Ala sma abi wan prati
1 Na apostel Johannes ben jere 24 owroe sma na ini hemel e prijse Gado nanga den wortoe: „Joe, Jehovah, . . . de warti foe kisi na glori èn a grani èn a krakti” (Openb. 4:11). Ala dienstknegti foe Jehovah na ini a ten disi kan gi Jehovah grani nanga densrefi wortoe disi (Psalm 148:1, 12, 13). Wi kan doe disi na ini september te wi e gebroiki na njoen Tori foe takmakandra èn e pristeri wan foe den brochure di den taki wi moe pristeri.
2 Na boekoepristeri gi september e gi wi wan boen okasi foe kan teki èn pristeri brochure di e fiti na a fanowdoe foe ososma. Wi e pristeri den brochure di e kon now: Njan boen foe tégo foe na libi na grontapoe!, Na nen foe Gado di sa tan foe tégo ofoe na Tiri di sa tjari na paradijs kon. Sreka joesrefi foe pristeri na brochure di gersi taki ai fiti moro boen na a gebied, èn ooktoe na a sma di joe e miti na a doro.
NA TIRI-BROCHURE
3 Baka te joe ferteri soema na joe, joe ben sa kan taki: „Na ini na heri historia a de so dati na libismafamiri ben njan pina foeroe. San de leki fa joe e si en na réde foe disi? [Gi okasi foe gi piki] Na bijbel e tjari kon a krin taki libisma no kan tiri ensrefi. [Lési Prékiman 8:9.] Na tekst disi e meki oen si dati a de wan sani di libisma no kan doe foe opo wan tiri di sa tjari troetroe kolokoe kon di sa tan. Soso Gado sa doe dati. Loekoe pikinso boen san a tiri foe Gado sa doe leki fa na bijbel taki.” [Lési Micha 4:3, 4.] Taki leki bosroiti: „Foe kan jepi joe foe ferstan fa na tiri foe Gado sa tjari na paradijs kon meki joe kan kisi na brochure disi foe 60 cent. Loekoe pikinso san tanapoe djaso na tapoe bladzijde 3.” Lési a paragraaf.
NA LIBI NA GRONTAPOE-BROCHURE
4 Joe de wan jongoe prijseman foe Jehovah ofoe wan sma di bigin pas nanga na velddienst? Na pristeri di e kon now kan jepi joe na ini september foe abi wan prati na ini na panja foe na brochure. Baka te joe taki fa joe nen, joe ben sa kan taki: „Mi ben sa wani libi nanga ala prisiri wan brochure na joe di e meki joe si fa wan hemel kownoe sa tjari tégo kolokoe gi na libismafamiri. Loekoe pikinso san tanapoe dja na tapsé foe na prenki nomroe 49. [Lési kommentaar.] Joe sa feni en wan moi sani foe loekoe den prenki finifini èn lési den tekst di tanapoe na ini a brochure disi. Joe kan kisi na brochure disi foe 60 cent.”
NA NEN FOE GADO-BROCHURE
5 Wan toemsi moi fasi foe prijse Gado de foe gi grani na en nen Jehovah. Baka di joe ferteri en soema na joe, joe ben sa kan taki: „Mi ben taki nanga joe birti foe o prenspari a de foe sabi na nen foe na troe Gado. Joe ben si taki foeroe sma e gebroiki Gado nen ofoe sabi san na nen dati wani taki? [Gi okasi foe a piki.] A bijbel e ferteri na ini Psalm 83:18 dati a nen foe Gado na Jehovah. A nen foe en wani taki dati a e meki en pramisi kon troe. Wan foe den wondroe pramisi di a ben gi en di djonsro sa kon troe, wi e feni na ini Micha 4:3, 4.” Lési a tekst èn gi kommentaar. Go moro fara, foe di joe o opo na brochure na tapoe bladzijde 31 èn e taki: „Loekoe pikinso san tanapoe dja foe na waarde foe a sabi foe na nen foe Gado. [Lési paragraaf 1.] Den bodoi di a brochure disi e gi, e meki wi si sani krin. Joe kan kisi a brochure disi foe wan bijdrage foe 60 cent.”
6 Ososma kenki foe makandra, a ini den sani pe a belangstelling foe den e go ofoe san den abi fanowdoe. Sonwan lobi foe dini Gado èn e lési a bijbel ete. Trawan e taki nanga ala prisiri foe politiek. Den sma di no man lési so boen, sa feni en moi foe abi wan eenvoudig tekst nanga prenki kande. Efoe wi e taki soboen nanga wan sma, dan wi moe si pe en belangstelling e go èn pristeri na brochure di e fiti na en. Meki wi alamala abi wan prati na ini a prijse foe Jehovah na ini a moen september di wi e pristeri den brochure na ini wi prékiwroko foe na boen njoensoe foe na kownoekondre.