro bigi libisma-boekoe na a Libi foe têgo-boekoe.
Singi 17 nanga lasti begi.
Wiki di e bigin 20 september
Singi 100
10 min: Wan toe sani foe a gemeente. Poti prakseri tapoe den artikel foe den njoen tijdschrift di wi kan pristeri a wiki disi ini a velddienst.
20 min: „Jepi sma di gersi skapoe foe bow tapoe wan steifi fondamenti” Takimakandra nanga a zaal. Poti krakti tapoe a fanowdoe foe sreka wisrefi tapoe ibri gobaka. Seti sani, so taki wan bekwaam preikiman kan gi wan demonstrâsi fa foe tjari wan gobaka na wan sma di ben teki wan Libi foe têgo-boekoe na fesi kaba, nanga jepi foe den bodoi ini paragraaf 3 noso 5.
15 min: „Bigin oso-bijbelstudie” Aksi-nanga-piki-takimakandra. Baka te joe loekoe paragraaf fo, hori wan fajafaja demonstrâsi foe wan gobaka pe den e gebroiki soso bijbel, ma di abi en gron tapoe pisi foe a Libi foe têgo-boekoe noso a Taki-go-taki-kon-boekoe, so leki den ben rikomanderi.
Singi 84 nanga lasti begi.
Wiki di e bigin 27 september
Singi 109
10 min: Wan toe sani foe a gemeente. Theokrasia njoensoe.
20 min: Pe den lobiwan foe wi di dede, de? Takimakandra foe osofamiri. Nanga jepi foe a materiaal di komoto foe a Taki-go-taki-kon-boekoe bladzijde 89 te nanga 92, na osofamiri edeman e taki foe a dede foe wan boen mati foe na osofamiri. A poti gi ensrefi leki marki foe leri den pikin foe en foe froestan a fasi fa bijbel e si a tori disi. A e poti aksi foe de seiker taki den e froestan san dede wani taki èn taki den man taki gi densrefi krin akroederi den jari di den abi. A e sori den toe fa den kan gebroiki a Taki-go-taki-kon-boekoe foe trowstoe trawan.
15 min: Pristeri tijdschrift ini oktober. Seti sani foe dri demonstrâsi: wán pe a moro bjoen Waktitoren e pristeri, wán pe a moro njoen Ontwaakt! e pristeri èn wán pe na ososma abi en toemoesi druk èn e teki wan traktaat. Loekoe makandra nanga a zaal, ibriwan foe den pristeri, foe san ede joe kan taki dati den pristeri ben abi boen bakapisi. Te a joisti belangstelling e sori, dan abonnement tapoe den tijdschrift kan pristeri noso a boekoe A soekoe di libisma e soekoe Gado kan pristeri.
Singi 21 nanga lasti begi.