Opziener e teki fesi — A fesiman opziener
1 Foe dini leki wan opziener ini a gemeente na wan serjoesoe frantiwortoe (Tori. 20:28; 1 Tim. 3:1). Disi na a fosi wan foe wan groepoe artikel di sa taki foe den difrenti wroko foe kresten owroeman, so taki wi alamala kan froestan a prenspari wroko di den e doe gi a boen foe wi.
2 A Genootschap e poti a fesiman opziener na wroko foe dini foe wan ten di no skotoe. Te a fesiman opziener e orga den afersi, dan disi e jepi den owroeman foe poti boen prakseri tapoe den plekti di den kisi. (Bediening-boekoe, bladzijde 42) (Diniwroko-boekoe) San disi wani taki?
3 A fesiman opziener e kisi a post foe a gemeente èn wantewante a e gi en na a sekretarsi foe wroko den. Te a e sreka den konmakandra foe den owroeman, dan a fesiman opziener e kisi rai foe den owroeman foe afersi di de fanowdoe foe taki foe den èn dan a e meki na agenda. A e doe wroko toe leki fesiman na den konmakandra foe den owroeman. Te den e teki bosroiti, dan a e sorgoe taki den bosroiti e doe na wan joisti fasi. A e loekoe taki a diniwroko-konmakandra sreka èn taki a schema gi den poeblikitaki e meki. Na en moesoe feni ala den sani di o meki bekènti ini a gemeente boen, èn en e teken gi ala sani di a gemeente moesoe pai èn en e loekoe taki ibri dri moen wan sma e loekoe den moni afersi foe a gemeente.
4 Leki opziener di de a fesiman a e orga a wroko foe a dienstkomte foe a gemeente. Te wan bijbelstudenti e aksi foe den kan teki en leki wan preikiman di no dopoe noso te wan preikiman di no dopoe wani teki dopoe, dan a fesiman opziener e seti sani foe owroeman kon makandra nanga en. A fesiman opziener e teki fesi toe foe sreka sani na fesi gi a fisiti foe a kringopziener so taki a gemeente kan kisi wini srefisrefi foe a heri spesroetoe wiki foe wroko.
5 Den wroko foe a fesiman opziener foeroe èn den de difrenti sortoe. Te a e sorgoe gi den frantiwortoe foe en na wan saka fasi èn „na wan troetroe serjoesoe fasi”, dan wi alamala kan doe san wi moesoe doe foe wi sei foe di wi e wroko makandra nanga den owroeman (Rom. 12:8). Efoe wi e „gi jesi” èn e „saka wisrefi” na ondro den wan di e teki fesi na wi mindri, dan den kan doe a wroko foe den nanga wan moro dipi firi foe troetroe prisiri. — Hebr. 13:17.