Diniwroko-konmakandra foe juli
WAN SANI FOE MEMRE: Wi Kownoekondre Dienst sa poti wan schema gi a diniwroko-konmakandra foe ibri wiki na ini den fakansi moen. Den gemeente kan tjari kenki kon na ini den schema di de fanowdoe foe man fisiti a „Gado pasi foe libi” kongres èn baka dati so srefi gi wan 30 miniti sjatoe loekoe baka foe den heimarki foe a programa tapoe a diniwroko-konmakandra foe a wiki baka dati. Dri bekwaam brada moesoe kisi a toewijzing foe sreka sjatoe loekoe baka foe ibri dei foe a kongres programa bifo a kongres e bigin, èn den moesoe poti prakseri na tapoe den toemoesi moi prenspari edepenti foe ibri dei. A sjatoe loekoe baka disi di sreka boen sa jepi a gemeente foe memre edepenti foe gebroiki na ini den eigi libi, èn foe gebroiki na ini a velddienst. Komentaar foe den arkiman nanga ondrofenitori di abi foe doe nanga a kongres moesoe de sjatoe èn moesoe fiti.
Wiki di e bigin 6 juli
Singi 88
10 min: Wan toe sani foe a gemeente. Wan toe sani di teki poeroe foe Wi Kownoekondre Dienst. Gi kommentaar tapoe na april dienstbericht foe a gemeente. Theokrasia njoensoe.
15 min: „A boen srefisrefi foe de ala ten na den konmakandra!” Aksi nanga piki. Taki so srefi foe na Ontwaakt! foe 8 juni 1988, bladzijde 19-21, foe gi jongoesma deki-ati foe fisiti den konmakandra doronomo.
20 min: „Den sma na wi sei moesoe jere a boen njoensoe”. Seti taki toe noso dri bekwaam preikiman e go loekoe den rai baka foe pristeri wan toe foe den brochure di a gemeente abi na ini a boekoekasi. Froeklari foe san ede den kan abi boen bakapisi ini a gebied foe a gemeente. Poti krakti tapoe a marki foe bigin bijbelstudie na ini a San Gado e aksi-brochure noso a Sabi-boekoe. Demo wan fosi fisiti èn baka dati wan gobaka èn a pristeri foe wan studie.
Singi 45 nanga lasti begi.
Wiki di e bigin 13 juli
Singi 95
10 min: Wan toe sani foe a gemeente. Raport foe moni afersi. Gi ala sma deki-ati foe poti serjoesoe prakseri foe gi den nen leki jepi-pionier gi a moen augustus di sa abi feifi satra nanga feifi sonde.
15 min: „San na den plan foe joe gi a fakansi?” Toe noso dri preikiman e taki makandra nanga wan owroeman san na den plan foe den gi a fakansi di e kon. Den e loekoe baka den sani di seti foe fisiti a kongres, foe doe moro na ini a velddienst, foe hori fakansi, èn foe fisiti mati nanga famiriman. Den alamala e agri taki den no sa libi den persoonlijk studie, den konmakandra, noso a velddienst, èn den e tjari kon na krin fa den wani hori wan boen theokrasia schema.
20 min: A jeje foe grontapoe e pori joe? Lezing di wan owroeman e hori di gron tapoe A Waktitoren foe 1 oktober 1997, bladzijde 25-29.
Singi 16 nanga lasti begi.
Wiki di e bigin 20 juli
Singi 51
8 min: Wan toe sani foe a gemeente. Loekoe sjatoe a boksoe nanga a nen „Toe doesoen!”
12 min: „Wan fisiti di kan de wan blesi”. Takimakandra na mindri toe owroeman. Froeklari den marki foe a herderwroko so leki fa den e taki sjatoe foe den na ini De Wachttoren foe 15 september 1993, bladzijde 20-23. Gi gemeente wan waran deki-ati foe den loekoe go na fesi foe kisi fisiti foe den owroeman.
25 min: „Pionierwroko — Na wan sani gi joe?” (Paragraaf 1-14) Dienstopziener e taki wan toe sani sjatoe na ini a bigin èn e gi ala sma deki-ati foe prakseri serjoesoe foe pionier doronomo. Baka dati a e taki foe aksi 1, so srefi komentaar na tapoe „Faja pionier jeje” na ini a Jaarboek 1998, bladzijde 104. Toe noso dri memre foe a gemeente di abi ondrofeni ini a pionierwroko e go na a dienstopziener na tapoe a podium èn den e taki makandra foe aksi 2. Den e taki foe wan praktis fasi foe si sani troetroe, fa joe kan seti sani na moni sei leki wan pionier. Dan toe papa nanga mama e go moksi densrefi nanga a groepoe foe taki foe aksi 3. Den e gi positief reide foe san ede jongoewan moesoe prakseri serjoesoe foe wan libiwroko ini a foeroeten diniwroko. Gi deki-ati na ala sma foe fisiti a diniwroko-konmakandra foe a tra wiki, te den sa taki foe den aksi di tan abra.
Singi 14 nanga lasti begi.
Wiki di e bigin 27 juli
Singi 66
15 min: Wan toe sani foe a gemeente. Memre ala sma foe gi a velddienstrapport foe den foe juli. Meki bekènti san sreka gi a fosi kaba foe a wiki na ini augustus èn gi ala sma deki-ati foe abi wan prati na ini. Taki sjatoe foe a „Njoen kring-konmakandra programa”.
30 min: „Pionierwroko — Na wan sani gi joe?” (Paragraaf 15-25) Lezing nanga takimakandra di wan owroeman e hori. Seti sani bifo a ten doro foe meki den pionier nanga den wan di ben pionier na ini a ten di pasa abi wan prati nanga den heri ati na a gi foe piki tapoe aksi 4-5. Den e sori taki a de fanowdoe foe abi wan boen schema èn foe hori joesrefi na en, ala di den e gi eksempre foe praktis schema foe doe diniwroko ibri wiki èn di boen troetroe. Na owroeman e tapoe nanga wan lezing di e boeweigi sma èn di e gi a piki tapoe aksi 6. A bigin foe a dienstjari, 1 september, na wan heri moi ten foe njoen pionier kan bigin a foeroeten diniwroko foe den. Formulier foe joe kan gi joe nen, joe kan kisi foe iniwan memre foe a dienstkomte foe a gemeente.
Singi 79 nanga lasti begi.