Overzicht gi a Theokrasia Diniwroko-skoro
Overzicht nanga tapu buku, di abi en fondamenti tapu a materiaal fu a theokrasia diniwroko-skoro fu den wiki fu 3 yanuari te nanga 17 april 2000. Gebroiki wan aparti pisi papira fu skrifi den piki fu someni aksi di yu man piki na ini a ten di den gi yu pasi fu du dati.
[Wan tu sani fu hori na prakseri: Soso Bijbel wan sma mag gebroiki fu gi piki tapu ibri aksi na ini a ten fu a schriftelijk overzicht. Den bodoi di tanapu baka den aksi de fu yu ondrosuku sani yusrefi. Den bodoi di e sori na sortu Waktitoren yu musu go, no e kari ala ten den bladzijde nanga den paragraaf.]
Gi piki na tapu ibriwan fu den fruklari di e kon now efu den Bun noso Fowtu:
1. Sontron wi musu wakti fu kisi den blesi fu Yehovah, fu di Yehovah sabi wi situwâsi èn a e sorgu gi ibri sani di wi abi fanowdu te a sabi taki wi e kisi a moro bun winimarki fu dati (Ps. 145:16; Yak. 1:17). [wSR98 1/1 blz. 23 par. 6]
2. Na abi di den ben abi na ark fu a frubontu drape, no ben de wan dyaranti taki sani ben sa waka bun nanga den Israèlsma. A kisi di den wan di ben abi na ark ben sa kisi den blesi fu Yehovah, ben anga fu a yeyefasi fu den èn a gi di den ben sa gi yesi na wan getrow fasi (Yos., kap. 7). [Alawiki leisipisi fu Bijbel; luku it-1-O blz. 165 par. 3.]
3. Na ini a ten disi wi e kisi nyanyan na yeye fasi soso fu di wi e leisi den wortu fu Yehovah (Deut. 8:3). [Alawiki leisipisi fu Bijbel; luku wSR85 15/6 blz. 8 par. 15, 17.]
4. A markitiki di e tyari kon na krin na ini a Wet fu Moses na ini Deuteronomium 23:20 e sori taki wan Kresten no e sori lobi te a e aksi rente te a leni sma moni. [Alawiki leisipisi fu Bijbel; luku it-2-O blz. 177 par. 4; blz. 716 par. 10, 11; wO86 15/10 blz. 12 par. 9.]
5. Yosua nanga Kaleb ben tyari wan bun boskopu fu di den ben bribi trutru taki den Israèlsma ben abi a krakti èn a fasti bosroiti fu man wini ala problema di ben kan hendri den fu teki a Pramisi Kondre abra (Num. 13:30). [wSR98 1/2 blz. 5 par. 4]
6. Di a ben taki fu „a presenti” na ini 1 Timoteus, dan Paulus ben memre Timoteus na a salfu di a ben salfu nanga santa yeye èn a pai di a ben o kisi na hemel (1 Tim. 4:14). [wSR98 15/2 blz. 25 par. 1]
7. A buku Yosua no e taki fu no wan-enkri prenspari koneksi di de fu feni ini a tori di e sori go na a meki fu a Kownukondre Siri. [si-O blz. 46 par. 24].
8. A buku Krutubakra na wan tori di e fruteri fu man di Israèl poti na wroko fu tiri a nâsi bifo a pisi ten fu den kownu. [si-O blz. 46 par. 2]
9. Na aksi fu Gideon, so leki fa skrifi na ini Krutubakra 6:37-39, e sori taki a ben fersektiki tumusi èn a no ben frutrow a sani srefisrefi. [Alawiki leisipisi fu Bijbel; luku wO88 1/4 blz. 30 par. 6.]
10. Di Yesus ben taigi den disipel fu en taki den ’no ben musu brasa no wan sma na pasi fu gi en odi’, a ben sori taki a ben de tranga fanowdu fu du a preikiwroko èn fu poti prakseri dorodoro na a tumusi prenspari wroko disi (Luk. 10:4). [wSR98 1/3 blz. 30 par. 5]
Piki den aksi di e kon now:
11. Fu san ede a ben de prenspari srefisrefi taki papa nanga mama abi den wortu fu Yehovah na ini den ati? (Deut. 6:5, 6) [Alawiki leisipisi fu Bijbel; luku wSR98 1/6 blz. 20 par. 4.]
12. Fa wan osofamiri edeman kan gebroiki a gronprakseri soleki fa skrifi na ini Deuteronomium 11:18, 19? [Alawiki leisipisi fu Bijbel; luku fy-SR blz. 70 par. 14.]
13. Sortu Bijbel tekst e sori taki a srafu Oneisimus di ben lowe kande ben de wan pisi ten kaba nanga na apostel Paulus, bifo Paulus ben skrifi Fileimon? [wSR98 15/1 blz. 30 par. 2]
14. Te wi e si kruktudu noso e ondrofeni disi, dan san wi kan du fu no kisi lasi-ati noso wan negatief fasi fu si sani? [wSR98 1/2 blz. 6 par. 2-3].
15. Fa Yosua nanga Gideon ben sori dipi respeki gi Gado en wet? (Deut. 20:8, 15-18) [si-O blz. 41 par. 32]
16. Fa den sani di ben pasa so leki fa Yosua 10:10-14 e sori, de a srefi leki san wi kan fruwakti na ini Armagedon? [Alawiki leisipisi fu Bijbel; luku wSR86 15/12 blz. 13 par. 12–14.]
17. Kari dri winimarki di e kon te wi e prèise sma na wan opregti fasi fu di wan sma e tyari ensrefi na wan warti fasi. (Teki gersi Odo 15:23.) [wSR98 1/2 blz. 31 par. 5-6]
18. Soleki fa Yosua 20:4 e taki, dan fa wan sma e lowe go na a loweman foto na wan agersi fasi? [Alawiki leisipisi fu Bijbel; luku wSR86 15/12 blz. 14 par. 16.]
19. Fa Krutubakra 5:31 e sori taki a wini di Krutuman Barak ben wini den moro tranga legre fu Sisera na ini a lagipresi fu Kison, de prenspari gi wi na ini a ten disi? [Alawiki leisipisi fu Bijbel; luku wO86 15/2 blz. 21 par. 4.]
20. Fa wi kan sori taki wi e poti prakseri na a gronprakseri fu den wortu ’den ben tan tanapu, ibriwan na tapu en eigi presi’, soleki fa skrifi na ini Krutubakra 7:21? [Alawiki leisipisi fu Bijbel; luku wSR82 1/9 blz. 213 par. 17.]
Poti a (den) wortu noso a pisi fu a prakserilin di de fanowdu fu klari ibriwan fu den fruklari di e kon now:
21. Fu man ondrofeni a blesi fu Yehovah dorodoro, wi musu go doro fu ․․․․․․․ èn wi musu begi Yehovah tranga fu A kan yepi wi fu ․․․․․․․ den leri na ini en Wortu, di a meki sma skrifi nanga yepi fu en santa yeye (1 Tim. 4:8, 9). [wSR98 1/1 blz. 24 par. 6]
22. A kori di sma e kori trawan no e plisi Yehovah srefisrefi fu di ․․․․․․․ e buweigi en fu du dati, a no de wan ․․․․․․․ sani èn a no de wan ․․․․․․․ sani tu, èn boiti fu dati, a de ․․․․․․․ . [wSR98 1/2 blz. 30 par. 2-3].
23. A nen Yosua wani taki „ ․․․․․․․” èn Yosua ben prenki ․․․․․․․ na wan profeiti fasi. [si-O blz. 42 par. 5]
24. Soleki fa na agersitori fu Yesus na ini Mateus 7:24-27 e taki, dan koni papa nanga mama kan yepi den pikin fu den fu tanapu kánkan teigi druk di wi kan agersi nanga tranga winti, fu di den e gi den ․․․․․․․ di sa yepi den fu tan ․․․․․․․ . [wSR98 15/2 blz. 9 par. 1]
25. A historia tori na ini a buku Krutubakra e taki fu a pisi ten sensi ․․․․․․․ dede te leki a ten fu ․․․․․․․ wan pisi ten fu so wan ․․․․․․․ yari. [si-O blz. 47 par. 5]
Teki a yoisti piki na ini ibriwan fu den fruklari di e kon now:
26. A meki di wan sma e meki wan testamenti fu seti sani soleki fa a wet e taki efu a ben sa kon fu dede, na wan (gemeente afersi; personlijk afersi; markitiki gi tru Kresten) (Gal. 6:5). [wSR98 15/1 blz. 19 par. 6]
27. Paulus ben gi Fileimon deki-ati fu teki (Onam; Oneisiforus; Oneisimus) na wan switi fasi, ma a no ben gebroiki a makti di apostel ben abi fu gi Fileimon a komando fu du dati noso fu meki a srafu fu en kon fri (Fileim. 21). [wSR98 15/1 blz. 31 par. 1]
28. Wan seryusu sani di den gwasiman ben mankeri soleki fa skrifi na ini a tori fu den gwasiman di Yesus ben dresi, na taki den (no ben abi bribi; ben trangayesi; no ben abi tangi na ati) (Lukas 17:11-19). [wSR98 15/2 blz. 5 par. 1]
29. Fu di Gado ben feni a fasi fa Rakab ben handri bun, meki den wortu di Rakab ben taigi den man fu Yerikow di ben e lon na baka den spion fu Israèl, e sori taki (a lei di wan sma e lei na wan bosroiti di ensrefi e teki; wan sma no de fruplekti fu tyari frutrow bodoi kon na krin gi sma di no abi reti na tapu dati; a no ben kenki ala en grontapu fasi). (Yos. 2:3-5; teki gersi Romesma 14:4.) [Alawiki leisipisi fu Bijbel; luku wSR93 15/12 blz. 25 par. 1.]
30. Soleki fa skrifi na ini Yohanes 13:5, dan a bun les di Yesus ben gi, e poti krakti tapu na eigifasi (switifasi; a firi di sma e firi nanga trawan; sakafasi), di e buweigi wan sma fu du a moro lagi wroko gi a bun fu trawan. [wSR98 15/3 blz. 7 par. 6].
Suku a yoisti tekst gi ibriwan fu den fruklari dya na ondrosei:
Deut. 7:3, 4; 17:7; 25:11, 12; 28:3; Yer. 15:20
31. A lespeki di a Kriaman e lespeki a meki di libisma man meki pikin, musu abi krakti tapu a bosroiti di wan Kresten e teki ini a tori fu wan yoisti fasi fu seti a kisi fu pikin. [Alawiki leisipisi fu Bijbel; luku wSR99 15/6 blz. 28 par. 1-4.]
32. Wi kan frutrow tapu Yehovah en yepi te wi e du a komando di wi kisi fu preiki a bun nyunsu fu Gado Kownukondre. [wSR98 1/3 blz. 28 par. 1].
33. Te wi e gi yesi na a warskow di Bijbel e warskow wi, dan dati e kibri wi gi sari bakapisi, di e kon fu di wan Kresten e trow nanga wan sma di no de na bribi. [Alawiki leisipisi fu Bijbel; luku wSR89 1/11 blz. 13 par. 11.]
34. Fu ondrofeni Gado blesi no e anga fu a presi pe wi e libi noso e dini noso sortu toewijzing wi abi na ini a diniwroko fu Gado. [Alawiki leisipisi fu Bijbel; luku wSR96 1/6 blz. 22 par. 15.]
35. Paulus ben gebroiki a wet fu Yehovah leki markitiki, di a ben gi rai na ini 1 Korentesma kapitel 5, fu puru sma na ini a gemeente. [Alawiki leisipisi fu Bijbel; luku si-O blz. 213 par. 24.]