Na Openbaring — Wan sroto foe kisi troe kolokoe
1 Den wortoe foe na apostel Johanes na ini Openbaring 1:3 na boen njoensoe gi wi foe di a e froeteri wi fa foe feni kolokoe. A ben skrifi: „Kolokoe a sma de di e leisi tranga èn den wan di e jere den wortoe foe a profetitori disi, èn den wan di e ondrow den sani di skrifi na ini.” A boekoe De Openbaring — Haar grootse climax is nabij! (Na Openbaring — En moro bigi heimarki de krosibei!) jepi foeroe sma foe feni foeroe kolokoe. Wi abi boen reide foe pristeri en na tra sma.
2 Joe ben sa man foe bigin wan takimakandra nanga na aksi disi:
◼ „Joe denki taki a bijbelboekoe Openbaring ben skrifi so taki wi ben sa man froestan en, noso a skrifi foe tan wan kibritori foe ala ten? [Gi okasi foe piki.] Foeroe sma e denki leki fa joe e prakseri. Loekoe san bijbel e taki na ini Openbaring 1:3. [Leisi.] Soboen, wi kan froestan Openbaring, èn a sabi di a abi na ini kan tjari kolokoe kon gi wi. Fa disi kan pasa?” Loekoe den prakseri baka na ini paragraaf 2 tapoe bladzijde 6 èn taki baka dati: „A poeblikâsi disi e gi wan vers-foe-vers takimakandra foe a boekoe Openbaring. A ten di joe sa poti na ini foe leisi en no sa de lasi ten srefisrefi. Mi ben sa prisiri foe libi na eksemplaar disi gi joe na baka.”
3 Foe di foeroe sma e broko den ede foe sorgoe gi den fanowdoe na materia sei, a sani disi ben sa kan wiki belangstelling:
◼ „San joe e prakseri taki de a moro bigi fanowdoe foe wi? [Gi okasi foe piki.] Foeroe sma de di e bribi fasti taki wi abi moro materia sani fanowdoe.” Drai go na bladzijde 73 èn loekoe den ede prakseri baka na ini a boksoe „Materialisme contra wijsheid”. Go doro foe di joe e taki: „Disi e sori taki sma e poti toemoesi foeroe krakti na tapoe materia sani; wi moesoe broko wi ede moro nanga den jeje fanowdoe foe wi. Troe sabi na a sani di wi abi troetroe fanowdoe. Ma sabi foe san?” Leisi Johanes 17:3 èn sori fa sabi foe Gado kan tjari têgo libi kon. Pristeri foe libi a boekoe èn foe go baka foe sori fa a boekoe e tjari toemoesi moi bodoi kon na krin foe a prakseri foe Gado foe satisferi ala den fanowdoe foe a libisma famiri.
4 Foe di foeroe sma e broko den ede nanga den banawtoe na grontapoe, joe ben sa kan proeberi foe taki so:
◼ „Iniwan sma nanga soema mi e taki e broko en ede nanga a ten di e kon. Son grontapoe tiriman e denki taki wi tanapoe na tapoe a lanki foe wan njoen pisiten foe vrede. San joe e denki foe a tori dati? [Gi okasi foe piki.] Awansi ala den moeiti foe libisma, tokoe a doe di sma e doe ogri nanga tranga, èn a banawtoe di sma e banawtoe, e tan gro na heri grontapoe. Bijbel e tjari kon na krin, a wan-enkri loesoe foe ala ten foe den problema disi. [Leisi 2 Petrus 3:13. Drai go na a prenki na bladzijde 302 èn sori fa a Kownoekondre foe Gado na ini hemel sa tjari vrede nanga seikerfasi foe ala ten kon na a grontapoe disi.] A poeblikâsi disi sa jepi joe foe si fa joe kan de wan memre foe a njoen libimakandra foe sma di sa njan boen foe têgo libi, ondro a tiri foe a Kownoekondre foe Gado.”
5 Efoe joe miti wan sma di no abi ten èn joe moesoe taki sjatoe nomo, joe ben sa kan taki so wan sani:
◼ „Foe di joe abi pikinso ten nomo, mi ben sa wani foe libi a traktaat disi [noso tijdschrift artikel] nanga a nen [teki wan traktaat noso artikel poeroe di e fiti]. Mi e gi joe a deki-ati foe leisi en. A tra leisi te mi kon baka, mi ben sa wani sabi san joe e denki foe dati.”
6 Te wi e pristeri De Openbaring — Haar grootse climax is nabij!, gi trawan na okasi foe sori den warderi foe di wi e aksi a bijdrage foe a boekoe. A gi di den e gi na so wan fasi sa meki a kolokoe foe den kon moro bigi te den sa kon froestan san den toemoesi moi profetitori foe Openbaring wani taki. — Odo 3:13.