Na fisiti foe na kringopziener — Wan seti foe go a fesi na jejefasi
1 „Djonsrode wi ben abi wan fisiti foe wi opziener di e waka lontoe di ben gi oen kowroe-ati . . . èn wi wani sote foe seni na tangi foe wi go na oenoe foe di oenoe ben gi oenoe sowan toemsi boen dienstknegti foe Jehovah na a gebied foe wi.” Na Genootschap e kisi nofotron den sortoe kommentaar disi pe warderi e kon a fesi gi den opziener di e waka lontoe. Fisiti foe owroeman di abi ondrofeni èn di e kon na a joisti ten e jepi wi foe go a fesi na jejefasi.
2 Ini na fosi jarhondro den owroeman di ben waka lontoe ben doe foeroe na ini na bow foe den gemeente. Den ben gi rai di ben de fanowdoe (1 Thess. 2:1, 10-12). Den ben tjari rai anga den di na tiriskin ben gi (Tori foe den Apostel 16:4, 5). Den ben ferteri ondrofenitori foe tra pisi foe na veld, di ben meki den si fa na boen njoensoe ben doro na tra sma (Tori foe den Apostel 14:27, 28). Fa den fisiti dati ben gi foeroe dekati!
3 Geregelde fisiti foe opziener di e waka lontoe na ini a ten disi ooktoe e gi tranga foe gro na jejefasi. Ma efoe wi wani njan boen someni leki a kan foe den sortoe fisiti dati dan wi moesoe abi na joisti jejefasi èn hori baka gi den activiteit di orga gi ibri fisiti. Fa dati kan doe?
JOISTI JEJEFASI ÈN SREKA A FESI
4 Ini a fosi presi wi ’tranga wi jeje foe doe wroko’ (1 Petrus 1:13). Foe doe dati wi moe si na fisiti tapoe na joisti fasi èn meki spesroetoe plan meki a prati foe wi na ini na diniwroko foe wi kon moro bigi. Joe kan de wan jepipionier ini a moen di na kringopziener e kon tapoe fisiti? Joe ben sa kan tjari wan pikinso kenki kon ini joe aladé routine sodati joe kan go na ini a wiki na ini na velddienst? Joe kan poti gobaka ofoe wan bijbelstudie tapoe wan bakadina na mindri wiki? Na kringopziener sa feni en wan moi sani foe go nanga joe èn joesrefi sa wani foe hori na studie foe joe efoe joe sa wani dati.
5 Den sani di na ini a ten foe na fisiti foe na kringopziener di joe e jere tapoe den komakandra, kan meki ooktoe dati joe gro na jejefasi. Arki boen na den lezing foe en èn sreka joesrefi a tapoe foe abi wan prati na a spesroetoe programma „Tan na ini den sani di joe ben leri”. Kande joe wani skrifi wantoe moi punt foe na bijbel ofoe rai di ben gi. Na pionierkomakandra kan jepi gewone pionier èn den sma di a momenti disi de na ini na jepi pionierdienst foe den kon moro boen. Konmakandra nanga den owroeman èn den dinari na ini na diniwroko na okasi foe kisi fanowdoe rai nanga tiri foe na organisaatsi foe Gado. Ala disi e sorgoe foe na gemeente kon tranga. — Tori. 15:36, 41.
6 (. . .) moi dekati foe jepi bijbelondrosoekoeman foe go moro a fesi. Na fisiti foe en kan jepi den si o prenspari a de foe de na ala gemeente komakandra. De séker taki joe ferklari na rol èn na wroko foe na kringopziener na den. Efoe na studenti go so na fesi dati a boen noso foe tron wan sma di tai densrefi nanga na organisaatsi èn di wi e feni boen dan kari en foe abi wan prati na ini a wiki disi na ini a dienst. Kweki dipi warderi gi na seti disi di Jehovah organisaatsi di wi si ben seti.
7 Opziener di e waka lontoe èn di e dini na ini a kondre disi abi foeroe jari foe ondrofeni ini na waarheid nanga ini na foeroetendienst. Den brada disi nanga den oema foe den e gi densrefi krinkrin. A de wan grani foe sowan wantron na ini siksi moen foe abi makandra nanga den wan prati na wan wiki foe kownoekondre activiteit di e gi krakti na jejefasi. A sa de wan ferstan sani foe wi sé foe njan boen dorodoro foe na fisiti foe na kringopziener sodati wi sa goedoe wisrefi nanga den jeje goedoe di a e prati kande (Rom. 1:11, 12). Meki plan now foe na boen foe na jeje go na fesi foe joe foe na njan boen foe na seti disi.