Reizende opziener de nownow leki wan blesi
1, 2. (a) Sortoe gevaar e bedreig wi now? (b) Fa wi kan sreka wi srefi foe kakafoetoe gi Didibri? (c) Sortoe toemsi moi seti Jehovah ben seti foe „tranga den gemeente”?
WI E libi ini „moeiliki ten”, na laatste pisi foe den „laatste dé” di ben taki na fesi. Bijbelondrosoekoeman sabi disi (2 Tim. 3:1). Tog a de so, dati biten warskow kan jepi wi nofotron foe poti na wan sé ibri mi-no-ke-fasi ini wi ati tapoe na tori foe den gevaar di e bedreig wi. Wan féjanti grontapoe nanga na tirman foe hen di no de foe si e tan poti moro nanga moro druk foe swaki na bribi èn foe kori èn meki wi go ini pori (Joh. 14:30; Openb. 12:9, 12). Ja troe troe, „na heri grontapoe didon ini na makti foe na ogriwan” (1 Joh. 5:19). Ini hen atibron a de meki na feti foe hen kon moro bigi nanga den wan di de hori den komando foe Gado (Openb. 12:17). Nanga korifasi a de proberi foe hari Gado pipel poeroe foe na libi pasi go na wan soso grontapoe fasi foe libi en na so fasi a de koti den poeroe foe na „herder nanga opziener foe den sili”, Jehovah Gado. Didibri de nanga na prakseri foe swari wan soema. — Hebr. 3:12; 1 Petr. 1:18, 19; 2:25; 5:8.
2 Foe wi no fadon go ini so wan ogri en sari bakapisi meki wi abi ibri seti fanowdoe, di Jehovah ben seti foe hori wi tranga ini jeje fasi. Tapoe na fasi disi wi kan kakafoetoe gi Didibri en go doro foe doe santa diniwroko soso gi Jehovah (Matt. 4:8-11; Jak. 4:7). Wan foe den seti di tjari foeroe boen gi Gado dienstknegti, de na seti dati reizende opzlener e dini den en „e loekoe fa a de go nanga den”. Den sortoe fisiti disi e jepi „den gemeente foe kon tranga na so wan fasi” dati den kan kakafoetoe gi na féjanti, en dati den kan kisi tranga foe doe moro wroko ini na dini foe Jehovah Godo. — Tori foe den Apostel 15:36, 41; 1 Petr. 5:9; 1 Kor. 16:9.
3. Fa reizende opziener moe si na ipi, en sortoe moeiti den moe doe foe na boen foe den?
3 Na ernst nanga na prensparifasi foe na wroko foe den reizende opziener disi wi no moe si hen leki wan soso sani. Wi moe teki na gronprakseri di tanapoe ini Spreuken 27:23, pe wi e lési: „Joe moe sabi troe troe fa den pikin meti foe joe tan. Poti joe ati tapoe joe ipi.” Den reizende opziener disi moe loekoe boen fa na jeje kondisi foe na ipi de, foe kan kibri den foe gevaar. Den moe proberi ooktoe foe sorgoe foe san ibri aparti „skapoe” abi fanowdoe foe sori belangstelling gi den (Loekoe 1 Samuël 17:34, 35; Filipi 2:4). Foe di a de na dipi winsi foe den foe de wan wini gi den brada foe den, den sa doe ibri opregti moeiti foe leri den en gi den dekati ini na evangeliewroko (1 Tim. 5:17; 2 Tim. 4:5). Soboen, te den sa span densrefi na a fasi disi, den sa de leki Epafras, di ben „doe foeroe moeiti” gi na boen foe na gemeente. — Kol 4:12, 13.
4. San wi kan doe wisrefi foe njan boen foe den fisiti di den owroe man disi e tjari?
4 Te wi sa njan boen dorodoro foe den fisiti disi, dan ibriwan foe wi kan njan foeroe boen foe na rai, na dekati nanga na jepi foe den owroe man disi. Ma den blesi disi wi kan kisi nomo, te wi wrokomakandra èn span wisrefi faja faja.
SREKA JOESREFI NA FESI DE FANOWDOE
5. Sortoe sreka na fesi abi foeroe krakti tapoe na waka boen foe na fisiti foe na reizende opziener? (1 Kor. 14:40).
5 Te wan reizende opziener e fisiti wan gemeente, den difrenti activiteit de tapoe na programma. Efoe na fisiti sa waka boen e doe kon moro foeroe foe na sreka di na gemeente sreka hensrefi biten na fesi. Den ten nanga den presi foe komoto go préki moe poti en gebied foe wroko nanga groepoe moe poti aparti. Ooktoe den gemeentebericht ala sani moe skrifi boen poti na tapoe en den moe de klari foe a kan loekoe den. Prékiman sa kisi troe troe foeroe boen te den seti sani foe teki prati na a prékiwroko. Son wan foe den kan dini kande leki jepipionier. Wan toe owroeman nanga dinari ini na diniwroko kan seti den afersi kande so, dati na a mindri foe na wiki den kan teki prati na a groepoe-activiteit. Den owroeman kan poti prakseri boen tapoe den agendapunt foe na owroeman-konmakandra ini na wiki dati. Te den sani di ben seti gi na wiki dati, e meki enthousiast bekenti, dan disi kan meki activiteit nanga wan demakandra kon, di e gi tranga ini na heri pisi ten dati.
6. Sortoe gastvrijheid nanga consideratie wi kan sori?
6 Reizende opziener nanga den wefi foe den sa warderi na gastvrijheid di na gemeente e gi den (Hebr. 13:1, 2). Den moe leri foe fiti densrefi na den omstandigheden di e kenki ini na wroko foe den. Joe abi sani di e tapoe den, leki fa a de nanga son wan foe wi di moe feti nanga problema foe na gosontoe foe wi, en den abi nofo rostoe fanowdoe ibri dé foe kan hori na tempo foe den doro. Foe datede joisti prakseri moe poti na fesi na den sortoe afersi disi. Den reizende opziener nanga den wefi foe den no moe verwakti noti pasa marki. Sàn a kan de toe di seti tapoe na tori foe bescheidenheid, boen oso nanga gosontoe njanjan, den moe teki nanga opregti warderi. — Rom. 12:13.
7. Fa a gemeente kan njan moro foeroe boen foe na fisiti?
7 O fara den owroeman nanga tra memre foe gemeente e sreka densrefi tapoe joisti fasi tapoe na fisiti èn meki enthousiasme gro, na so fara ibri soema sa njan boen foe dati. Efoe den sreka sani na fesi no ben de nofo, ofoe a ben skoifi poti na a laatste momenti, dan a no den moro boen winimarki sa kon.
FASI FA JOESREFI KAN KISI WINI
8. Fa wisrefi kan njan boen foe den lezing di e hori? (Spr. 19:20; 20:18)
8 Te na fisiti bigin, dan bepaalde sani de di ibri wan soema kan doe foe kisi na moro boen wini foe dati. Den lezing foe den reizende opziener e go foe afersi foe aanbegi, wan kristenfasi foe waka nanga libi, nanga doeltreffend fasi foe préki na „boen njoensoe” èn leri soema. Den wan di ben teki na dekati nanga vermane foe bijbel na ati, nofotron ben kisi jepi foe teki bosroiti en tjari kenki kon ini den libi, di ben meki den go na fesi (1 Tim. 4:15). Foedi wi verstan disi, meki wi sa teki prati dorodoro na ibri konmakandra, en teki ini wi, rai, di abi foe doe nanga wi libi. — Hebr. 10:23-25.
9. Foe sainde wi no moe drai drai foe go na den reizende opziener, en san wi kan taki nanga den?
9 Na fasi di wi abi nanga na reizende opziener kan jepi wi ooktoe foe njan boen te a de drape. Foe na druk schema foe hen ede, meki son kande sa drai drai foe go na hen. Ma hen de foe gi jepi. Ala soema moe firi hensrefi fri foe sabi hen (2 Kor. 6:11-13). Wi kan taki nanga hen san wi ben leri tapoe konmakandra, so toe moi punt ini den boekoe, velddienst-ondrofenitori en aksi di e go foe na kon moro boen foe wi égi prékiwroko-activiteit. — Fil. 4:8, 9.
10. Tapoe sortoe fasi wi kan njan boen foe hen te wi go nanga na reizende opziener ini na velddienst?
10 Ooktoe wi no moe sjen ofoe hori wisrefi na bakabaka foe go nanga hen ini velddienst. Na wan enkri doel foe hen de joisti foe gi wi dakati en jepi wi, na presi foe feni fowtoe tapoe san wi e doe (Tori foe den Apostel 18:27, 28). Efoe a abi wan bepaalde rai, dan wi sa wani teki dati nanga ala prisiri. A no moe feni hen srefi toemsi prenspari, ma a moe prakseri, dati a moe de nanga trawan makandra tapoe wan switi en lobi fasi (1 Thess. 2:7, 8). Efoe son wan foe wi ini na ten di pasa ben drai drai foe njan boen dorodoro foe na fisiti foe hen, meki wi poti hen leki wan marki na tra tron di a de kon, foe doe wan sani na dati. Disi sa meki na prisiri foe hen soleki di foe wi kon moro bigi.
11. Sortoe winimarki den sisa e kisi te den abi demakandra nanga na wefi foe na reizende opziener en nanga den heri ati e wroko nanga hen?
11 A moro bigi pisi foe den reizende opziener trow en den wefi foe den e waka lontoe nanga den. Aladi hen de na soema di ernstig problema sa taki nanga hen, tog spesroetoe sisa ini na gemeente kan njan boen foe a demakandra nanga hen wefi en foe na eksempel foe hen ini na velddienst. A de wroko ondro na tiri foe hen man en nanga ala prisiri a sa teki den kari foe den sortoe sisa dati foe go nanga den ini difrenti pisi foe na diniwroko. A de alaten wan sani di de foe warderi te foeroe soema de tapoe den velddienstactiviteit ini den mamanten joeroe, en kan go doro ini bakadina joeroe, aladi den plaatselijke sisa kan sorgoe kande foe vervoer en kan teki prati ini na wroko. Na a fasi disi, sisa abi wan moi okasi foe meki na fisiti de doeltreffend.
12. San den wan kan doe di wani dini pe na nowtoe de moro bigi?
12 Joe abi belangstelling gi wan tra presi foe abi wan boen prati na a Kownoekondre-prékiwroko? Efoe den e wroko na gebied ini joe égi gemeente boen kaba, aksi na reizende opziener rai ini sortoe tra gebied den ben kan gebroiki na jepi foe joe moro boen (2 Kor. 10:15, 16). Ini ibri kondre tapoe na heri grontapoe, den wan di e loekoe na wroko, wani jepi joe nanga ala prisiri foe doe moro.
13. (a) Foe sainde en fa pionier ben kisi jepi, di den ben taki foe den égi problema nanga na reizende opziener? (b) Sortoe wortoe foe warderi son pionier ben taki foe hen fisiti? (c) Pionier ini na plaatselijke gemeente abi net so wan sani foe taki toe?
13 Moro foeroe kande na reizende opziener ben de foeroe jari wan pionierwrokoman ini na veld, sodati a sabi boen den problema di nofotron e proberi foe meki wan soema lasi ati. Tra pionier di e tan wan pisi ten nanga hen foe taki foe den égi problema nanga hen, wans den problema disi abi foe doe nanga economia moeilijkheid, gosontoe, osoverplekti nanga so moro fara, nanga disi e kisi wan njoen loekoe en e kisi jepi foe meki kon njoen na vaste bosroiti foe den foe go doro nanga na dienst disi (Fil. 4:11-15; 1 Thess. 3:7-10; Gal. 4:13; 1 Tim. 5:8). Toe pionier, di no langa pasa kaba ben kisi jepi foe wan reizende opziener ben skrifi:
„Wi ben warderi troe troe na fisiti foe hen na wi gemeente. A ben gi wi nanga na heri gemeente foeroe dekati. Nanga disi wi ben kisi tranga foe tan ini na pionierwroko, wans fa den problema foe wi ben de.”
Wan speciale pionier di foe siki ede, ben moe tan toe wiki langa ini bedi, ben taki:
„Mi ben firi brokoskin, foedi mi no ben abi so wan boen moen. Ma na kringopziener ben fisiti wi en a ben gi wi alamala foeroe tranga. Wi ben njan toemsi foeroe boen foe na fisiti foe hen en wi alamala (spesroetoe mi) e firi dati wi de klari foe doe moro foe meki na dienst foe wi gi Jehovah kon moro boen.”
Ja, pionier, en so a de nanga ala tra soema ini na gemeente, troe troe sa kisi boen foe na fisiti foe hen. — Fil. 3:16.
WINI GI DEN WAN DI DEN POTI INI FRANTWORTOE POSITIE
14, 15. (a) San e sori dati Paulus ben abi belangstelling gi owroeman en dinari ini na diniwroko? (b) Sortoe sani kan taki nanga na reizende opziener en fa owroeman kan gebroiki na ten di den de nanga hen tapoe wan verstan fasi?
14 Ini na fosi eeuw Paulus ben sori wan spesroetoe belangstelling gi owroeman nanga dinari ini na diniwroko (Fil. 1:1). Ini 1 Timoteus 3:1-10, 12, 13 nanga Titus 1:5-9 a ben verteri foe den marki di den ben moe miti en a ben gi den foeroe boen rai. Na so den reizende opziener ini disi ten de leki wini gi den frantwortoe brada ini na gemeente foe gi den specifieke rai nanga jepi.
15 Reizende owroeman ben gi boen suggestie nanga rai tapoe den konmakandra foe den nanga den owroeman. Na ondrofeni foe den ini na doe foe gemeente frantwortoe nanga na ondrofeni di den kisi nanga na dini foe gemeente someni tentitron, e jepi den foe gi praktisch opmerking nanga rai foe difrenti pisi foe na evangeliwroko nanga na meki foe discipel, na herderwroko en na kon moro boen foe den konmakandra. Ma efoe dem owroeman tapoe den konmakandra disi e gi den diri ten na sébere afersi, den e misi den winimarki foe takimakandra foe den prenspari afersi disi di abi krakti tapoe na gemeente. Den plaatselijke owroeman foe datede moe meki wan agenda di fiti na a fisiti di e kon, sodati na okasi e de foe behandel den sani di de toemsi prenspari gi na go na fesi nanga na jeje tanboen foe na gemeente. — Spr. 21:5; Fil. 1:9-11.
16. Fa en foe sainde dinari ini na diniwroko kan gebroiki okasi foe kisi jepi ini na ten foe hen fisiti?
16 Te wan soema de wan dinari ini na diniwroko, dan tapoe na wroko foe hen, ini wan gemeenteboekstudigroepoe, hen wroko foe hori bepaalde berichten bij ofoe tra wroko ini na Koninkrijkszaal, sani kan de di na reizende opziener kan jepi hen foe doe den. Na dinari ini na diniwroko moe gebroiki den okasi foe kisi jepi, foe kon na fesi (Luk. 16:10). Te a de betrouwbaar nanga progressief, a sa sori nanga dati dati a wani dini den brada en ini ten di e kon de warti foe kisi moro bigi grani. — 1 Kor. 4:1, 2.
17. Fa owroeman di e behandel ernstig problema, kan njan boen foe hen fisiti?
17 Owroeman sa kisi kande foeroe jepi toe nanga den rai nanga sani di na reizende opziener e taki foe na behandel foe ernstig problema (Spr. 13:10). Kande den ben abi moeilijkheid ini na behandeling foe afersi foe ogridoe ofoe wan afersi di no ben sreka krin krin. Na rai foe na fisitiman kan jepi den foe wegi soifri aangelegenheden, bifo den teki wan bosroiti. — Spr. 15:22.
18, 19. Sortoe problema wawan tron kan kon mindri owroeman, foedi den de onvolmaakti libisoema? (b) Fa na reizende opziener ini so wan geval kan gi jepi?
18 Na son okasi en dati de kon foe libisma onvolmaakti fasi, den owroeman ofoe dinari ini na diniwroko kan abi wan toe problema (Jak. 3:2). Kande tapoe lawlaw sani den ben feni fowtoe na makandra ofoe den no ben verstan makandra. Wan foe den owroeman kan misi foe hori wan kibri-tori foe hensrefi wawan en disi kan meki mandi kon en brokosaka a respeki foe hen nanga tra owroeman (Spr. 25:9). Kande hémemre poeroe wan soema ini hen balans, sodati a go si hensrefi prenspari en kon de onredelijk (Rom. 12:3). San moe doe efoe na wrokomakandra kon broeja nanga disi ofoe tra moeilijkheid en den plaatselijke brada no ben man foe loesoe na afersi?
19 Den owroeman moe verteri na reizende opziener san pasa en soekoe na jepi foe hen, sodati na harmoni ini na demakandra mindri den kon boen baka (Ef. 4:1-3). Kande a kan jepi den foe beredeneer den sani tapoe na gron foe Gado Wortoe (Spr. 20:3). Te den proberi tapoe so wan fasi foe loesoe esi en ini vréde afersi, den owroeman kan sori dati den abi warderi gi na seti disi foe taki ini Masra nanga wan fisitibrada sani en den kan gi pasi dati Gado Wortoe poti sani reti. — 2 Tim. 3:16.
20. San kan pasa te wan reizende opziener no ben handel tapoe wan boen fasi?
20 Na so toe den owroeman moe verstan dati den reizende opziener ooktoe de onvolmaakti. Wawan tron a kan gersi gi den plaatselijke owroeman dati a handri sondro foe loekoe sani boen, soleki na apostel Petrus no ben de sondro fowtoe (Gal. 2:11-14). Soleki ibri tra owroeman na fisiti-owroeman no moe prakseri noiti dati a hé moro rai. Efoe wan owroeman kon broeja ini san a ben taki nanga doe, dan a ben sa de switifasi foe den sé foe aksi hen foe disi. A kan de wan aboisi ofoe misték, en ini son wan geval sori begrip en tapoe na afersi nanga lobi (1 Petr. 4:8). Na a tra sé den kan tjari ooktoe wan boen rai kon na fesi di a sa moe gebroiki foe jepi hen brada tapoe wan moro boen fasi. Soleki David a ben sa wani si den rai foe den leki wan lobi boen fasi, di a „no ben sa wani wégri”.
RAIMAN INI NA LOEKOE FOE AANBEVELINGEN
21, 22. (a) Foe sainde a de wan ernstig frantwortoe foe taki dati wi wani poti owroeman nanga dinari ini na diniwroko? (b) Fa owroeman e njan boen te reizende opziener e loekoe makandra nanga den aanbevelingen en e doe wroko leki raiman?
21 Skin foe owroeman ben proberi foe doe den frantwortoe tapoe joisti fasi ini na poti foe njoen owroeman nanga dinari ini na diniwroko ofoe teki na bosroiti foe poeroe den di den ben poti kaba. A de wan ernstig afersi, foe loekoe ofoe wan man miti den marki di poti foe wan soema kan tjari gemeente frantwortoe. Disi e kisi krakti nanga den wortoe foe na apostel Paulus ini 1 Timoteus 5:22: „No poti noiti anoe tapoe wan soema esesi; no abi ooktoe prati ini na sondoe foe tra wan; kibri joe krinfasi.”
22 Na reizende opziener foe datede de tapoe ete wan fasi leki wini gi na gemeente, foedi a de go sidon nanga den plaatselijke skin foe owroeman foe loekoe aanbevelingen. A de troe troe fanowdoe dati ibri soema di den taki boen foe hen moe miti den marki foe na bijbel (1 Tim. 3:1-10, 12; Tit. 1:5-9; 1 Petr. 5:1-4). Ini na rol foe hen leki raiman na fisiti-opziener, kan jepi owroeman, di e loekoe den sortoe aksi disi, foe doe disi onbevooroordeeld. Nanga disi den owroeman e kisi na okasi foe njan boen foe hen rai nanga opmerkingen. Na so a kan aksi sani foe meki bepaalde sani kon krin ini hen geest. So wan takimakandra moe abi leki doel foe loekoe tapoe wan balans fasi ofoe aparti soema troe troe boen gi frantwortoe.
23. (a) Fa wi kan kisi moro boen foe den fisiti foe reizende opziener? (b) San na warderi foe wi gi den fisiti disi sa tjari kon?
23 Reizende opziener e span densrefi troe troe gi wi. Meki wi njan boen foe na dienst foe den. Meki wi opo wisrefi gi ibri rai di fiti, di den e gi foe jepi wi foe wini problema foe wisrefi ofoe hari moro krosibé na a bradafasi (1 Petr. 2:17). Den kan jepi wi troe troe foe hori vaste na a bosroiti foe wi foe kaka foetoe gi druk foe na sé foe disi grontapoe en foe tan weri dorodoro ala den jeje fetisani foe tanapoe vaste tegen na stré tegen didibri (Ef. 6:11-18). Ja, meki wi warderi den fisiti foe den reizende opziener leki ete wan seti foe jepi wi foe kweki na tesi fasi foe bribi, di de wan reden „foe prijse nanga glori nanga grani, di sa feni na a kon na krin foe Jezus Kristus”. — 1 Petr. 1:7.