Aksi Boksu

◼ ¿A fiti fu klap anu te den meki bekènti taki den ben teki wan sma baka na ini a gemeente?

Fu di Yehovah Gado abi lobi bun-ati, meki a sori wi na ini Bijbel fa sondari di abi berow kan meki taki a feni den bun baka èn fa den kan meki a Kresten gemeente teki den baka (Ps. 51:12, 17). Te disi e pasa, dan wi e kisi deki-ati fu sori den sma dati di abi trutru berow, taki wi lobi den.—2 Kor. 2:6-8.

Ala di wi breiti te den e teki wan famiriman noso wan sma di wi sabi bun, baka na ini a gemeente toku wi musu sori lespeki na wan tiri fasi na a ten te den e meki bekènti taki a sma teki baka na ini a gemeente. A Waktitoren fu 1 oktober 1998, bladzijde 17, ben taki a tori na a fasi disi: „Ma wi musu memre, taki moro furu sma na ini a gemeente no sabi den spesrutu situwâsi di ben meki taki wan sma ben sluit uit noso di ben meki taki den teki en baka na ini a gemeente. Boiti dati, a kan taki son wan na ini a gemeente densrefi ben kisi fu du nanga a tori noso taki a ben hati den — kande gi wan langa pisi ten srefi — fu na ogri sani ede di a sma di abi berow, ben du. Fu di wi de sabisabi fu den sortu afersi disi, dati meki te a meki bekènti taki wan sma teki baka na ini a gemeente, wi ben sa kan frustan taki wi no ben sa kan sori na a momenti dati taki wi e gi en wan switikon, te leki wi abi na okasi fu de wi wawan nanga a sma èn dan wi kan sori en taki wi e gi en wan switikon.”

Ala di wi breiti trutru fu si taki wan sma e kon baka ini waarheid, toku a no ben sa fiti fu klap anu na a momenti te den e teki a sma dati baka na ini a gemeente.