Diniwroko-konmakandra foe januari

Wiki di e bigin 3 januari

Singi 101

5 min: Wan toe sani foe a gemeente. Tjari sjatoe spesroetoe penti ini a njoen tijdschrift di wi sa gebroiki ini a gebied foe a gemeente, kon na fesi.

25 min: „’Frede gi Gado’-distriktkongres foe Jehovah Kotoigi 1994.” Aksi-nanga-piki takimakandra foe na inlegvel di a sekretarsi sa hori.

15 min: „Jepi trawan foe abi warderi gi a waarde foe wi poeblikâsi”. Taki makandra nanga a gemeente foe na artikel. Gi sjatoe demonstrâsi na a fasi fa paragraaf 3 nanga 4 e sori. Taigi den prèikiman sortoe boekoe di abi 192 bladzijde a gemeente abi ete. Efoe a gemeente no abi owroe boekoe, dan gi wan demonstrâsi fa wi kan gebroiki a boekoe A soekoe di libisma e soekoe Gado na a fasi fa a takimakandra ini paragraaf 5 e sori.

Singi 116 nanga lasti begi.

Wiki di e bigin 10 januari

Singi 147

10 min: Wan toe sani foe a gemeente èn wan toe sani di fiti a gemeente di teki foe Wi Kownoekondre Dienst.

15 min: Joe de klariklari foe teki wan tesi tapoe joe bribi di abi foe doe nanga joe gosontoe? Wan faja lezing di wan bekwaam owroeman e hori foe jepi den brada foe warderi a njoen Broedoe karta di e gi kibri, ala di a e gebroiki den penti foe paragraaf 1 te nanga 3 foe na inlegvel foe Wi Kownoekondre Dienst foe november 1990. Tapoe son „Leri foe Gado”-distriktkongres, moro leki 50 procent foe den karta di gebroiki foe kisi wan njoenwan, no ben abi a nen skrifi na ondro, kotoigi no ben skrifi den nen noso a datum ben pasa kaba. Prati njoen karta soso gi preikiman di dopoe, dan loekoe a brifi foe 15 oktober 1991 di e gi rai fa foe skrifi tapoe a karta. Gi den brada a rai foe NO skrifi tapoe a karta dineti, ma foe tjari den go na oso èn baka te den tjari a tori disi ini begi, den kan skrifi tapoe den karta. Ma NO POTI JOE NEN na ondro a karta ete. Tjari a karta di joe ben skrifi na en tapoe go na a gemeente boekoestudie di e kon, pe den owroeman sa jepi joe foe si dati a nen skrifi na ondro, kotoigi skrifi den nen, èn poti a dei. A boekoestudie-leider sa gebroiki wan njoen lijst foe de seiker taki ala sma ini en groepoe abi wan karta. (Den papa nanga mama di dopoe kan kisi jepi foe skrifi tapoe na Identiteit karta foe den pikin.) Ala sma di misi a boekoestudie dati, kan kisi jepi foe den boekoestudie-leider/owroeman ete tapoe a Diniwroko-konmakandra te leki ala preikiman di dopoe abi den karta skrifi joisti na tapoe èn den nen skrifi na ondro. Den owroeman moesoe abi wan lijst foe den wan di tan abra èn moesoe proeberi foe meki ala karta so esi leki den man.

20 min: „Go baka foe bow warderi”. Takimakandra nanga zaal. Efoe den preikiman e gebroiki moro owroe publikâsi, dan gi demonstrâsi di e sori wan gobaka na wan sma di ben teki a boekoe A soekoe di libisma e soekoe Gado, èn gebroiki den bodoi ini paragraaf 5.

Singi 154 nanga lasti begi.

Wiki di e bigin 17 januari

Singi 167

10 min: Wan toe sani foe a gemeente nanga raport foe moni afersi. Piki den toe taki a genootschap ben kisi den bijdrage di den ben gi. Sori warderi gi a jepi di preikiman e gi na monisei foe horibaka gi a wroko foe a genootschap èn foe a gemeente. Memre den di no kaba skrifi den njoen Broedoe karta, foe doe dati dineti foe di den sa go na a gemeente boekoestudie-leider noso na wan foe den tra owroeman.

20 min: „Wroko gebied pe wi wroko foeroetron”. Aksi-nanga-piki-takimakandra di a dienstopziener sa hori. Ini wan gemeente nanga gebied di ben wroko foeroetron, gi wan demonstrâsi foe wan foe den inleiding foe a Taki-go-taki-kon-boekoe di den sori ini paragraaf 4 nanga 5 so boen leki wan tra inleiding di e fiti, di teki foe paragraaf 6 nanga 7 noso wan di joe sreka spesroetoe gi a gemeente gebied. Ini den gemeente di no e wroko den gebied foeroetron, tra inleiding di fiti èn di teki foe a Taki-go-taki-kon boekoe moesoe gebroiki ini a demonstrâsi. Den demonstrâsi moesoe oefen boen na fesi.

15 min: San o pasa nanga grontapoe ini a ten di e kon? Abi en gron tapoe a Taki-go-taki-kon-boekoe, bladzijde 29 te nanga 33. (5 min.) Ini a lezing den moesoe taki foe den penti ondro den ondrotitel di e bigin tapoe bladzijde 29 nanga 30, te go doro na di foe toe tapoe blz. 30 (7 min.) Wan njoen preikiman e taki makandra nanga wan preikiman di lepi èn di abi ondrofeni, foe a bodoi tapoe bladzijde 30, bigin nanga a di foe toe ondrotitel, te go doro bladzijde 33 a di foe toe ondrotitel. Grontapoe famiri foe a njoen preikiman ben taki bijbel e sori taki a grontapoe sa pori gowe. A njoen preikiman e aksi a jepi foe a preikiman nanga moro ondrofeni, foe jepi en foe froestan den tekst foe bijbel di e taki foe grontapoe. (3 min.) Na a kaba, taki makandra foe na aksi tapoe bladzijde 33 „Sortoe sma Gado sa blesi nanga têgo libi na grontapoe?” Gi ala sma deki-ati foe doe moeiti foe kisi sowan blesi grani.

Singi 176 nanga lasti begi.

Wiki di e bigin 24 januari

Singi 178

5 min: Wan toe sani foe a gemeente. Gi ala sma deki-ati foe teki prati na a velddienst a wiki disi. Taki foe den sani di a gemeente seti gi velddienst.

10 min: Aksi boksoe. Lezing, nanga den arkiman di e teki prati. Jepi ala sma foe froestan foe san ede wi moesoe handri den tori leki fa a skrifi ini den fosi dri paragraaf. Sontron a genootschap e kisi telefon kari nanga brifi foe ososma di ati e bron, taki den ben taigi Jehovah Kotoigi na difrenti okasi foe no fisiti den, ma tokoe den e tan kon doro. Foe dati ede, te wi e teki prati na oso-foe-oso wroko, wi moesoe sorgoe taki wi loekoe a gebied karta èn poti prakseri tapoe den oso pe den ben aksi wi foe no fisiti den.

15 min: Den fanowdoe foe a gemeente. Noso wan lezing di wan owroeman sa hori foe „Abi wan joisti loekoe tapoe a sari-ati foe Gado” di abi en gron tapoe A Waktitoren foe 1 oktober 1993, bladzijde 29 te nanga 31.

15 min: A velddienst aktiviteit foe a gemeente. A dienstopziener nanga wan tra owroeman e go takimakandra foe den aktiviteit foe a gemeente ini den fo moen di pasa. Fo moen foe a dienstjari pasa (september-december). Fa a gemeente e doe en? Gi opregti prèise foe den sani di a gemeente e doe boen. So srefi kari wan toe sani di a gemeente kan doe moro boen, èn gi praktis rai. Gi srefi wan noso toe ondrofenitori di e gi deki-ati, foe den fo moen foe a dienstjari. Tapoe nanga wan toe sani di de positief èn di e gi deki-ati. Jesus ben kisi prisiri foe di a ben doe en diniwroko. Wi toe sa feni bigi prisiri efoe wi e tan abi foeroe foe doe ini a wroko di Jehovah gi wi. — Joh. 4:34; 1 Kor. 15:58.

Singi 179 nanga lasti begi.

Wiki di e bigin 31 januari

Singi 186

5 min: Wan toe sani foe a gemeente. Gi ala sma deki-ati foe bigin froekoe nanga a velddienst foe di den e teki prati na a kaba foe a wiki disi. Joe kan gi rai foe jepi pristeri den njoen tijdschrift.

7 min: Pristeri, Joe kan libi foe têgo ini wan paradijs na grontapoe, oso-foe-oso. Wan sjatoe lezing di e hori nanga faja foe sori a waarde foe a boekoe di ben boeweisi kaba foe jepi sma foe sabi èn foe anbegi Jehovah. Gi wan demonstrâsi foe sori fa den preikiman kan gebroiki den rai di de ini a Wi Kownoekondre Dienst disi, foe sreka densrefi na fesi foe gebroiki a boekoe disi ini a velddienst.

18 min: „A fisiti foe konmakandra — Wan serjoesoe frantiwortoe”. Wan aksi-nanga-piki-takimakandra. Hori leki fa paragraaf 2 e sori, wan aksi-takimakandra nanga den preikiman di basi problema so taki den ben kan fisiti den konmakandra na wan doronomo fasi.

15 min: Na osofamiri e gebroiki a njoen Jariboekoe. A famiri edeman e teki a tiri foe osofamiri ini wan takimakandra foe den inleiding di e gi deki-ati, di de tapoe den fosi bladzijde foe a Jariboekoe foe 1994. A e tapoe foe taki foe den sani di a e seti gi a osofamiri foe leisi wan toe bladzijde foe a Jariboekoe ibri wiki.

Singi 188 nanga lasti begi.