Sortu Boskopu Yu O Libi na Baka Tapu wan Antwoordapparaat?

A telefon na wan kefalek bun yepisani fu gi kotoigi na sma di yu no e miti na oso, noso na den wan di e libi na ini kontren pe yu no man kon so makriki. Ma toku moro nanga moro sma no e teki a telefon te wan sma e bel den — wan antwoordapparaat e teki a boskopu gi den. Te disi e pasa, dan san yu kan du? No saka a telefon. Na presi fu dati, sorgu taki yu sreka bun na fesi san yu o piki èn skrifi dati na tapu papira, so taki yu kan leisi en te yu yere na antwoordapparaat. Oefen yusrefi fu taki na wan switi fasi, neleki yu e hori wan takimakandra nanga a sma. San yu kan taki?

Na wan switi fasi yu kan gi na ososma wan kari fu kon na a Publiki Konmakandra di sa hori a wiki dati na ini a Kownukondre zaal. Kande yu kan taki: „Mi sari taki yu no de na oso. Efu yu wani yere wan Bijbel takimakandra fu [kari a nen fu a publikitaki], dan grantangi, kon na a Kownukondre zaal fu Yehovah Kotoigi. Wi e gi ala sma wan switi kon. Wi no e piki moni drape noiti.” Baka dati, taki krin sortu dei èn sortu yuru a konmakandra o hori, èn kari so srefi a nen fu a strati nanga na oso nomru fu a zaal, noso taki na ini sortu birti a Kownukondre zaal de.

Te yu de na a konmakandra, dan luku bun efu nyun suma kon, fruteri den fa yu nen èn meki den firi taki yu e prisiri taki den kon. No frigiti fu pristeri den wan oso-bijbelstudie, sondro taki den abi fu pai gi dati!