Wan toe sani

◼ Poeblikâsi di wi sa pristeri na ini januari: Iniwan boekoe di abi 192 bladzijde èn di kon na doro bifo 1985, èn di a gemeente abi ete. Den gemeente di no abi den sortoe boekoe disi, kan pristeri a boekoe De bijbel — Gods woord of dat van mensen? (Bijbel — A Wortoe foe Gado noso di foe libisma?) Februari: Leven — Hoe is het ontstaan? Door evolutie of door schepping? (Libi — Fa a doe kon? Nanga jepi foe evolutie noso foe di Gado meki sani?) noso De Openbaring — Haar grootse climax is nabij! (Na Openbaring — En moro bigi heimarki de krosibei!) Maart: Sabi di e tjari joe go na têgo libi. Hori na prakseri taki joe moesoe bigin oso-bijbelstudie. April: Aparti eksemplaar foe A Waktitoren nanga Ontwaakt!

◼ Ala dopoe preikiman di de na tapoe a Diniwroko-konmakandra na ini a wiki foe 5 januari sa kisi a Vooraf opgestelde medische richtlijn/ontheffingskaart (broedoekarta) èn na Identiteit-karta gi den pikin foe den.

◼ Bigin na ini februari, èn no moro lati leki 1 maart, a njoen poeblikitaki gi den kring-opziener sa de „Joe e si a libi leki fa Gado e si en?”

◼ Den gemeente moesoe sreka sani di fiti gi a Memrefesa, di sa hori a jari disi tapoe satra 11 april, baka te son dongo. Ala di a lezing kan bigin moro froekoe, oenoe no moesoe bigin waka nanga den simbôl bifo son dongo. Aksi na den presi na ini joe kontren foe sabi o lati son e dongo drape. Ala di a de wan boen sani taki ibri gemeente e hori en eigi Memrefesa, disi no kan ala ten. Pe wan toe gemeente gwenti foe gebroiki a srefi Kownoekondre zaal, kande wán noso moro gemeente kan gebroiki wan tra presi tapoe a neti dati. A Memrefesa no moesoe bigin so lati taki njoen sma di abi belangstelling e feni en moeilek foe de drape. Moro fara, a programa no moesoe lai nanga someni sani so taki ten no de bifo noso baka a fesa foe taki den fisitiman odi, foe sreka sani foe tan gi son sma jepi na jejefasi, noso foe njan boen foe a gi di wi e gi makandra deki-ati. Baka te den owroeman loekoe ala den sani finifini, dan den moesoe bosroiti san na den moro boen sani di moesoe sreka foe jepi den wan di e fisiti a Memrefesa moro boen, so taki den sma disi kan kisi winimarki dorodoro.

◼ A spesroetoe poeblikitaki na ini a ten foe a Memrefesa foe 1998 sa hori tapoe sonde 29 maart. Den gemeente sa kisi wan schema. Den gemeente di abi fisiti foe a kring-opziener, noso di abi wan kringkonmakandra, noso wan spesroetoe deikonmakandra na a kaba foe a wiki dati, sa abi a spesroetoe taki a tra wiki. No wan gemeente moesoe hori a spesroetoe taki fosi 29 maart 1998.

◼ Na tapoe a gemeente boekoestudie wi sa studeri a brochure San Gado e aksi foe wi? èn baka dati a boekoe Sabi di e tjari joe go na têgo libi.

◼ Njoen cassette di de foe kisi:

The Secret of Family Happiness (5 cassette de ini na album) — Ingrisitongo

◼ Njoen videocassette di de foe kisi:

Jehovah’s Witnesses Stand Firm Against Nazi Assault — Potogisi

◼ Njoen compact disk di de foe kisi:

Kingdom Melodies nr. 7