Overzicht gi a theokrasia diniwroko-skoro
Overzicht nanga tapoe boekoe, di abi en fondamenti tapoe a materiaal foe a theokrasia diniwroko-skoro foe den wiki foe 6 januari te nanga 21 april 1997. Gebroiki wan aparti pisi papira foe skrifi den piki foe someni aksi di joe man piki na ini a ten di den gi joe pasi foe doe dati.
[Wan toe sani foe hori na prakseri: Soso bijbel wan sma mag gebroiki foe gi piki tapoe ibri aksi na ini a ten foe a schriftelijk overzicht. Den bodoi di tanapoe baka den aksi de foe joe ondrosoekoe sani joesrefi. Den bodoi di e sori na sortoe Waktitoren joe moesoe go, no e kari ala ten den bladzijde nanga den paragraaf.]
Gi piki tapoe ibriwan foe den froeklari di e kon now efoe den boen noso fowtoe:
1. Langa bifo a Wachttoren-Bijbelskoro Gilead ben opo, Kotoigi di ben leri waarheid na dorosei kondre èn ben drai go baka na den kondre pe den ben gebore, ben tjari a boen njoensoe na sma foe tra kondre. [jv bladzijde 428 paragraaf 3]
2. Gideon ben man wini den Midiansma foe di a ben abi bekwaamfasi leki sroedati. [it-1 bladzijde 841 paragraaf 1, 2]
3. Leki wan kontroe foe Sakaria 9:2-4, Nebukadnesar ben pori Tirus krinkrin. [si bladzijde 169, paragraaf 4]
4. Eva ben abi leti di a ben taki dati a ben meki wan manpikin (Kain) „nanga a jepi foe Jehovah” (Gen. 4:1). [it-1 bladzijde 655 paragraaf 3]
5. Ala di sma ben sabi C. T. Russell leki wan toemoesi boen poebliki takiman, a ben de na opregti belangstelling di a ben abi gi sma, di ben meki a ben de wan boen preikiman. [jv bladzijde 404 paragraaf 2]
6. A blaka ras no ben komoto foe a manpikin foe Kam, Kanan, di Noa ben froekoe. [it-1 bladzijde 409 paragraaf 7]
7. Na mindri den „bokoboko” di ben kari na ini Mateus 25:31-46, di o koti poeroe foe têgo, aktief memre foe Babilon a Bigiwan èn den relisi fesiman foe den sa de. [Alawiki bijbel leisiprograma; loekoe wSR95 15/10 bladzijde 30 paragraaf 13-15.]
8. Leki wan bakapisi foe tranga froefolgoe na Europa, a nomroe foe preikiman drape ben saka srefisrefi na ini a di foe Toe Grontapoefeti. [jv bladzijde 454 paragraaf 2]
9. A gi di wi e gi trawan pardon e meki taki Gado man gi wi pardon foe wi sondoe. [Alawiki bijbel leisiprograma; loekoe w94 15/9 bladzijde 7.]
10. Gabrièl na wan foe den toe getrow engel nomo di bijbel e kari na den nen. [it-1 bladzijde 697 paragraaf 3]
Gi piki tapoe den aksi di e kon now:
11. Sortoe fasi di e hari sma prakseri ben gebroiki na Londen, Ingrisikondre, na ini 1938 foe wiki sma belangstelling gi a lezing „Ziet de feiten onder de ogen” (Si den sani leki fa den de)? [jv bladzijde 447 paragraaf 2]
12. Sortoe toe ròl di Jesus abi, Sakaria 6:12, 13 ben taki foe den? [si bladzijde 172 paragraaf 25]
13. A seti gi gemeente foe abi wan prati na ini a gi foe bijdrage na a Kownoekondre zaal fonds foe a Genootschap na wan eksempre foe a fiti foe sortoe gronprakseri? [jv bladzijde 344 paragraaf 3, 4]
14. Tapoe sortoe fasi libisma e teki wini foe na ofrandi foe Jesus na ini a ten disi? [kl bladzijde 68, 69 paragraaf 17-19]
15. Foe san ede wi no moesoe draidrai foe taigi ososma taki na fri wani gi e horibaka gi a wroko foe wi? [jv bladzijde 349 paragraaf 4]
16. Na tapoe sortoe fasi „Elia a profeiti” ben kon na ini a fosi jarihondro leki wan kontroe foe Maleaki 4:5? [si bladzijde 174 paragraaf 15]
17. Fa sondoe ben panja go na ala sma? [kl bladzijde 58 paragraaf 13]
18. Pe na ini a boekoe foe Mateus wi e feni a boen rai di Jesus ben gi ini a tori foe loesoe serjoesoe problema? [Alawiki bijbel leisiprograma; loekoe w95 15/7 bladzijde 22.]
19. San na a „denarius” di ben kari na ini na agersitori foe Jesus di skrifi na Mateus 20:1-16? [Alawiki bijbel leisiprograma; loekoe gt 97 paragraaf 6.]
20. Kari toe sani di ben kon na krin foe di Gado gi pasi meki ogridoe de. [kl bladzijde 77, 78 paragraaf 18-20]
Poti a (den) wortoe noso a pisi foe a prakserilin di de fanowdoe foe klari ibriwan foe den froeklari di e kon now:
21. Foeroe tron den e kari den fosi dri Evangelie boekoe synoptisch, dati wani taki „ ․․․․․․․ ” [si bladzijde 175 paragraaf 3]
22. Gridi ben meki ․․․․․․․, a dinari foe Elisa, proeberi foe teki wini na materia sei foe a dresi di en masra dresi a gwasi foe ․․․․․․․ [it-1 bladzijde 763 paragraaf 8]
23. Foe di ․․․․․․․ ben weigri foe arki wan warskow foe den edeman foe den sroedatiemakti, Ismaèl nanga den man foe en ben kiri en. [it-1 bladzijde 732 paragraaf 1]
24. Jehovah ben gebroiki den profeiti ․․․․․․․ nanga ․․․․․․․ foe wiki a faja baka foe En pipel gi a bow foe a tempel. [it-1 bladzijde 915 paragraaf 6, 7]
25. A „jeje” di e gowe foe libisma te den dede, na a ․․․․․․․, di ben komoto na Gado (Ps. 146:4). [kl bladzijde 81 paragraaf 5, 6]
Teki a joisti piki na ini ibriwan foe den froeklari di e kon now:
26. Boeweisi de taki Mateus ben skrifi en Evangelie na ini (Hebrewtongo; Arameisi; Grikitongo) èn baka dati ben poeroe en go na ini (Hebrewtongo; Arameisi; Grikitongo). [si bladzijde 176 paragraaf 6]
27. (Isèibel; Sara; Hagar) ben abi wan ròl na ini a simbôlis drama na ini san a e prenki Israèl na skinfasi, di ben koti poeroe foe a boen-ati foe Jehovah. [it-1 bladzijde 914 paragraaf 2]
28. Foeroe sma foe West-Afrika ben kon sabi a waarheid a fosi tron nanga jepi foe den bijbel-lezing di ben e gi deki-ati foe (Edwin Skinner; W. R. Brown; Juan Muniz). [jv bladzijde 433 paragraaf 2-5]
29. Oema-kownoe (Rut; Ester; Debora) ben broeja a heimemrefasi fa (Haman; Hamat; Hanun) ben proeberi foe kiri ala den djoe. [it-1 bladzijde 919 paragraaf 4]
30. Jesus ben tron a Mesias di a ben (gebore; teki dopoe; kisi wan opobaka), san ben feni presi na ini a jari (2 b.G.T.; 29 G.T.; 33 G.T.). [kl bladzijde 65 paragraaf 12]
Soekoe a joisti tekst gi ibriwan foe den froeklari dja na ondrosei:
1 Sam. 1:12-16; Mat. 4:8-10; Mat. 16:19; Jak. 1:13; 1 Joh. 5:19
31. A no Gado meki den heri ipi problema kon di e trobi a libisma famiri. [kl bladzijde 71 paragraaf 3]
32. Den troe bakaman foe Jesus e weigri foe abi foe doe nanga den politiek afersi foe a grontapoe disi. [Alawiki bijbel leisiprograma; loekoe w96 1/5 bladzijde 12 paragraaf 9.]
33. Sabi foe a Kownoekondre foe Gado ben o opo a pasi gi djoe, Samariasma, nanga heiden foe go na hemel. [Alawiki bijbel leisiprograma; loekoe w91 15/3 bladzijde 5.]
34. Efoe sontron wan sma e kroetoe wi fowtoe, dan wan jeje foe sakafasi èn wan lespeki piki, foeroetron sa abi a moro boen sani leki bakapisi. [it-1 bladzijde 938 paragraaf 6]
35. Kresten abi boen reide foe san ede den e hori densrefi aparti foe grontapoe. [kl bladzijde 60 paragraaf 18]