Diniwroko-konmakandra foe augustus

WAN SANI FOE MEMRE: Wi Kownoekondre Dienst sa poti wan schema gi a diniwroko-konmakandra foe ibri wiki na ini den fakansi moen. Den gemeente kan tjari kenki kon na ini den schema di de fanowdoe foe man fisiti a „Gado pasi foe libi”-kongres èn baka dati so srefi gi wan 30 miniti sjatoe loekoe baka foe den heimarki foe a programa tapoe a diniwroko-konmakandra foe a wiki baka dati. Dri bekwaam brada moesoe kisi a toewijzing foe sreka sjatoe loekoe baka foe ibri dei foe a kongres programa bifo a kongres e bigin, èn den moesoe poti prakseri na tapoe den toemoesi moi prenspari edepenti foe ibri dei. A sjatoe loekoe baka disi di sreka boen sa jepi a gemeente foe memre edepenti foe gebroiki na ini den eigi libi, èn foe gebroiki na ini a velddienst. Komentaar foe den arkiman nanga ondrofenitori di abi foe doe nanga a kongres moesoe de sjatoe èn moesoe fiti.

Wiki di e bigin 3 augustus

Singi 88

10 min: Wan toe sani foe a gemeente. Wan toe sani di teki poeroe foe Wi Kownoekondre Dienst. Gi komentaar tapoe na april dienstbericht foe a heri kondre èn di foe mei foe a gemeente.

15 min: „Augustus sa de wan toemoesi boen moen?” Aksi nanga piki. Gi ibriwan sma deki-ati foe abi wan prati na a diniwroko a heri moen augustus nanga ibri moen foe a njoen dienstjari.

20 min: „Gebroiki brochure foe wroko tapoe a jeje nanga na ati”. Takimakandra nanga a poebliki. Taki sjatoe baka foe den brochure di ben tjari kon na doro na ini den jari di pasa foe gi den sma bodoi foe prenspari afersi foe bijbel. (Loekoe Index van Wachttoren-publikaties 1986-1995, bladzijde 652-653.) Poti krakti tapoe den brochure di wi e pristeri now èn loekoe soema ben sa kan abi belangstelling foe kisi ibriwan foe den. Demo wan noso toe pristeri.

Singi 85 nanga lasti begi.

Wiki di e bigin 10 augustus

Singi 51

10 min: Wan toe sani foe a gemeente. Raport foe moni afersi. Taki foe a marki foe ala preikiman di abi wan prati na a preikiwroko na ini augustus.

15 min: Sani di a gemeente abi fanowdoe.

20 min: „Jongoewan — Meki boen gebroiki foe a go di joe e go na skoro”. Aksi nanga piki. Gebroiki komentaar toe di fiti foe na Ontwaakt! foe 8 april 1992, bladzijde 17-19, èn De Wachttoren foe 15 juli 1991, bladzijde 23-26.

Singi 16 nanga lasti begi.

Wiki di e bigin 17 augustus

Singi 71

10 min: Wan toe sani foe a gemeente. Aksi sjatoe komentaar foe a fasi fa foe kisi a nen nanga adres foe wan sma di den ben e gi kotoigi na strati, ini wan park noso na wan tra presi so taki wi kan sorgoe a belangstelling foe en go doro.

35 min: „Wan progressief fasi foe hori a tranga fanowdoe wroko foe meki disipel na prakseri”. Aksi nanga piki. Leisi den paragraaf 5, 10 nanga 11. Hori wan overzicht foe a fasi fa a bijbelstudie wroko e gro ini a gemeente. Gi ala sma di e hori bijbelstudie deki-ati foe leisi na inlegvel foe Wi Kownoekondre Dienst foe juni 1996 baka, so taki den kan meki a bekwaamfasi foe den foe gi leri go na fesi. Poti prakseri tapoe den paragraaf 5 nanga 25 foe na inlegvel.

Singi 21 nanga lasti begi.

Wiki di e bigin 24 augustus

Singi 95

12 min: Wan toe sani foe a gemeente. Poti prakseri tapoe a boksoe di nen „Toe doesoen!” na ini a Wi Kownoekondre Dienst foe juli 1998. Di wan lasti satra nanga sonde libi abra ete na ini augustus, dan a boen foe gi ibriwan sma deki-ati foe abi wan prati na ini a diniwroko bifo a moen kaba. Hori wan overzicht foe „Njoen programa foe spesroetoe dei-konmakandra”.

18 min: Fa foe horidoro ini a pionier diniwroko. Wan lezing di abi en gron tapoe De Wachttoren foe 15 september 1993, bladzijde 28-31. Hori wan aksi-nanga-piki takimakandra nanga wan pionier di leri foe loesoe serjoesoe problema èn di tan pionier go doro

15 min: Gebroiki Wi Kownoekondre Dienst heri boen. Takimakandra nanga a poebliki. Ala di eksempre e gebroiki foe a ten disi, sori bodoi di de foe feni na a joisti ten na den bladzijde foe Wi Kownoekondre Dienst èn den wini di wi e kisi foe den: (1) artikel di e boeweigi wi teki prati ala ten na ini a diniwroko; (2) ondrofenitori di e gi wi deki-ati ini a santa diniwroko foe wi; (3) rai di e jepi wi foe pristeri a boen njoensoe na wan fasi di e wroko boen; (4) wan toe sani foe njoen poeblikâsi di de foe kisi di de heri boen gi a gebied foe a gemeente; (5) diniwroko raport, di e sori a gro foe a Kownoekondre aktiviteit; (6) Theokrasia njoensoe nanga schema di e gi tori foe a go na fesi foe a wroko na heri grontapoe; (7) wan toe sani nanga schema di e meki wi kon sabi heri boen san nanga san o pasa; (8) Aksi boksoe di e piki tapoe afersi di e gi serjoesoe broko-ede; èn (9) inlegvel di e froeteri wi foe kongres, foe spesroetoe preikiwroko di o doe èn tra afersi di e meki wi tan poti prakseri tapoe den jeje nowtoe foe wi. Gi ala sma deki-ati foe leisi ibri nomroe foe Wi Kownoekondre Dienst, meki gebroiki foe den rai di e gi, tjari en kon na a diniwroko-konmakandra èn na den velddienst konmakandra èn kibri den na ini a boekoekasi foe joe foe abi bodoi te den e sori go na dati na ini a ten di e kon.

Singi 9 nanga lasti begi.

Wiki di e bigin 31 augustus

Singi 95

12 min: Wan toe sani foe a gemeente. Memre ala sma foe gi den velddienstrapport foe den foe augustus. Gemeente boekoestudie leider moesoe loekoe efoe ibriwan foe a groepoe foe den gi den raport so taki den kan teri ala den raport na den pisi ten foe 6 september. Poti prakseri tapoe boekoe pristeri foe september. Gi wan sjatoe demonstrâsi di e meki na aksi opo kon: „Foe san ede wi moesoe gebroiki a nen foe Gado?” Gebroiki a Sabi-boekoe, kapitel 3, paragraaf 6 foe piki na aksi.

15 min: „Opziener e teki fesi — A fesiman opziener”. Wan lezing di a fesiman opziener e hori. Baka di a taki sjatoe foe den wroko di a e doe, dan a e taki foe a warderi di a e warderi a gemeente èn a fasi fa den e wroko makandra nanga den owroeman te den e wei na ipi.

18 min: Jepi oen pikin foe kan kakafoetoe gi den problema na skoro. Wan owroeman abi wan takimakandra nanga toe noso dri papa nanga mama di abi pikin di e go na skoro. Taki sjatoe foe wan toe foe den problema di den pikin gwenti miti moro foeroe, so leki fa den e tjari dati kon na fesi na ini na Ontwaakt! foe 8 augustus 1994, bladzijde 5-7. Dan taki foe a fasi fa papa nanga mama kan kibri den pikin foe den te joe e sori go na bladzijde 8-10 èn fa den nanga den skoromeester noso skoromisi kan tan froestan makandra boen.

Singi 18 nanga lasti begi.