Schema gi a Diniwroko Konmakandra

Wiki Di E Bigin 11 Yuni

Singi 22

10 min: Wan tu sani fu a gemeente. Wan tu sani di teki puru fu Wi Kownukondre Diniwroko. Gi ala sma deki-ati fu luku a video di nen Jehovah’s Getuigen — Standvastig onder nazi-terreur (Yehovah Kotoigi E Kakafutu gi a Nazi Tirimakti), so taki den kan sreka densrefi gi a takimakandra fu a Diniwroko Konmakandra fu a wiki fu 25 yuni.

15 min: „Tan ’Du San Bun’”. Wan owruman e hori wan Bijbel lezing di e gi sma deki-ati.

20 min: „Doro na Ati fu a Studenti fu Yu”.a Taki tu fu bun rai di e sori fa fu yepi nyunwan fu kweki bribi nanga lobi ini den ati gi Yehovah nanga Yesus. Gebroiki prenspari penti fu A Waktitoren fu 15 yuli 1999, bladzijde 14, paragraaf 18-20.

Singi 34 nanga lasti begi.

Wiki Di E Bigin 18 Yuni

Singi 11

5 min: Wan tu sani fu a gemeente. Raportu fu moni afersi.

10 min: Gi Piki Tapu den Sani Di Sma Kan Taki fu Tapu wan Takimakandra. Takimakandra nanga den arkiman. Taki fu „Komentaar” ini a brochure Fa foe bigin èn go doro nanga bijbel takimakandra, bladzijde 7, 8. Teki wan tu fu den sani na bladzijde 16-20 di sma na ini yu gebied e taki fu sori taki den no wani arki. Gi den arkiman wan kari fu fruteri sortu wan fu den piki den kan gebroiki bun èn fu san ede.

30 min: „Yu Kan Seti Sani fu Man Dini?” Wan lezing di e gi deki-ati moksi nanga piki di den arkiman e gi tapu aksi di sreka na fesi gi paragraaf 13 nanga 18-24. Gi papa nanga mama deki-ati fu yepi den yongu pikin fu den fu luku efu den kan teki a Bethel diniwroko leki wan libiwroko. Gi osofamiri a rai fu studeri na inibere pisi disi fu Wi Kownukondre Diniwroko te den e hori den osofamiri studie.

Singi 84 nanga lasti begi.

Wiki Di E Bigin 25 Yuni

Singi 16

6 min: Wan tu sani fu a gemeente. Luku den publikâsi di wi sa pristeri ini yuli nanga augustus. Poti krakti tapu tu brochure san de na ini a gemeente kasi. Luku den eksempre di den gi na a lasti bladzijde fu den uitgave fu yuli nanga augustus fu Wi Kownukondre Dienst fu 1995 te go miti den uitgave fu 1998. Memre den preikiman taki, ala leisi te den e prati wan brochure, den kan gi a sma a brochure Jehovah’s Getuigen in de twintigste eeuw tu.

9 min: San Yu E Sreka fu Du ini a Fakansi? Wan owruman noso wan dinari ini a diniwroko e taki makandra nanga en osofamiri fu den sani di den seti gi a fakansi. Den e taki fu a de di den o de na ala den pisi fu a distrikt kongres, fu a yepi-pionierwroko, èn kande fu a fakansi di den o teki fu go koiri pikinso. Den alamala e agri taki, srefi efu den e go na wan tra presi den no wani misi den sani leki konmakandra, a preikiwroko, nanga na osofamiri bijbelstudie fu den. Den o sorgu taki a sekretarsi e kisi a preikiwroko raportu fu den wantewante, awansi den de na oso noso efu den go koiri na wan tra presi.

30 min: „’Mi E Tanapu Kánkan! Mi E Tanapu Kánkan! Mi E Tanapu Kánkan!’” Takimakandra nanga den arkiman fu a video di nen Jehovah’s Getuigen — Standvastig onder nazi-terreur, fu di yu e gebroiki den aksi fu paragraaf 2. Luku paragraaf 3 nanga 4 baka dati. Leisi a sani di meki bekènti na bladzijde 7, di e taki fu a video gi skoromeester nanga skoromisi. Tapu nanga na ondrofenitori fu na Ontwaakt! fu 22 november 1999, bladzijde 31. Na ini augustus wi o taki fu a video di nen De Nieuwe-Wereldmaatschappij in actie.

Singi 11 nanga lasti begi.

Wiki Di E Bigin 2 Yuli

Singi 23

13 min: Wan tu sani fu a gemeente. Memre den preikiman fu gi den preikiwroko raportu gi a mun yuni. Taki fu a boksu „Yu E Mankeri wan Buku na ini Yu Bukukasi?” Fu sori a waarde fu san skrifi na ini a Jaarboek (Yaribuku), dan fruteri syatu wan tu fu den ondrofenitori fu den Yaribuku fu 1992, 1993 nanga 1996. Gi ala sma di no abi den Yaribuku disi na ini den eigi bukukasi a deki-ati fu seni aksi den.

15 min: Yonguwan​—Teki Yu Libiwroko Nanga Koni. Disi na a fosi wan fu den dri pisi fu a Diniwroko Konmakandra pe den o taki fu den Bijbel gronprakseri di abi fu du nanga moro skoro leri. Son Kresten yonguwan e feti fu kisi wan grontapu libiwroko fu di den e teki moro skoro leri. Disi e meki taki a no e go so bun nanga den na yeye fasi. Disi na wan takimakandra mindri wan papa nanga en wefi èn so srefi nanga a tini manpikin noso umapikin fu den. A yonguwan musu teki wan seryusu bosroiti fu luku sortu marki a o suku fu doro na ini a ten di e kon. Kande son sma wani meki furu moni, kisi hei posisi noso wan makriki libi. Ma na osofamiri e ondrosuku Bijbel fu si sortu rai a e gi. (Luku Jonge mensen vragen, bladzijde 174, 175; A Waktitoren fu 15 augustus 1997, bladzijde 21, nanga di fu 1 september 1999, bladzijde 19-21, paragraaf 1-3 nanga 5, 6.) A yonguwan e agri taki a koni fu meki muiti fu abi wan libi di o yepi en fu man doro theokrasia marki so taki Kownukondre afersi kan go na fesi.

17 min: „Hori Dofu Sma na Prakseri So Taki Yu Kan Feni Den na ini Yu Gebied”.b Fruteri omeni dofu sma e libi na ini a kontren fu yu gemeente, efu yu man feni a nomru dati. Taki fu a pisi „Feni Sma Di E Taki wan Tra Tongo” na ini a brifi fu 15 oktober 1998, gi ala gemeente na Sranan. Fruteri na ondrofenitori na ini Wi Kownukondre Dienst fu februari 1998, bladzijde 3, paragraaf 7.

Singi 12 nanga lasti begi.

[Futuwortu]