Diniwroko-konmakandra foe augustus
Wiki di e bigin 1 augustus
Singi 159
12 min: Wan toe sani foe a gemeente nanga wan toe sani foe Wi Kownoekondre Dienst di fiti. „A njoen programa foe a spesroetoe dei-konmakandra”. Kari a dei foe a spesroetoe dei-konmakandra di e kon, efoe oenoe sabi dati kaba èn gi ala sma deki-ati foe meki plan foe fisiti a spesroetoe dei-konmakandra. Sori wan toe penti ini den njoen tijdschrift, di wi kan taki foe den èn poti krakti tapoe den ini a velddienst na a kaba foe a wiki disi.
12 min: „Tan abi wan positief fasi foe si sani”. Aksi-nanga-piki. Taki sjatoe nanga wan pionier noso wan sma di e preiki langa ten kaba. A sa froeteri fa a ben man tan abi wan positief fasi foe si sani, ala di sma ini a kontren abi wan mi-no-ke-fasi noso sma e gens.
11 min: „Brochure — Wrokosani di warti gi a diniwroko”. Taki makandra nanga den arkiman. Seti sani gi toe demonstrâsi, di sreka boen èn di e taki foe den pristeri di gi leki boen rai. Sori wan toe foe den brochure di wi sa pristeri ini augustus. Memre den arkiman foe teki eksemplaar foe gebroiki den ini a velddienst a wiki disi.
10 min: „Joe kan kon baka ini lin foe den pionier?” Taki makandra nanga den arkiman. Abi ini en toe, ondrofenitori ini a gemeente di e sori fa wan sma ben kan pionier baka noso fa wan osofamiri ben wroko makandra foe jepi wan memre foe na osofamiri foe feni boen ini a grani disi.
Singi 142 nanga lasti begi.
Wiki di e bigin 8 augustus
Singi 216
5 min: Wan toe sani foe a gemeente.
12 min: „Sabi den brada foe joe heri boen”. Aksi-nanga-piki. Gi den arkiman wan kari, foe froeteri sjatoe ondrofenitori di e sori fa den ben man kon sabi trawan moro boen, foe di den ben gebroiki den boen rai na ini paragraaf 6.
12 min: Doe moro okasi kotoigi. Wan groepoe foe dri noso fo preikiman e taki makandra fa den kan meki a prati di den abi ini a wroko disi kon moro bigi. Den e gebroiki a Waktitoren foe 15 oktober 1987, bladzijde 13-17 èn den e taki foe den sani di trawan doe èn fa den ben meki plan foe doe moro foe a sortoe wroko disi. A fesiman e gi den arkiman deki-ati foe prakseri fa den kan abi wan prati ini a wroko disi.
16 min: Pristeri na Eeuwig leven (Libi foe têgo) boekoe na ini september. Gi deki-ati foe de fajafaja foe prati a boekoe disi èn foe bigin nanga bijbelstudie na ini september. A ben kon na doro na ini 1982 èn sensi a ten dati a ben de a moro prenspari wrokosani foe hori bijbelstudie. Den eksemplaar di ben kon na doro na tapoe den distriktkongres, ben abi a boskopoe disi: „A njoen boekoe disi foe studeri, abi san de fanowdoe foe jepi foeroe trawan foe abi a srefi howpoe di wi abi. . . . A abi ala den prenspari bijbel waarheid di njoen sma abi fanowdoe foe froestan sani, so taki den kan gi den libi abra na Jehovah èn foe dini en tapoe wan fasi di fiti.” Den bakapisi e sori taki a nomroe foe preikiman gro foe 2.652.323 na ini 1983 kon miti 4.709.889 na ini 1993. Kari wan toe sma foe kan froeteri fa den ben leri a waarheid, foe di den studeri a boekoe disi noso fa den ben jepi trawan, foe di den studeri a boekoe nanga den. Efoe ten e gi okasi foe dati, dan sori tapoe tra sani foe a boekoe, di wi kan teki foe poti krakti na tapoe den, te wi e pristeri a boekoe.
Singi 182 nanga lasti begi.
Wiki di e bigin 15 augustus
Singi 166
5 min: Wan toe sani foe a gemeente, di moesoe abi ini en toe, raport foe moni afersi nanga den piki taki a Genootschap ben kisi den bijdrage di ben gi.
15 min: „Kweki belangstelling na den gobaka”. Taki makandra nanga den arkiman. A moesoe abi na ini en, toe demonstrâsi foe dri miniti, di e sori fa wi kan gebroiki den sani di pristeri foe meki gobaka. Gi deki-ati foe meki moeiti foe bigin nanga bijbelstudie.
25 min: „Tan waka go na fesi ini wan routine na wan ordefasi”. Aksi-nanga-piki.
Singi 96 nanga lasti begi.
Wiki di e bigin 22 augustus
A wiki disi wi no abi programa, foe di wi abi a „Frede gi Gado”-distriktkongres foe 26-28 september.
Wiki di e bigin 29 augustus
Singi 199
5 min: Wan toe sani foe a gemeente.
10 min: Fa mi kan kon moro krosibei na Gado? Wan demonstrâsi foe wan osofamiri studie. Papa nanga mama e taki makandra foe a materiaal ini kapitel 39 foe a Jonge mensen vragen (Jongoe sma e aksi) boekoe nanga den tini foe den. Taki foe na ondro edewortoe „Openlijk voor je vriendschap met God uitkomen” („Taki na poebliki dati joe abi wan matifasi nanga Gado”), bladzijde 315-318. Den pikin e kragi, bika den e sjen te den e go oso foe oso èn den e feni taki na den konmakandra den e jere densrefi sani ala ten baka èn dati den konmakandra de toemoesi foeroe. Na wan switifasi, den papa nanga mama e taki-go-taki-kon nanga den, e sori tapoe bijbel gronprakseri di e sori o prenspari den sani disi de, efoe den wani tan abi wan boen matifasi nanga Jehovah.
30 min: Loekoe baka den prenspari penti foe a „Frede gi Gado”-distriktkongres. A dei-baka-dei loekoe baka disi moesoe gi na fesi na toe noso dri bekwaam brada, di man foe poti prakseri tapoe den moro prenspari penti. A loekoe baka disi di sreka boen, sa jepi den brada nanga sisa foe memre den prenspari penti di den srefi kan gebroiki ini a preikiwroko. Komentaar di e kon foe a zaal èn ondrofenitori di e froeteri, moesoe hori sjatoe èn den moesoe de krinkrin.
Singi 161 nanga lasti begi.