Diniwroko-konmakandra foe maart

Wiki di e bigin 1 maart

Singi 13

8 min: Wan toe sani foe a gemeente. Wan toe sani di teki poeroe foe Wi Kownoekondre Dienst.

17 min: „Wi sa memre a dede foe Krestes na heri grontapoe”. Aksi nanga piki. Taki toe foe A Waktitoren foe 1 februari 1997, bladzijde 11 nanga 12, paragraaf 10-14. Tjari kon na krin fa a tranga lobi foe Jehovah ben meki en gi wi a loesoe-paiman.

20 min: Foe san ede wi abi wan froeplekti na wi tapoe foe doe a jepi-pionierwroko na ini april nanga mei. A dienstopziener e hori wan lezing nanga wan takimakandra nanga a poebliki, ala di a e gi ala sma tranga foe denki serjoesoe foe a jepipionierwroko. Taki baka foe a kenki di kon na ini den joeroe di den gewoon pionier nanga jepi-pionier moesoe doro, soleki den ben sori na ini Wi Kownoekondre Dienst foe januari 1999, tapoe bladzijde 5. A kenki disi moesoe gi moro sma na okasi foe njan boen foe a grani foe doe a foeroeten diniwroko. Froeklari fa a warderi di wi abi gi na srakti-ofrandi foe Krestes e poti a froeplekti na wi tapoe foe doe ala san wi man foe preiki gi trawan (2 Kor. 5:14, 15). A jari disi, a Memrefesa sa de na tapoe a fosi dei foe april. Disi troetroe moesoe gi ala Kownoekondre preikiman foeroe deki-ati foe gebroiki a heri moen foe doe moro na ini a diniwroko! Taki foe heimarki di joe sreka na fesi èn di joe teki foe den inlegvel foe Wi Kownoekondre Dienst foe februari 1997 nanga di foe maart 1998, di e taki foe a jepi-pionierwroko. Taki foe fasi fa den kan fiti den schema di den ben gi leki eksempre, na a situwâsi foe den. Taki foe den sani di a gemeente seti gi a velddienst, èn di e gi sma nofo okasi foe abi wan prati na a diniwroko nanga trawan. Gi den preikiman deki-ati foe go teki wan jepi-pionier formulier baka a konmakandra.

Singi 28 nanga lasti begi.

Wiki di e bigin 8 maart

Singi 24

7 min: Wan toe sani foe a gemeente. Raport foe moni afersi.

15 min: „Kari den foe kon”. Aksi nanga piki. Poti krakti na tapoe taki a de ala ten fanowdoe foe tjari njoen sma di abi belangstelling, kon na den gemeente konmakandra. Demo wan takimakandra nanga wan sma di abi belangstelling, èn gebroiki den tori na ini a Sabi-boekoe, bladzijde 159, paragraaf 20, nanga bladzijde 161-163, paragraaf 5-8. Gi ala sma deki-ati foe meki spesroetoe moeiti foe jepi bijbelstudenti nanga tra sma di e sori belangstelling, foe kon na a Memrefesa, tapoe 1 april. Sori wan eksemplaar foe a kari di druk tapoe papira, èn froeklari fa wi kan gebroiki en na wan boen fasi. Ala sma moesoe bigin foe prati den kari gi a Memrefesa a wiki disi.

13 min: „Fa memre foe na osofamiri e wroko makandra foe abi wan prati doronomo​—Na gemeente konmakandra”. Wan takimakandra di wan osofamiri e hori. Te den e taki foe den moro prenspari penti na ini na artikel, dan den e taki fa den leki osofamiri kan sreka densrefi gi den konmakandra. Den e taki foe fasi fa den kan jepi makandra foe abi wan prati na den konmakandra èn san den moesoe doe so taki na osofamiri kan doro na den konmakandra biten.

10 min: Sreka joesrefi foe de na a distrikt kongres foe 1999. A sekretarsi e hori wan aksi-nanga-piki takimakandra foe a rai di gi na ini na inlegvel èn di abi foe doe nanga a kongres. Tjari kon na fesi san na den gronprakseri foe bijbel di e meki taki wi moesoe gi jesi na a tiri di a Genootschap e gi ini a tori foe tanpresi. Prèise den brada nanga sisa foe di den e wroko makandra nanga den sani di a Genootschap seti.

Singi 29 nanga lasti begi.

Wiki di e bigin 15 maart

Singi 26

10 min: Wan toe sani foe a gemeente. Poti prakseri na tapoe na artikel: „Joe sa de drape?”

15 min: „Dinari ini a diniwroko e doe boen wroko”. Wan lezing di wan bekwaam dinari ini a diniwroko e hori. Taki foe den moro prenspari penti di de foe feni na ini a Bediening-boekoe, bladzijde 57-61. Froeklari fa den brada na ini a gemeente disi e gebroiki den dinari ini a diniwroko foe jepi a gemeente.

20 min: Teki notisi foe den owroewan nanga den sikiwan na ini a gemeente. Wan bekwaam owroeman e taki sjatoe foe wan toe penti na ini na artikel di e fiti: „Wat betekent het bejaard te zijn?” (San a wani taki foe grani?), foe na Ontwaakt! foe 22 juni 1995, bladzijde 14-16. Baka dati, sori na ini wan demonstrâsi fa toe sisa di de preikiman e fisiti wan owroe sisa, e froeteri en wan sani di e gi en deki-ati, èn e aksi en toe foe jepi en. Dan na owroeman e taki sjatoe foe den moro prenspari penti foe na artikel: „Op bezoek bij een patient​—Hoe te helpen” (Go loekoe wan sikisma​—Fa foe jepi en), foe na Ontwaakt! foe 8 maart 1991, bladzijde 9-11. Meki wan brada sori dan fa a e go loekoe wan sikisma, ala di a e hori den seibi penti na prakseri na ini a boksoe tapoe bladzijde 10, foe na artikel di kari. Na owroeman e tapoe a takimakandra foe di a e gi ala sma na ini a gemeente deki-ati foe gi lobi-ati jepi na den owroewan nanga den sikiwan.

Singi 39 nanga lasti begi.

Wiki di e bigin 22 maart

Singi 70

10 min: Wan toe sani foe a gemeente. Kari den nen foe den wan di sa de wan jepi-pionier na ini april. Froeklari taki a no lati ete foe gi wan formulier. Taki foe a heri schema di seti gi den velddienst konmakandra na ini april. Gi ala sma deki-ati foe leisi a bijbel-leisipisi foe 27 maart te nanga 1 april gi a Memrefesa, soleki joe kan feni dati na ini Ondrosoekoe den Boekoe foe bijbel ala dei 1999 èn na tapoe a Kalender 1999.

15 min: Sreka joesrefi gi a Memrefesa. Wan lezing. Ala sma moesoe sreka densrefi foe jepi bijbelstudenti nanga tra sma di abi belangstelling, foe kon na a Memrefesa. Njoen sma di e kon na a Memrefesa, kande no e froestan soema kan gebroiki foe a win nanga a brede, noso den no e froestan san a fesa disi wani taki. Loekoe san A Waktitoren foe 1 april 1996 e taki, bladzijde 6-8, èn sori fa wi kan jepi wan njoen sma di abi belangstelling, foe froestan san a fesa disi wani taki èn san na a marki foe en. Na a kaba joe kan taki foe „Sani di wi moesoe hori na prakseri gi a Memrefesa”, èn taki foe den sani di a gemeente seti gi a Memrefesa.

20 min: San e pasa nanga wi te wi dede? Wan owroeman e taki nanga toe noso dri bekwaam preikiman foe a waarde di a brochure abi èn fa wi kan gebroiki en. Wi ben kon sabi a brochure disi moro boen di wi studeri en na a Gemeente Boekoestudie. Wi e gebroiki en na wan boen fasi na ini velddienst? A groepoe e taki foe den aksi di e kon now: Foe san ede foeroe sma wani sabi moro foe a tori disi? Tra fasi leki falsi relisi leri, dan na tapoe sortoe howpoe a brochure disi e poti prakseri? Fa wi kan gebroiki den aksi di tanapoe na bakasei foe a brochure foe wiki a belangstelling? Sortoe okasi de foe pristeri a brochure disi? Demo wan pristeri èn gebroiki den tekst na ini paragraaf 14 tapoe bladzijde 27. Gi ala sma deki-ati foe loekoe fa den kan gebroiki a brochure disi na wan boen fasi. 

Singi 42 nanga lasti begi.

Wiki di e bigin 29 maart

Singi 21

12 min: Wan toe sani foe a gemeente. Memre ala sma foe gi den velddienstbericht foe maart. Na ini april wi sa pristeri A Waktitoren nanga Ontwaakt! Sori den moro njoen tijdschrift, gi rai di e sori na tapoe sortoe artikel wi kan poti prakseri, èn taki foe wan toe penti di sma ben sa wani sabi moro foe dati èn di wi ben sa kan taki foe den. Ala sma moesoe abi a San Gado e aksi-brochure na den, èn den moesoe gebroiki en foe bigin wan bijbelstudie nanga sma di abi belangstelling.

15 min: Sani di a gemeente abi fanowdoe.

18 min: Fa wi moesoe handri te wi e kisi rai? Wan lezing di wan owroeman e hori. Wi alamala e kisi rai di abi foe doe nanga a fasi fa wi e denki, a fasi fa wi e tjari wisrefi, den kompe foe wi, noso a fasi fa wi e teki prati na sani di e doe ini a gemeente. Son leisi wi e kisi a firi foe kakafoetoe gi rai noso foe mândi. Efoe wi sori taki wi wani teki rai èn gebroiki en, dan dati kan de toemoesi prenspari gi wi tanboen na jejefasi. Taki foe prenspari sani di e sori krin foe san ede wi moesoe teki rai èn warderi en.​—Loekoe De Wachttoren foe 1 april 1987, bladzijde 27-30.

Singi 4 nanga lasti begi.