Diniwroko-konmakandra foe december
Wiki di e bigin 1 december
Singi 27
10 min: Wan toe sani foe a gemeente. Wan toe sani di teki poeroe foe Wi Kownoekondre Dienst.
15 min: „Taki foe Jehovah ibri dei”. Aksi-nanga-piki takimakandra. Te joe e taki foe paragraaf 4, taki so srefi foe a Handleiding-boekoe, studie 16, paragraaf 14-16.
20 min: „Bijbel—A tjariman foe Gado gi ala sma.” Wan owroeman e taki foe na artikel èn e taki foe den reide foe san ede ibri sma moesoe abi a firi foe ondrosoekoe bijbel. (Loekoe a brochure Een boek voor alle mensen, bladzijde 30, 32.) Interview sjatoe toe preikiman foe sabi fa den sreka densrefi foe gebroiki den pristeri di gi leki idea na ini paragraaf 3-8. Demo wán foe den disi gi a fosi fisiti èn wán gi a gobaka foe a pristeri dati.
Singi 23 nanga lasti begi.
Wiki di e bigin 8 december
Singi 28
10 min: Wan toe sani foe a gemeente. Raport foe moni afersi.
20 min: Foe san ede wi moesoe froeteri na ogri di wan sma doe? Wan lezing di wan owroeman e hori èn di abi en gron na tapoe a Waktitoren foe 15 augustus 1997, bladzijde 26-30.
15 min: „Tra sma e misi joe!” Wan takimakandra nanga a poebliki, di wan owroeman e hori. Taki san na a gemiddelde nomroe fisitiman foe a gemeente. Aksi wan toe sma foe froeteri foe san ede den e kisi kowroe-ati te den de makandra na den konmakandra.
Singi 76 nanga lasti begi.
Wiki di e bigin 15 december
Singi 30
10 min: Wan toe sani foe a gemeente. Gi wan toe idea fa wi kan piki na wan konifasi na tapoe boen winsi di sma e winsi joe na tapoe grontapoe fesadei. Taki foe den spesroetoe sani di seti gi velddienst tapoe 25 december, 26 december, nanga 1 januari.
10 min: Sani di a gemeente abi fanowdoe.
25 min: „Wi ben moesoe de leriman, no soso preikiman”. Aksi-nanga-piki takimakandra. Te joe e taki foe paragraaf 11, leisi paragraaf 11, studie 15 foe a Handleiding-boekoe.
Singi 77 nanga lasti begi.
Wiki di e bigin 22 december
Singi 58
8 min: Wan toe sani foe a gemeente. Memre ala den preikiman foe tjari na inlegvel foe Wi Kownoekondre Dienst foe januari 1998 kon nanga den na a konmakandra na ini a wiki di e kon.
17 min: „A theokrasia diniwroko-skoro foe 1998”. Wan lezing di a skoro-opziener e hori. Taki sjatoe foe den fasi fa ala sma kan abi moro wini foe a skoro na ini a jari di e kon. Gi deki-ati foe tan skinskin nanga a „Ekstra bijbel-leisi schema” foe ibri wiki.
20 min: Preiki a boen njoensoe na ala presi. Wan takimakandra nanga a poebliki, foe bladzijde 92-97 foe a Bediening-boekoe, èn gebroiki den aksi disi: (1) Foe san ede a gebroiki di wi e gebroiki den poeblikâsi foe wi de boen foe prati a boen njoensoe? Foe san ede wi moesoe pristeri poeblikâsi na ibri okasi? (2) Foe san ede wi moesoe hori boen na prakseri taki wi moesoe gi okasi kotoigi? San na wan toe fasi fa wi kan gi okasi kotoigi? (Aksi wan toe sma foe froeteri ondrofenitori foe okasi kotoigi.) (3) Foe san ede a gemeente moesoe doe moeiti foe wroko a kontren di den kisi leki toewijzing finifini? Te foeroe gebied de, san na a wini te wi abi wan gebied gi wisrefi? (4) Fa wi abi wini foe a seti di de foe gi kotoigi leki groepoe? Fa wi kan meki plan gi wi kotoigiwroko foe de seiker taki wi e gebroiki a ten foe wi so boen leki wi man?
Singi 100 nanga lasti begi.
Wiki di e bigin 29 december
Singi 81
8 min: Wan toe sani foe a gemeente. Memre ala sma foe gi a velddienst raport foe den. Efoe joe gemeente sa kenki den ten foe den konmakandra ini a njoen jari, dan gi deki-ati na wan switi fasi foe meki ala sma tan fisiti den konmakandra doronomo nanga a gemeente na tapoe a njoen ten.
12 min: Loekoe a pristeri gi januari. Sori den moro owroe boekoe di a gemeente abi ete, noso a boekoe De bijbel—Gods woord of dat van mensen? èn kari wan toe moi penti di wi kan taki foe den èn di sa jepi wi te wi e sreka den pristeri foe wi. Hori wan demonstrâsi toe. Wi moesoe go doro foe doe moeiti foe bigin studie na ini a San Gado e aksi-brochure noso na ini a Sabi-boekoe.
25 min: Sreka foe fisiti a distriktkongres foe 1998. A sekretarsi sa abi wan aksi-nanga-piki takimakandra foe a bodoi di abi foe doe nanga a kongres, na ini na inlegvel foe Wi Kownoekondre Dienst foe januari 1998. Leisi a fosi èn a lasti paragraaf foe a Lijst met aanbevolen hotelaccomodaties. Soleki fa a skrifi na ini na artikel, poti krakti na tapoe den bijbel gronprakseri foe a waka di wi moesoe waka na baka a tiri foe a genootschap na ini a tori foe tanpresi. Prèise den brada gi a wroko di den e wroko makandra nanga den sani di a genootschap seti.
Singi 96 nanga lasti begi.