Schema gi a Diniwroko Konmakandra
Wiki Di E Bigin 13 November
Singi 2
10 min: Wan tu sani fu a gemeente. Wan tu sani di teki puru fu Wi Kownukondre Dienst. Fruteri syatu sortu spesrutu sani seti fu du a preikiwroko tapu 25 november.
13 min: Aksi Boksu. Wan lezing di wan owruman e hori.
22 min: „Go Doro fu Yepi den Sma Di Wani Sabi Moro fu di Den Kisi Kownukondre Nyunsu Nr. 36”. Aksi-nanga-piki takimakandra fu paragraaf 1-5. Taki syatu sortu sani seti na ini yu gemeente fu man wroko ibri pisi fu a gebied di no wroko ete. Luku den eksempre di gi fu tyari gobaka na ini paragraaf 7 nanga 8 èn demo ibriwan fu den. Sori o prenspari a de fu go baka na den sma di wani sabi moro èn fu meki muiti fu bigin wan bijbelstudie nanga den. Tapu a takimakandra fu di yu e taki fu paragraaf 9 èn fu den bijbeltekst di kari.
Singi 30 nanga lasti begi.
Wiki Di E Bigin 20 November
Singi 64
10 min: Wan tu sani fu a gemeente. Raportu fu moni afersi.
15 min: Ondrofenitori Di Abi fu Du Nanga a Prati Di Wi E Prati Kownukondre Nyunsu nr. 36. Fruteri o bun a e go nanga a wroko di a gemeente e wroko a heri gebied. Wan sma de na ini a gemeente di e teki prati na a diniwroko fositron? Fruteri den moi sani di ososma taki. Wan tu preikiman ben man opo bijbelstudie? Efu dati de so, meki den fruteri noso sori fa den ben du dati. Memre ala sma fu go doro fu yepi den sma di wani sabi moro.
20 min: „Tan Preiki!” Lezing nanga wan interview. Son wan abi demakandra nanga na organisâsi fu Yehovah èn den horidoro na ini a preikiwroko den heri libi langa. Fu di den tan howpu taki den o abi bun bakapisi, meki den feni prisiri na ini a du di den e du dati. (Luku a Sabi-buku, bladzijde 179 paragraaf 20, nanga A Waktitoren fu 1 mei 1992, bladzijde 20, 21, paragraaf 14, 15.) Gi wan preikiman di e preiki furu yari kaba, wan kari fu fruteri fu san ede a horidoro na ini a preikiwroko.
Singi 51 nanga lasti begi.
Wiki Di E Bigin 27 November
Singi 47
10 min: Wan tu sani fu a gemeente. Memre den preikiman taki den e gi den preikiwroko raportu fu november. A publikâsi di wi sa pristeri na ini december na a Sabi-buku nanga a Nieuwe-Wereldvertaling. Fruteri fa Yehovah Kotoigi ben prei wan bigi rol na ini a tyari kon na doro fu Bijbel na ini furu tongo.—Luku A Waktitoren fu 15 oktober 1997, bladzijde 11, 12.
20 min: Gebroiki a Redeneren-buku Bun. Aksi-nanga-piki takimakandra fu bladzijde 7, 8. Sori na sortu fasi a buku disi meki fu yepi wi fu kan du wi diniwroko moro bun. Fruteri fa sma kan gebroiki a buku te den e gebroiki a telefon fu preiki. Demo fa wan sma kan feni bodoi di kan yepi en fu piki wan aksi. Gi ala sma deki-ati fu kon sabi a buku disi heri bun, fu abi en ala ten na ini a tas di den tyari go na a preikiwroko èn fu gebroiki en dorodoro.
15 min: Fa Mi Kan Sorgu Taki Mi No E Luku TV So Furu Moro? Wan owruman e taki nanga wan yongu brada di e teki furu yuru wan dei fu luku TV. Biginbigin, a yongu brada e hori nomo taki a no de wan takru gwenti. A e taki dati a de wan fasi nomo fu blo en ede èn taki disi no abi takru bakapisi gi en. Na owruman e taki fu den prenspari penti fu kapitel 36 fu a Jonge mensen vragen-buku. A e tyari kon na krin, taki te sma e luku TV tumusi furu dan dati e nyan prenspari ten di wan sma ben kan gebroiki fu studeri nanga ensrefi, fu go ini a diniwroko, noso fu yepi a gemeente nanga den sani di de fanowdu. A yongu brada e taki dati a e warderi a rai èn a e taki dati a no o luku TV so furu moro, so taki a kan kisi wini na yeye fasi.
Singi 78 nanga lasti begi.
Wiki Di E Bigin 4 December
Singi 73
10 min: Wan tu sani fu a gemeente. „Sortu Boskopu Yu O Libi na Baka Tapu wan Antwoordapparaat?”
15 min: Sani di a gemeente abi fanowdu.
20 min: „Wan Wortu Di Taki na a Yoisti Ten”. Takimakandra nanga den arkiman èn demonstrâsi. Furu sma di e pruberi fu bigin wan takimakandra e denki taki den no man du dati. Den e meki a fowtu fu denki taki den abi wan spesrutu koni fanowdu fu man abi bun bakapisi. Sori fa wi alamala, nyunwan nanga yongu preikiman, kan bigin takimakandra efu wi du pikin muiti. Taki syatu fu den pristeri na ini den paragraaf, ala di yu e sori krinkrin o makriki a de fu du dati. Meki tu noso dri preikiman demo fa den du dati. Sori taki a Wi Kownukondre Dienst fu maart 1998, bladzijde 8, abi moro pristeri di wi kan gebroiki tu. Gi ala sma deki-ati fu taki nanga overtoigi so taki den sa feni moro prisiri na ini a diniwroko fu den.
Singi 98 nanga lasti begi.