Schema gi a Diniwroko Konmakandra
Wiki di e bigin 11 maart
13 min: Wan tu sani fu a gemeente. Wan tu sani di teki puru na ini Wi Kownukondre diniwroko. Demo fa wi kan pristeri A Waktitoren fu 15 februari nanga Ontwaakt! fu 22 februari, soleki fa a de fu feni na tapu bladzijde 8. A ben o bun fu gebroiki ala tu fasi fu pristeri den tijdschrift fu demo fa unu kan taki go doro nanga sma di e taki, „Mi no abi belangstelling”, fu di den no wani arki wi.—Luku a pikin brochure Fa foe bigin èn go doro nanga bijbel takimakandra, bladzijde 8.
12 min: Wi musu sorgu taki wi leki Kresten no moksi wisrefi nanga den afersi fu grontapu. Wan lezing di wan owruman di abi ondrofeni e hori. Na ini furu kondre sma e bigin sori krin taki den lobi a kondre fu den pasa marki. Disi e kon na krin furu tron na skoro, na wrokope, èn sontron srefi na ini a birti pe sma e libi. Difrenti sani de di sma na ini wi kondre kan du sosrefi, fu sori taki den e denki na a fasi dati tu. Furu sma di e gi trawan deki-ati fu du disi, e gebroiki a sani disi leki wan fasi fu kakafutu gi den broko-ede fu a libi èn fu sori taki den e sari fu den ogri sani di e miti sma na ini a kondre fu den. A no de fu taki dati den sani di wi e si taki den e pasa na grontapu e hati wi tu. Ma wi e frustan tu taki a sani disi abi fu du nanga na afersi: suma abi a reti fu tiri leki a Moro Heiwan fu hemel nanga grontapu. Dati na a trutru problema. Fu dati ede a Kownukondre boskopu e trowstu wi. Na wan fasi di no e hati sma firi, wi kan sori den fu san ede wi no e moksi nanga den sani di sma e du fu sori taki den lobi a kondre fu den moro leki tra kondre. Na a srefi ten, wi musu fruteri sma tu san e gi wi trowstu èn sortu howpu a Wortu fu Gado e gi wi. Na tapu bladzijde 20-24 fu a brochure di nen Jehovah’s Getuigen en het onderwijs (Yehovah Kotoigi nanga a skoroleri di den e kisi), wan ondro ede-prakseri de di nen „De vlaggegroet” (A gi di sma e gi grani na a fraga). A pisi dati e tyari kon na krin fu san ede wi no e teki prati na sani di abi fu du nanga a lobi di wan sma lobi en kondre pasa marki. Taki fu den edepenti fu na pisi tori dati èn gi den papa nanga mama deki-ati fu luku a pisi tori disi finifini baka nanga den pikin fu den. Fruteri wan tu fu den ondrofenitori di de na tapu bladzijde 20 fu a brochure èn na tapu bladzijde 31 fu Ontwaakt! fu 8 yanuari 1996. Sori krinkrin fu san ede a prenspari taki wi e dini Yehovah wawan, aladi wi e sori lespeki gi grontapu tirimakti.
20 min: De wan sma ’di e du furu bun wroko’.a A dienstopziener musu hori en. Gi ala sma deki-ati fu teki prati fayafaya na a preikiwroko leki wan fasi fu sreka wisrefi gi a Memrefesa di o hori 28 maart. Fruteri fa wi kan kisi trutru bun bakapisi te wi e gebroiki den kari di tyari kon na doro spesrutu gi a Memrefesa. Meki wan tu brada nanga sisa fruteri san den ben du fu tyari wan tu fu den famiriman, mati, bijbelstudenti nanga tra sma di wan sabi moro fu Bijbel, kon na a Memrefesa a yari di pasa èn sortu prisiri dati ben gi den. Gi deki-ati na ala sma di man fu dini leki yepi-pionier na ini a mun april èn fu teki wan formulier gi dati, baka a konmakandra.
Singi 82 nanga lasti begi.
Wiki di e bigin 18 maart
10 min: Wan tu sani fu a gemeente. Raportu fu moni afersi. Taki fu a pisi tori: „Sani di wi musu hori na prakseri gi a Memrefesa.” Gi ala sma deki-ati fu leisi den pisi fu Bijbel di de na ini Ondrosuku den Buku fu Bijbel ala dei—2002. Wi sa bigin leisi den bijbeltori disi di abi fu du nanga a Memrefesa, na ini a pisi ten fu 23-28 maart.
15 min: „Wi e prisiri fu wroko makandra nanga Yehovah èn en Manpikin”. Wan lezing di teki puru fu Bijbel èn di e gi sma deki-ati trutru. Wan owruman sa hori en. Gi ala sma deki-ati fu du muiti na ini a mun disi fu kari so furu sma leki den man fu de makandra nanga wi na a Memrefesa.
20 min: Sortu winimarki wi e kisi fu a Jaarboek? Wan lezing èn wan takimakandra nanga a publiki. Taki fosi fu den prenspari ede-prakseri fu „Wan brifi fu a Tiri Skin”. Dan yu kan aksi den arkiman fu fruteri wan tu sani fu a Jaarboek di den ben lobi srefisrefi èn di ben tranga a bribi fu den. Gi ala sma deki-ati fu leisi a Jaarboek go doro èn fu gebroiki en fu yepi den bijbelstudenti fu den fu kon sabi na organisâsi fu Yehovah moro bun.
Singi 45 nanga lasti begi.
Wiki di e bigin 25 maart
14 min: Wan tu sani fu a gemeente. Fruteri den brada nanga sisa taki a no lati ete fu aksi fu go na ini a yepi-pionierwroko na ini april. Meki wan owruman demo fa fu pristeri wan sma A Waktitoren fu 1 maart èn meki wan yonguwan sori fa wi kan pristeri Ontwaakt! fu 8 maart. Gebroiki den pristeri di de na tapu bladzijde 8. Te den demonstrâsi kaba, dan yu kan taki fu wan tu bun sani fu ibriwan fu den pristeri disi.
15 min: Sani di a gemeente abi fanowdu.
16 min: Gebroiki a Redeneren-buku fu gi trawan deki-ati. Wan takimakandra nanga den arkiman. Ten na ten, wi alamala abi deki-ati fanowdu di e gi na wan lobi-ati fasi. Fu dati ede wi alamala musu frustan taki a de fanowdu fu ’taki nanga trawan fu gi den trowstu’. Dati wani taki sosrefi dati wi musu trowstu den sma di wi e miti na ini a preikiwroko te den e firi brokosaka (1 Tes. 5:14). Bladzijde 25-28 fu a Redeneren-buku e taki fu wan tu problema di sma kan abi. Aksi den arkiman fu taki sortuwan fu den bijbeltekst disi di e gi sma deki-ati den ben sa gebroiki fu yepi sma di abi fu du nanga den sortu problema dati. Gi ibriwan fu den arkiman a rai fu pruberi fu gi wan tra sma deki-ati te den e si taki a de fanowdu.—Gal. 6:10.
Singi 131 nanga lasti begi.
Wiki di e bigin 1 april
7 min: Wan tu sani fu a gemeente. Memre den preikiman fu gi den preikiwroko raportu fu a mun maart.
18 min: „Den ’presenti ini libisma’ de klariklari fu tiri na ipi fu Gado”. Wan lezing di wan owruman musu hori. Taki fu den tekst di kari na ini a pisi tori disi. Sori taki a abi trutru bun bakapisi te den owruman e go luku den wan di no e preiki moro èn te den e yepi den sikiwan fu du san den man na ini a preikiwroko. Lobi-ati skapuman e sori taki den e warderi a tranga muiti fu ala den sma fu na ipi di e pruberi fu tan fayafaya na ini a diniwroko fu Yehovah.
20 min: „Yu kan preiki nanga moro prisiri”.b Te yu e taki fu paragraaf 5, dan yu kan aksi den arkiman efu den abi wan tu rai fa wi kan abi moro bun bakapisi na ini a kontren pe wi e preiki. Demo wan noso tu fasi fa wi kan waka go miti wan sma fu abi syatu takimakandra nanga en. Gi ala sma deki-ati fu suku okasi fu preiki a wiki disi.
Singi 15 nanga lasti begi.
[Futuwortu]
a Den sani di yu e taki na a bigin no musu teki moro leki wán miniti. Go doro baka dati nanga wan aksi-nanga-piki takimakandra.
b Den sani di yu e taki na a bigin no musu teki moro leki wán miniti. Go doro baka dati nanga wan aksi-nanga-piki takimakandra.