Pristeri na bun nyunsu — Nanga brochure
1 Fa a de wan prisiri fu taki nanga sma fu na waarheid èn fu prati na bun nyunsu fu na Kownukondre nanga den! (Tori. 15:3) Ma a ten fu wi fu disi de syatu. Nanga yepi fu en organisatie Yehovah e gi en organisatie na wan konifasi moi bijbelstudie yepisani di wi kan libi na baka na sma di abi belangstelling fu yepi den fu go moro a fesi. Wi wani pristeri den yepisani disi na tapu wan bun fasi.
2 Na ini september wi sa gebroiki wan nyun Tori fu Takmakandra „Na sroto fu kisi koloku”, èn wi sa pristeri wan fu den brochure di e kon now: Nyan bun fu tego fu na libi na grontapu, Na tiri di sa tyari na Paradijs kon, ofu Na nen fu Gado di sa tan fu tego. Fosi wi go ini na velddienst dan wi mu luku fa wi kan pristeri den yepisani disi fu a bijbel tapu wan bun fasi èn fiti nanga wi Tori fu Takmakandra di e go fu koloku.
WANTU RAI
3 Nyan bun fu tego fu na libi na grontapu!: Na brochure disi de tumsi moi fu hari yongusma kon èn ooktu gi den sma di kan leisi bun. Den prenki èn tekst abi nomru fu kan sori makriki na den. Fa yu kan pristeri na brochure disi? Leki bosroiti fu yu takimakandra di e go fu koloku yu ben sa kan taki: „Yu no ben sa wani nanga ala prisiri tapu wan dei fu nyan bun trutru fu koloku na grontapu” [Gi okasi fu piki.] Luku pikinso na a moi prenki disi fu koloku sma dya ini na bijbelstudie yepi disi. [Opo prenki 49 èn leisi den wortu na a prenki.] Nanga na brochure yu kan kon sabi fa na bijbel kan yepi yu fu libi a mindri den sortu koloku sma disi èn fu nyan bun fu tego fu na libi na grontapu. A de fu yu fu wan bijdrage fu wan golu.
4 Baka wan syatu inleiding wan yongu ofu nyun preikiman ben sa kan pristeri na brochure fudi a ben kan taki: „Wi e pristeri sma na brochure disi di e meki wi si fa Gado na a heri grontapu sa tyari koloku kon. Luku pikinso tapu na feseiblad, pe koloku sma de fu si di trutru e nyan bun fu a libi. Wi de seiker dati yu ben sa wani leisi moro fu disi èn ben sa wani luku èn leisi den tekst di a brochure e sori a tapu. A de fu wan bijdrage fu wan golu.”
5 A tiri di sa tyari na Paradijs kon. Na brochure disi e poti na prakseri na tapu Gado Kownukondre — na nen fu Yesus boskopu èn di fu wi. Dyaso tu fasi de fa yu kan tyari na brochure disi kon ini akruderi nanga yu takmakandra di e go fu koloku.
6 „Den sma di trutru abi warderi gi a Wortu fu Gado kan luku na wan koloku libi na ondro a tiri fu Gado. Disi na a tiri di sa tyari Paradijs toestand kon na a heri grontapu èn di ben skrifi bun fu en na ini na brochure disi di yu kan kisi soso fu wan golu. Luku san den e taki fu na tiri disi tapu bladzijde 3.” Leisi dan na paragraaf.
7 Ofu: „Den sma di e hori Gado wortu na ini prakseri, no wawan de koloku ma e luku ooktu a fesi na wan moro bigi koloku ete. Na bijbelstudie yepisani disi e meki wi si tapu bladzijde 29 fu san-ede den sma di e hori Gado wortu na ini prakseri sa de koloku. [Sori ososma den spesrutu punt tapu bladzijde 29. Mi sabi seiker dati yu sa nyan bun fu disi te yu leisi moro fu en. Yu kan kisi na brochure disi pe yu kan leri furu na ini.”
8 Na nen fu Gado di sa tan fu tego. Den sma di e suku koloku, seiker mu kon sabi na Gado fu koloku, Yehovah. Sobun yu ben sa kan pristeri na brochure na a fasi disi: „Fu kan sabi a wortu fu Gado, èn fu hori en na ini prakseri, dan wan sma trutru musu de bekenti nanga Gado srefi. Dati na wán reide fu san wi e pristeri sma na bijbel yepisani disi di abi furu bodoi. [Meki na sma si na brochure.] Na ini disi no wawan den o ferklari san a nen fu Gado de, ma dyaso na tapu bladzijde 31 den e sori ooktu na waarde fu na nen fu Gado. [Leisi paragraaf 1.] Na eksemplaar disi na fu yu fu wan bijdrage fu wan golu.”
9 Kande yu kan prakseri tra moi fasi ete fu pristeri na brochure disi na mun disi na ini velddienst. Sreka yusrefi bun a fesi èn meki Yehovah gi yu na prisiri ini na pristeri fu na bun nyunsu nanga den brochure.