Du a wroko fu wan evangeliumpreikiman
1 Paulus ben gi Timotéus dek’ati fu hori en prakseri a wan na ini ala sani, fu du a wroko fu wan evangeliumpreikiman èn fu du en wroko dorodoro (2 Tim. 4:5). Efu wi de now yongu ofu owru, de pas ini waarheid ofu abi ondrofeni na ini na preikiwroko, ooktu wi wani abi wan prati na a evangeliumwroko dorodoro.
2 Ini ala a ten di wi e meki na bun nyunsu bekenti ini a mun september, dan wi sa pristeri den brochure di a genootschap ben tyari kon a doro no sa langa psa kaba: Na Gado nen di sa tan fu teigo, Na tiri di sa tyari na paradijs kon, Nyan bun fu teigo fu a libi na grontapu! èn „Luku! mi e meki ala sani kon nyun”. Efu wi teki na ten fu kon sabi den fo brochure disi dan wi sa kan pristeri den na wan bun fasi na den sma ini wi gebied.
FA FU GEBROIKI DEN BROCHURE
3 Na Gado nen-brochure: Efu yu e gebroiki na tori fu takmakandra di wi e gebroiki nownow, dan makriki yu kan tyari Johannes 17:3 go na ini a tori nanga na aksi: „San na a nen fu na wan enkri tru Gado?” Baka te yu poti na aksi dati, dan yu ben sa kan taki: „Johannes 17:3 e taki fu tu sma. Na wan sma e tyari a nen fu Yesus ma na trawan den e sori tapu en soso nanga a titel ’Gado’. Luku now pikinso san bladzijde fo fu a brochure disi e taki, . . . dyaso ondro na ede: ’Fa a nen fu Gado de?’” Yu kan leisi dan na paragraaf baka te yu leisi na ede èn moro fara sori tapu Psalm 83:18 pe na nen fu Yehovah de fu feni. Baka dati wi kan naki bladzijde 18 nanga 19 fu a brochure opo èn no wawan meki den si den difrenti fasi tapu san na nen fu Gado vertaal ini difrenti tongo, ma ooktu fa disi e skrifi na ini Hebreewstongo. Moro fara yu kan pristeri na ososma na brochure pe a kan leri furu na ini fu f 0,60.
4 Na Tiri-brochure: Aksi na ososma baka te yu leisi Johannes 17:3 èn yu ben tyari kon na krin dati sabi fu Gado èn fu Yesus Kristus wani taki teigo libi, efu a ben tan prakseri oiti fu teigo libi na grontapu. Gi en na okasi fu gi piki. Opo dan bladzijde dri fu na brochure èn leisi wan pisi fu na model begi, na ini san krakti e poti a tapu dati a wani fu Gado mu pasa na grontapu. Leisi baka dati na tra pisi fu paragraaf wan èn meki den si dati na Kownukondre de na wroko sani fu san Gado sa meki gebroiki fu lusu den problema di e meki a libi fu now so muilek. Moro fara yu ben kan pristeri na brochure. Ofu kan de yu wani opo bladzijde 28 nanga 29, meki den si wan tu blesi di Gado Kownukondretiri sa tyari kon gi a libismafamiri èn dan pristeri a brochure fu f 0,60.
5 Na Libi na grontapu-brochure: te yu e pristeri a brochure disi, dan yu kan gebroiki na Tori fu takmakandra di wi e gebroiki now ofu yu wani kande fu gebroiki wan moro eenvoudig pristeri. Aksi na ososma baka te yu ferteri en fa yu nen, efu a e denki dati oiti wan dei sa doro tapu san ibri sma sa abi nofo fu nyan. Wan ten oiti sa kon na ini san ala oso-famiri na grontapu sa abi den eigi oso èn kan libi ini vrede èn koloku? Opo baka te na ososma gi piki prenki 47 ini na brochure. Ferteri wan sani fu den wondru toestand di teken drape èn sori dati heri esi disi sa psa na grontapu. Efu yu abi na okasi, kari na ososma dan fu luku den tekst na prenki 47. Yu kan ferteri en dati na brochure disi e meki wi si san wi mu du fu nyan bun fu teigo libi na grontapu. Pristeri wan eksemplaar fu f 0,60.
6 Na „Luku”!-brochure: Ini na heri grontapu yu abi milyunmilyun sma di no e erken na bijbel leki na Wortu fu Gado di skrifi nanga santa yeye. Na brochure disi meki fu yepi den sortu sma dati. Aksi na ososma baka te yu kari yu nen efu a sabi taki na bijbel de na wan enkri kerki buku na ini san trutru wan krin uitleg e gi fu na paradijs. Gi en na okasi fu piki. Aksi en moro fara fu leisi nanga yu Openbaring 21:4 fu si fa a sa de ini na paradijs. Luku paragraaf 1 tapu bladzijde dri èn ooktu na prenki tapu na fes’sei fu na brochure. Kari na ososma fu teki a brochure fu f 0,60 èn fu kon sabi moro fu na paradijs.
7 Ini augustus dan ala sma di e teki prati na a evangeliumwroko kan pristeri brochure. Papa nanga mama kan yepi den pikin fu den fu sreka wan eenvoudig pristeri. Nyun sma kan bigin na a teki fu wan pristeri di de syatu èn di didon bun gi den. Meki wi du nanga faya na wroko fu wan evangeliumpreikiman èn suku fu miti someni sma leki a kan nanga den bodoi di e gi satisfaksi. — 1 Tim. 2:3, 4.