Diniwroko konmakandra foe maart
Wiki di e bigin 6 maart
Singi 25
13 min: Wan toe sani foe a gemeente nanga wan toe sani foe Wi Kownoekondre Dienst. Takimakandra foe na Aksi boksoe.
15 min: „Den kisi foeroe—Foeroe sa aksi foe den”. Aksi nanga piki. Gi den wan di den brada feni boen foe de wan jepipionier, deki-ati foe prakseri foe gi den nen foe wroko leki jepipionier ini april.
17 min: „Meki ’den wortoe foe a profeititori’ bekènti”. Loekoe sjatoe baka den heimarki. Gi den arkiman wan kari foe froeteri ondrofenitori di e sori fa den ben prisiri foe di den gebroiki na Openbaring-boekoe noso foe di den libi en na baka. Gi ala sma tranga foe de positief te den e pristeri a boekoe, foe di a e taki foe sani di e pasa now èn di abi foe doe nanga ala sma.
Singi 31 nanga lasti begi.
Wiki di e bigin 13 maart
Singi 24
10 min: Wan toe sani foe a gemeente. Gi sjatoe komentaar di e hari a prakseri go na a boksoe „Wan toe sani foe memre a sekretarsi nanga a dienstopziener”. Leisi a raport foe moni afersi.
15 min: „Kownoekondre njoensoe di e kon na a joisti ten èn di wi moesoe prati na heri grontapoe”. Taki di wan owroeman moesoe hori. Poti krakti tapoe o prenspari a spesroetoe aktiviteit disi de, di sa hori na ini april nanga mei. Gi ala sma tranga, den njoen wan toe, foe sreka densrefi foe abi wan dorodoro prati.
20 min: „Betel diniwroko—Moro friwani wrokoman de fanowdoe”. Aksi nanga piki takimakandra foe paragraaf 1 te nanga 13.
Singi 36 nanga lasti begi.
Wiki di e bigin 20 maart
Singi 40
15 min: Wan toe sani foe a gemeente. Demo fa wan osofamiri e gebroiki a Jaarboek van 1995 (Jariboekoe foe 1995). Osofamiri groepoe e sori warderi gi a boekoe; a papa e gi wan sjatoe loekoe baka foe den heimarki foe na inleiding foe a boekoe tapoe bladzijde 3 te nanga 11. Den e takimakandra fa den sa proeberi foe leisi wan toe bladzijde foe a Jaarboek ibri wiki nanga makandra, èn den sa sorgoe taki den sa loekoe a bijbel tekst gi ibri dei di gi ini Ondrosoekoe den Boekoe foe bijbel ala dei.
15 min: Sani di a gemeente abi fanowdoe. Noso hori wan lezing foe na artikel „Indien u belasting verschuldigd bent, betaal dan belasting” (Efoe joe moesoe pai belasting moni, pai dati dan), ini De Wachttoren foe 15 november 1994, bladzijde 26 te nanga 28.
15 min: „Jepi trawan foe ’ondrow den sani di skrifi’”. Loekoe sjatoe den moro prenspari penti baka, èn dan abi wan noso toe demonstrâsi di e sori fa foe meki a gobaka.
Singi 52 nanga lasti begi.
Wiki di e bigin 27 maart
Singi 205
5 min: Wan toe sani foe a gemeente.
12 min: „A moro prenspari sani di pasa ini a historia foe libisma”. Takimakandra nanga den arkiman. Loekoe baka den sani di a gemeente seti gi na Memrefesa. Tjari kon na krin foe san ede wi moesoe gi sma di abi belangstelling, wan kari, èn foe san ede wi moesoe jepi den foe de drape.
18 min: „Betel diniwroko—Moro friwani wrokoman de fanowdoe”. Te joe e taki foe paragraaf 14 te nanga 18, dan hori wan demonstrâsi ini san wan papa e taki nanga en tini manpikin foe a marki foe betel diniwroko. A e taki toe san a boi kan doe foe sreka ensrefi gi dati akroederi den rai di gi ini den paragraaf. Efoe sma de ini a gemeente di ben de na betel noso di de na betel ete, dan a papa kan gebroiki wan noso toe foe den brada disi ini a takimakandra nanga en manpikin. Baka a demonstrasi, dan paragraaf 19 te nanga 23 moesoe de wan aksi nanga piki takimakandra.
10 min: Pristeri A Waktitoren nanga Ontwaakt! ini april. Ini gebied pe wi e wroko foeroe, wi kan pristeri ibriwan brochure toe (boiti a Skoro-brochure). Pe wi e feni belangstelling na den gobaka, wi kan pristeri abonnement. Loekoe sjatoe baka den rai di e kon now foe pristeri den tijdschrift oso foe oso: Sori switifasi. De fajafaja. No taki toemoesi esi. Taki foe wan artikel nomo ini wan tijdschrift. Gi na ososma a tijdschrift. Meki a sma sabi taki joe sa kon baka nanga den njoen uitgave. Efoe den sma no wani den tijdschrift, dan tapoe a takimakandra ala di joe e taki wan positief sani. Skrifi ala san joe libi na baka noso pe sma sori belangstelling. Na a kaba, hori wan noso toe demonstrâsi di e sori fa foe pristeri den uitgave foe den njoen tijdschrift.
Singi 176 nanga lasti begi.