A wortoe foe Gado abi krakti
1 Bijbel abi foeroe krakti tapoe a libi foe miljoenmiljoen libisma. San bijbel e taki, e troesoe sma moro leki iniwan tra sani di libisma ben kan meki (Heb. 4:12). Loekoe san a doe gi wi kaba. Troetroe, bijbel warti moro leki iniwan tra boekoe.
2 Jehovah Kotoigi na den moro boen studenti foe Gado Wortoe èn den e hori baka gi Gado Wortoe moro leki trawan. Wi moesoe si a leisi di wi e leisi bijbel, leki wan prenspari pisi foe wi theokrasia schema, èn wi moesoe poti en na a fosi presi moro leki a loekoe di wi e loekoe telefisi nanga ala tra fasi foe ontspanning di sma e feti na baka.
3 Meki en wan gwenti di joe e doe doronomo: A pipel foe Jehovah kon warderi a bigi krakti di a doronomo leisi foe bijbel kan abi. Foeroe jari kaba wan bigi marki na tapoe wan foe den drukkerij foe wi na Brooklyn, e gi sma di e pasa, tranga foe „Leisi a Wortoe foe Gado a santa bijbel aladei”. Njoen memre foe a Bethel famiri moesoe leisi a heri bijbel ini a fosi jari foe den tapoe Bethel.
4 Joe e tan hori joesrefi na a alawiki bijbel-leisipisi soleki fa a skrifi ini a Schema gi a Theokrasia Diniwroko-Skoro, ala di joe abi wan druk schema? Efoe joe ondrofeni problema foe doe disi, foe san ede joe no e proeberi foe fiti a schema foe joe foe leisi bijbel ini november? A bijbel-leisipisi gi a heri moen na Psalm 95-109, dati wani taki dati joe moesoe leisi so wan dri noso fo bladzijde wan wiki. Sonwan e froekisi foe leisi pikinso nomo ibri dei, kande froekoe mamanten noso fosi den go sribi te neti. Awinsi fa joe e doe dati, a prenspari sani na taki joe e kisi den moro boen winimarki di e kon foe a leisi di joe e leisi Gado Wortoe doronomo.
5 Pristeri bijbel ini november: Foeroe sma e respeki bijbel ete èn den wani foe arki te wi e leisi foe en. Ini november wi sa pristeri a Nieuwe-Wereldvertaling (a Njoen-Grontapoevertaling) nanga a boekoe De bijbel — Gods woord of dat van mensen? (Bijbel — Gado wortoe noso di foe libisma?) Disi e gi wan toemoesi moi okasi foe sori opregti sma, a warti di Gado Wortoe warti. De nanga faja te joe e doe disi.
6 Sreka wan toe komentaar, pe joe e hori den sma na prakseri, foe den toemoesi moi sani di de foe feni ini a Nieuwe-Wereldvertaling (a Njoen-Grontapoevertaling), èn meki den komentaar disi wiki a belangstelling foe sma foe teki a boekoe. Poti krakti tapoe a praktis waarde foe en. Joe kan sori a sma toe, wan foe den tori ini a pisi „Bijbelse onderwerpen voor gesprekken” („Bijbel tori foe takimakandra”) èn tjari dati makandra nanga a boekoe De bijbel — Gods woord of dat van mensen? (Bijbel — Gado wortoe noso di foe libisma?) Noso joe kan demo a waarde foe na index foe bijbel wortoe tapoe 89 bladzijde èn sori fa a e jepi wan sma di e leisi bijbel, foe feni den tekst di de bekènti. Kande son preikiman wani foe poti krakti tapoe na „Appendix” noso a „Tabel van de bijbelboeken” („Tabel foe den bijbelboekoe”) èn sori tapoe a waarde foe en te den e gi bijbelstudie.
7 De seiker, taki joe e sori na tapoe, dati a Nieuwe-Wereldvertaling (a Njoen-Grontapoevertaling) de ini wan disiten tongo, èn dati e meki en makriki foe froestan en. Wan toe moi pisi foe teki gersi nanga a King James Version na 1 Korentesma 10:25 nanga 16:22. A Nieuwe-Wereldvertaling (a Njoen-Grontapoevertaling) e gebroiki a santa nen foe Jehovah, 7210 tron.
8 Ija, bijbel na a Wortoe foe Gado. Efoe wi e leisi en, e bribi en, èn e fiti a rai na ini wi libi, dan wi sa kisi foeroe winimarki. A ben skrifi foe gi wi leri nanga howpoe (Rom. 15:4). A de prenspari gi wi foe loekoe en aladei èn de klariklari foe gebroiki en foe gi trawan leri.