Diniwroko-konmakandra foe juni
Wiki di e bigin 1 juni
Singi 57
8 min: Wan toe sani foe a gemeente. Wan toe sani di teki poeroe foe Wi Kownoekondre Dienst. Theokrasia njoensoe.
15 min: „ De srekasreka dorodoro gi ibri boen wroko”. Aksi nanga piki. Gi sjatoe komentaar tapoe a Wachttoren foe 15 februari 1989, bladzijde 22-24.
22 min: „Gi kotoigi na ’ala sortoe sma’”. Wan owroeman e tjari kon na krin taki ala di a pristeri gi juni abi spesroetoe sortoe boekoe di abi 192 bladzijde, tokoe awansi pe a fiti foe pristeri a Moro bigi man di oiti ben libi noso a De mens op zoek naar God-boekoe, wi kan doe disi. Na owroeman nanga wan toe preikiman di abi ondrofeni e taki foe den pristeri di gi leki rai. Taki sjatoe foe den relisi di wi e feni na ini a gebied foe wi, èn tjari kon na krin foe san ede wi moesoe hori wan sani na prakseri foe bigin wan takimakandra ini ibriwan foe den kefal dati. Demo wán noso toe sjatoe pristeri.
Singi 47 nanga lasti begi.
Wiki di e bigin 8 juni
Singi 92
10 min: Wan toe sani foe a gemeente. Raport foe moni afersi.
15 min: „Sorgoe gi den goedoe foe a masra.” Wan lezing di wan owroeman e hori, ala di a e taki foe a bodoi ini na inlegvel.
20 min: „Wi alamala de fanowdoe foe kaba a wroko”. Aksi nanga piki. Tjari kon na krin foe san ede den owroeman e bow tapoe foeroe friwani sma foe doe den sani di de fanowdoe. Kari wan toe sani baka, di a gemeente abi fanowdoe, soleki a krin foe Kownoekondre zaal nanga a sorgoe gi a zaal, foe jepi sikiwan nanga owroe sma, èn foe wroko a gebied foe wi. Gi den owroeman wan kari foe gi komentaar na tapoe a fasi fa den e warderi a friwani jepi foe den foeroe preikiman. Poti krakti na tapoe fa a moeiti foe ibriwan sma de fanowdoe.
Singi 38 nanga lasti begi.
Wiki di e bigin 15 juni
Singi 83
10 min: Wan toe sani foe a gemeente.
20 min: „Spant u krachtig in” (Span oensrefi boen tranga). Lezing di abi en gron tapoe a Wachttoren foe 15 januari 1986, bladzijde 10-14. Taki o prenspari a gewoon pionierwroko de, èn gi brada noso sisa deki-ati foe bigin nanga a pionierwroko bigin foe 1 september.
15 min: „Gi kotoigi nanga jepi foe a boen fasi fa joe e tjari joesrefi”. Aksi nanga piki. Taki nanga wan toe jongoe sma di de wan boen eksempre. Den e froeteri fa a kresten fasi fa den jongoewan ben tjari densrefi ben abi wan boen krakti na tapoe trawan. Froeteri wan noso toe ondrofenitori foe a Wachttoren foe 1 januari 1995, bladzijde 24, 25.
Singi 80 nanga lasti begi.
Wiki di e bigin 22 juni
Singi 47
10 min: Wan toe sani foe a gemeente. Taki o ten den brada ben kaba loekoe a moni afersi foe a gemeente.
15 min: Fa foe bigin wan tijdschrift route. Sori den sani di de fanowdoe: skrifi ala den presi pe joe ben libi tijdschrift na baka, go baka fosi toe wiki pasa, pristeri den njoen idea foe den lasti tijdschrift foe tan hori a belangstelling foe den sma. Den tijdschrift route disi kan abi na ini toe den birtisma, kompe wrokoman, sma di e wroko na ini wenkri, sma di e jepi na den service station, èn so moro fara. Pristeri wan abonnement gi siksi moen na den wan di sori nofo belangstelling. Gi wán noso toe preikiman a kari foe froeteri wan ondrofenitori di e bow sma, foe tijdschrift route.
20 min: Pionier jepi tra preikiman. Wan lezing di a dienst-opziener e hori, pe a e sori den sani baka di seti so taki den pionier srefi kan jepi trawan. Tjari kon na krin fa programa foe jepi trawan ben bigin na ini a ten di pasa (jv 100; kmE 7/79 1, 3). Den moro leki wan miljoen sma di ben teki dopoe na ini den dri jari di pasa, abi leri fanowdoe. Den „Pionier e jepi trawan” programa e meki gebroiki foe na ondrofeni nanga a leri foe den gewoon pionier nanga den spesroetoe pionier di ben fisiti a Pionier Diniwroko Skoro. A marki na foe meki ibri pionier jepi toe preikiman na ini wán jari foe kon moro bekwaam na ini a diniwroko èn foe proeberi foe abi wan moro bigi prati na ini a diniwroko. Den wan di e kisi jepi no abi foe frede; krakti e poti tapoe gi deki-ati na wan lobi èn switi fasi. A njoen programa disi e meki a kan taki hondrohondro doesoendoesoen preikiman kan tron moro boen bedinari.
Singi 91 nanga lasti begi.
Wiki di e bigin 29 juni
Singi 49
10 min: Wan toe sani foe meki bekènti. Memre ala preikiman foe gi a velddienst raport foe juni. Taki foe den poeblikâsi di o pristeri na ini juli.
15 min: Wan toe sani di a gemeente abi fanowdoe noso Mi no e doe en so esi moro? Lezing di wan owroeman e hori èn di abi en gron tapoe a Wachttoren foe 15 december 1987, bladzijde 18, 19, paragraaf 14-16. Gi ala den wan di e doe diniwroko foeroe jari kaba, a deki-ati foe go prakseri o boen a santa diniwroko foe den de èn ofoeroe den e doe.
20 min: Wi alamala kan gi okasi preiki. Lezing èn takimakandra nanga den arkiman, di komoto foe De Wachttoren foe 15 oktober 1987, bladzijde 22-27. Sori fa den wan di a ten foe den foeroe nanga grontapoe, osofamiri, noso nanga persoonlijk frantiwortoe, kan feni foeroe okasi foe prati a boen njoensoe nanga trawan ibri dei. Teki so srefi wan toe ondrofenitori foe a gemeente.
Singi 34 nanga lasti begi.