Pristeri a boen njoensoe — Foedi joe e gebroiki den brochure foe opo studie
1 A brochure Njan boen foe tégo foe na libi na grontapoe! abi kaba wan oplage foe moro leki 28 miljoen eksemplaar na ini 129 tongo. Ooktoe miljoenmiljoen foe na brochure Na tiri di sa tjari na Paradijs kon èn Na nen foe Gado sa tan foe tégo druk na ini foeroe tongo. Na ini a moen september wi e poti leki marki na oen fesi foe panja den brochure disi èn foe opo osobijbelstudie.
2 Fa wi kan gebroiki wan brochure foe opo wan bijbelstudie, foe di vraag di druk no de na ondrosé foe wan bladzijde? Joe kan doe disi foe di makandra nanga na ososma joe e lési na brochure e soekoe den tekst, èn taki foe den sani. Ma efoe wi wani si boen bakapisi, dan wi moe sabi san de na ini na brochure èn loekoe boen dati na ososma ferstan den prenspari punt na ini na paragraaf. Na ini den paragraaf di e kon now rai e kon na fesi di e jepi wi nanga jepi foe ibriwan foe den brochure foe bigin wan takmakandra.
3 Njan boen foe tégo foe na libi na grontapoe! A brochure disi koemakriki foe ferstan èn spesroetoe e meki moi gi jongoesma, ooktoe gi sma di no man lési so boen. Den punt foe bijbel èn den prenki abi wan nummer, sodati moro makriki joe kan sori na tapoe den punt. Foe bigin wan studie, joe kan aksi na ososma foe opo en brochure na nomroe fo èn féfi. Aksi en foe ferteri san ai si tapoe a prenki. Jepi en foe ferstan dati disi de wan voorstelling foe na volmaakti bigin di Gado ben gi Adam nanga Eva na ini na djari foe Eden. Aksi en ofoe na grontapoe de now wan paradijs èn gi en dan na okasi foe piki. Baka te joe aksi en wantoe sani sjatoe foe den takroe toestand di de nownow na grontapoe, dan joe kan loekoe nomroe 49 èn tjari kon na krin fa na paradijs sa kon boen baka na grontapoe èn fa goddelowsoefasi sa poeroe a pasi. Loekoe nanga na ososma san skrifi, den tekst èn wantoe punt foe na prenki di e kon na fesi. Go baka dan na nomroe wan nanga toe èn aksi na ososma soema wawan kan meki a grontapoe tron wan paradijs. Gi en na okasi foe gi kommentaar. A de krin dati a sma di kan doe dati moe de asrefi sma leki a sma di ben meki a paradijs ini na bigin — Gado. Seti sani foe go doro nanga takmakandra tapoe wan tra ten.
4 Na tiri di sa tjari na paradijs kon: Wi e gi na rai te a brochure disi prati foe taki foe na paragraaf tapoe bladzijde 3. Wan kon wantronwantron tapoe a tori ben sa de, foe aksi foe lési na stof tapoe den bladzijde di e kon makandra foe si foe san-ede wi abi a kownoekondre foe Gado sote fanowdoe. Ibri paragraaf ben sa kan lési èn taki foe en, èn den tekst di wi ben sa kan go soekoe èn taki foe den finifini. Efoe den tekst ini a bijbel langa, dan joe kan taki sjatoe foe den èn a ososma kan kisi dekati foe lési den efoe a abi a ten. Jepi na ososma foe ferstan den prenki èn foe si fa den abi foe doe nanga den paragraaf di joe e loekoe.
5 Na nen foe Gado di sa tan foe tégo. Aksi na ososma foe opo en brochure tapoe bladzijde 6. Lési na ede: „San a nen foe Gado wani taki èn fa joe moesoe kari en”. Aksi dan fa wi ben kan kon sabi san a nen foe Gado de soleki en e prakseri. Gi en na okasi foe gi piki. Ferteri en dan dati na pisi disi foe na brochure e piki na aksi. Kari na ososma foe lési na fosi paragraaf nanga joe, taki foe a paragraaf dati èn loekoe den tekst foe bijbel. Na a tori disi, poti krakti na tapoe a punt dati te a Mekiman srefi no ben meki en nen bekenti na wi, wi no ben sa kan sabi dati noiti. Go moro fara nanga a lési èn a taki foe den paragraaf èn a tekst.
6 Na moi brochure disi di e leri foeroe sani kande de wan brôki foe kon tapoe wan geregelde osobijbelstudie ini a Tégo libi-boekoe. Wan takmakandra nanga jepi foe wan foe den brochure disi, kan jepi joe foe si ofoe na ososma troetroe abi belangstelling ini na waarheid. Ibri pisi foe wan brochure pe na belangstelling foe na ososma e go, joe kan taki foe en èn a no de fanowdoe foe studeri wan heri brochure bifo joe kanti abra go na wan foe den studieboekoe. Meki wi alamala meki wan boen gebroiki foe den brochure aladi wi e jepi den sma di wi kan teki gersi nanga skapoe foe kisi wan soifri foe a waarheid. — Joh. 17:3.